Lu̱ka̱ 3:36 - Tennet

³⁶ okko Shelah een ngerrti Kainani, een Kainani ngerrti Arvacad, okko Arvacadi een ngerrti Shem, een Shemi ngerrti Nowa, okko Nowa een ngerrti Lamech,

Lu̱ka̱ 3:36 Iomraidhean Croise

Kananet 5:3

Baling abak Adami zee kize e̱rki̱nya̱ o̱bo̱n co̱de̱ ki moten i̱i̱yo̱ (130), i̱ti̱rra̱ zin do̱le̱c ci a̱du̱wo̱ ki nonno kar zin kakatek zar kize Seth.

Kananet 6:22

U̱tu̱gu̱ zin Nowa kaal ne̱ke̱ ki baling u̱du̱wa̱k Ta̱mu̱ta̱dde̱n nonno ke̱.

Kananet 7:13

Ma̱i̱je̱ i̱i̱te̱n neci i̱tto̱zzo̱ Nowa ki logoz waginnek Shem ki Ham ki Japheth ki ngaa wainne ki ngaai cik logoz ne̱k e̱e̱ggi̱n i̱i̱yo̱ ko̱ do̱o̱k i̱bo̱.

Kananet 7:23

e̱e̱t ci diiri ki elegje, ngazengaze ki iballi ne̱k a̱ku̱l ta̱mu̱-kenga ko̱ do̱o̱k. Ovvo cik anyigzai, Nowa ki ollinne ki kaal balik aavtte ki nonno i̱ba̱ ke̱ do̱.

Kananet 8:1

I̱no̱n zin Ta̱mu̱ta̱dde̱n zoz ci Nowa ki ollinne ki kaal ki elegje balik aavtte ki nonno i̱ba̱ ke̱, kar zin ki̱tto̱na̱ ngoot ku̱vu̱wa̱n lo̱o̱c, kar zin maama koot lo̱o̱ta̱ todowai.

Kananet 9:1

U̱mu̱yu̱k zin Ta̱mu̱ta̱dde̱n Nowa ki logoz ciginnek a̱nne̱k ne, “I̱ti̱rre̱t kar otorta e̱le̱tti̱ kar ibbizitanit lo̱o̱c.

Kananet 9:18

E̱e̱ggi̱n logoz wak Nowa bali iyowa i̱bo̱wa̱ ke̱ ciko: Shem ki Ham ki Japheth. (Een zin Hami be̱e̱ti̱ Kanaani.)

Lu̱ka̱ 17:27

Imma i̱i̱nya̱we̱ ne̱ke̱ ba̱li̱ye̱ adakce ol, aude, a̱ti̱k ngaai zee rok i̱i̱te̱n ci i̱zo̱we̱ Nowa i̱bo̱. Kar zin tawani ki̱ki̱ya̱ kidita nogo do̱o̱k.

Lu̱ka̱ 3:35

een Nahori ngerrti Serug, okko Serugi een ngerrti Reu, een Reu ngerrti Peleg, okko Pelegi een ngerrti Eberi, een Eberi ngerrti Shelah,

Lu̱ka̱ 3:37

een Lamechi ngerrti Matasela, okko Matasela een ngerrti Enok, okko Enoki een ngerrti Jaredi, okko Jaredi een ngerrti Mahalalel, een Mahalaleli ngerrti Kainani,

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

1 Peturu 3:20

E̱e̱ggi̱n zin bali ol ne̱ke̱, ol cik abure Ta̱mu̱ta̱dde̱n bali reena e̱rki̱nya̱i̱ balik aave Nowa lo̱o̱ta̱ ngatu ke̱, ere bali Ta̱mu̱ta̱dde̱n nogo baling ngen Nowa adiman i̱bo̱ ke̱. Abarik zin bali i̱i̱te̱n neci anyigzai ol cik e̱e̱ggi̱n tu̱rge̱, imma ol do̱o̱k utuddudde maame.

2 Peturu 2:5

Imma e̱rki̱te̱ bali ngen Nowa aruge ke̱, iróng Ta̱mu̱ta̱dde̱n alalnek olli lo̱o̱tu̱ mu̱nye̱nu̱. I̱li̱b zin enne nogo tawana, eela zin enne ol turgerem ki Nowa wa bali uwahek ol zoz ci abunna.