Lu̱ka̱ 3:13 - Tennet

¹³ U̱du̱wa̱k zin enne nogo, “Ma ngen alutanu mucuru cik meelek olle kommogit cik orong alaani.”

Lu̱ka̱ 3:13 Iomraidhean Croise

Ma̱te̱yo̱ 7:12

“Imma kaale do̱o̱k, u̱tu̱gu̱zze̱k ol kaal cik abunna orongnyu niga ku̱tu̱gu̱ze̱u̱ng nege i̱ge̱ta̱. Een ne̱ko̱ zo̱zzo̱k cik aruma lo̱ti̱nno̱k cik Musesi do̱o̱k ki zoz ci a̱ri̱tto̱u̱.

Lu̱ka̱ 19:8

Ma̱i̱je̱ Zakayosi itinga je̱e̱na̱ kar kizek Manyi ne, “Cinno, Manyi, kengeri atin anna kaal cigannik gegera kar kanyik ol wak amati, kar ming ku̱lu̱ta̱ da̱ ba̱li̱ye̱ e̱e̱t imma gi̱i̱ye̱ emani, ka̱ru̱i̱ atin anna o̱ro̱bi̱ya̱ ne̱ke̱ lak we̱c.”

Lu̱ka̱ 3:12

I̱vi̱ta̱ ol wak alut mucuru olle orong ka̱gga̱mi̱t ba̱ti̱ti̱mo̱. I̱jji̱nto̱ zin nege, “De̱me̱zo̱i̱t, ku̱tu̱gu̱zza̱ wo̱ye̱ naga nya?”

Lu̱ka̱ 3:14

I̱jji̱nne̱t bo̱do̱k aciiri uggak nonno, “Ku̱tu̱gu̱zza̱ wo̱ye̱ naga nya?” O̱bo̱de̱k zin Joni nogo, “Ma a̱gga̱ma̱nnu̱ ol kaal i̱ba̱ti̱ne̱ kar bo̱do̱k e̱ce̱bi̱t ol volonga, e̱le̱zzo̱ ki kaal cik a̱a̱nyu̱ng gaala ko̱.”

1 Ko̱ri̱nto̱ 6:10

icima ol cik een ogoryak, icima ol cik anyak zi̱nze̱tti̱ cik a̱ppi̱nte̱k kaale cik ollu, icima bba̱kco̱k, icima ol wak akati gonoggi volonga, ki ol wak adawa gonoggi lo̱o̱ta̱, iróng nege do̱o̱k amuda ba̱a̱li̱ne̱t ci Ta̱mu̱ta̱dde̱no̱.

Evesos 4:28

Anyik e̱e̱t ci bali gon een ogoryait kutungek ogor lo̱o̱c, abunna akane li̱ngli̱ngo̱n eliye cinne kar kumuda kaal cik orong enne go̱o̱le̱ ci abunna, kar gon enne kumuc ol u̱gge̱ bu̱k.

I̱bu̱ru̱ 12:1

Eci ibbacit koole ci a̱ppwe̱ olli Ya̱u̱do̱ a̱tu̱ Ta̱mu̱ta̱dde̱n ko̱ tu̱we̱nte̱ ci kabahe naga niko, abunna kungnek mu̱nye̱n lo̱o̱c ki kaal wak adiryyet baiza. Abunna kabak baiz ci kanime no̱ngi̱tto̱n kar kurubta baiz ci aanyyet Ta̱mu̱ta̱dde̱n ko̱.