Lu̱ka̱ 24:6 - Tennet

⁶ Iróng enne aave ngatu; itinga enne daiza! A̱a̱dda̱ zoz bali a̱du̱wa̱kku̱ng enne i̱ge̱t ke̱, baling ngen aavtiyyu ki nonno Ga̱li̱li̱kte̱ ke̱, azi ne,

Lu̱ka̱ 24:6 Iomraidhean Croise

Ma̱te̱yo̱ 12:40

Aave bali Jonah kenge ci u̱lu̱gto̱ wazinnok i̱i̱yo̱ ki ba̱a̱li̱nno̱k i̱i̱yo̱. Ogon zin atin Ngerrti E̱e̱to̱ bu̱k niko, aave atin lo̱o̱ta̱ ecito wazinnok i̱i̱yo̱ ki ba̱a̱li̱nno̱k i̱i̱yo̱.

Ma̱te̱yo̱ 16:21

Imma i̱i̱te̱ne̱ neci, akate Ye̱su̱ u̱du̱wa̱k nuyak ciginnek kokko enne la̱du̱n Jerusalema. Kar kuk kipira azzine cik lo̱ddi̱ki̱re̱ cik Ya̱u̱do̱ ki alaat cik olli wawaco Ce̱e̱ze̱ wa Ta̱mu̱ta̱dde̱no̱, ki de̱me̱zzo̱k wak lo̱ti̱nno̱k wak Musesi, a̱ru̱we̱ atin enne kar kitinga daiza i̱i̱nya̱we̱ cik een i̱i̱yo̱.

Ma̱te̱yo̱ 27:63

Izeto ne, “Ddi̱ki̱ryo̱i̱t, ka̱a̱da̱nna̱ zoz bali azi volongnyoiti baling ngen aruge, azi ne, ‘Ming edeccai i̱i̱nya̱ cik een i̱i̱yo̱, kingazi atin dee daiza.’

Ma̱te̱yo̱ 28:6

Iróng enne aave ngatu! Itingawe Ta̱mu̱ta̱dde̱n nonno daiza ki bali u̱du̱wa̱ Ye̱su̱ azi ne okko atin enne ingazi daiza. I̱vi̱ta̱ icinnet ngin bali abahek ol nonno ke̱.

Marko 16:6

Izek zin lo̱gu̱t neci nogo ne, “Ma a̱ku̱le̱kku̱ je̱e̱n, orongnyu niga Ye̱su̱ wa Nazereti, wa bali ododek ol ta̱la̱ke̱c. Itinga enne daiza, iróng enne aave ngatu. Icinnet ilomi bali abahek ol ele cinne ke̱.

Marko 8:31

Akate zin Ye̱su̱ edemez demezyak zoz ci azi ne apirna atin Ngerrti E̱e̱to̱ kaale cik meelek kar lo̱ddi̱ki̱re̱ kutuburret nonno, alaata cik olli wawaco Ce̱e̱ze̱ wa Ta̱mu̱ta̱dde̱no̱ ki de̱me̱zzo̱k wak lo̱ti̱nno̱u̱, a̱ru̱we̱ atin enne ka̱da̱k kar kitinga daiza kurug i̱i̱nya̱we̱ cik een i̱i̱yo̱.

Lu̱ka̱ 24:34

kar kizeto ne, “Een de̱de̱! Itinga Manyi daiza kar ki̱ye̱le̱k ele Si̱mo̱ne̱.”

Lu̱ka̱ 24:5

Kar ngati o̱ngo̱o̱li̱nne̱ ngaai ne̱ke̱ u̱lu̱le̱t nege o̱o̱tti̱ icinnet lo̱o̱c, ma̱i̱je̱ ol ne̱k e̱e̱ggi̱n rama ko̱ izettek nogo ne, “Nya ming orongnyu e̱e̱t ci aruge orgene ci ol cik a̱da̱i̱to̱ ko̱?

Lu̱ka̱ 9:22

Izek Ye̱su̱ nuyak waginnek ne, “Apirna atin la̱du̱n Ngerrti E̱e̱to̱ kaale cik meelek, kar kutubure ngati lo̱ddi̱ki̱re̱ ki alaat cik olli wawaco ki bo̱do̱k de̱me̱zzo̱k wak lo̱ti̱nno̱u̱, okko atin enne a̱ru̱we̱ la̱du̱n ka̱da̱k, kar i̱i̱te̱ne̱ ci een i̱i̱yo̱, okko atin enne ingazi daiza kurug.”

Lu̱ka̱ 9:44

“Izikto ju̱rru̱m zo̱ze̱ ci okko anna ka̱du̱wa̱kku̱ng ko̱: Okko atin e̱e̱ti̱ imma adawa Ngerrti E̱e̱to̱ ngati anyike nonno azzin cik ol cik meelek giir.”

Buk wa To̱ni̱a̱u̱ 2:24

Abarik zin Ta̱mu̱ta̱dde̱n itingai nonno daiza, aara wu̱ce̱z ci daizo ngatinne, eci daizi iróng anyak doiz ci a̱gga̱me̱ nonno.

2 Te̱se̱lo̱ni̱ka̱ 2:5

Iróng niga a̱a̱da̱nnu̱ baling ngen anna karume ki i̱ge̱t ka̱du̱wa̱kku̱ng gon anna kaal ne̱ko̱?