Lu̱ka̱ 24:44 - Tennet

⁴⁴ Izek enne nogo ne, “Een necu zoz bali ku̱du̱wa̱u̱ng anna i̱ge̱ta̱ baling ngen kaavtte bu̱k ke̱: Akati atin kaala do̱o̱k mo̱o̱le̱t cik obod ki annit ki ming e̱he̱rye̱ lo̱ti̱nno̱we̱ cik Musesi, ki a̱ri̱tto̱k ki Caliwon.”

Lu̱ka̱ 24:44 Iomraidhean Croise

Kananet 14:18

Anyahak zin Melchizedeki alaani ci Salemi merte ki da̱i̱ne̱t. Een da̱ enne e̱e̱t ci wawaco Ta̱mu̱ta̱dde̱n wa A̱ddi̱ki̱re̱ Veelek,

Kananet 22:18

kar zo̱ze̱ ci dooli cigunnek, amuda atin ol lo̱o̱co̱we̱ do̱o̱k ma̱yu̱we̱ne̱t, eci i̱nna̱ o̱ngo̱o̱li̱na̱n.”

Kananet 3:15

I̱yo̱ko̱ zin karike atin anna marnonet i̱nne̱t ki ngaa zee ku̱ru̱m ci alawano, a̱ru̱ki̱ atin do̱le̱c ci ngaawo oo cunne kar i̱nna̱ tenged nonno gi̱nygi̱nye̱ni̱t.”

Kananet 49:10

Iróng atin alaanzet ungnek Ju̱da̱ lo̱o̱c, icima keet ci alaanzetu aave zone ciginnek, zee ki̱ki̱ya̱k enne manyi alaanzet kar ngo̱o̱li̱ne̱t ci lo̱o̱cco̱k do̱o̱k een cinne.

Ma̱te̱yo̱ 1:22

Imma zin go̱o̱le̱ necu niko, akat zoz ci Manyi ko̱ mo̱o̱le̱t go̱o̱le̱ bali a̱du̱wa̱ne̱ a̱ri̱tto̱wa̱ cik zoz ci Ta̱mu̱ta̱dde̱no̱ ke̱,

Ma̱te̱yo̱ 16:21

Imma i̱i̱te̱ne̱ neci, akate Ye̱su̱ u̱du̱wa̱k nuyak ciginnek kokko enne la̱du̱n Jerusalema. Kar kuk kipira azzine cik lo̱ddi̱ki̱re̱ cik Ya̱u̱do̱ ki alaat cik olli wawaco Ce̱e̱ze̱ wa Ta̱mu̱ta̱dde̱no̱, ki de̱me̱zzo̱k wak lo̱ti̱nno̱k wak Musesi, a̱ru̱we̱ atin enne kar kitinga daiza i̱i̱nya̱we̱ cik een i̱i̱yo̱.

Ma̱te̱yo̱ 26:54

Ming ku̱tu̱gu̱ anna niko, akati wo̱ye̱ zoz ci Ta̱mu̱ta̱dde̱no̱ e̱he̱rye̱ Warage cinne azi ne, ogonika ol annit ko̱ mo̱o̱le̱t ku̱?”

Ma̱te̱yo̱ 26:56

A̱vvu̱ kaala ne̱ko̱ do̱o̱k abunna zoz bali ozoz a̱ri̱tto̱wa̱ Warage ci Ta̱mu̱ta̱dde̱no̱ ke̱ kakat mo̱o̱le̱t.” Kar zin nuyaha do̱o̱k ko̱do̱te̱k nonno lo̱o̱c kar ki̱vi̱re̱t.

Marko 9:31

eci enne edemez nuyak ciginnek. Izek zin enne nogo ne, “Ovvo atin ol adawa Ngerrti E̱e̱to̱ kar kanyozik azzine cik ol cik diirik. A̱ru̱k atin nege nonno, imma i̱i̱nya̱we̱ cik een i̱i̱yo̱ ingazi atin enne daiza.”

Lu̱ka̱ 21:22

Eci e̱e̱ggi̱n ne̱ko̱ i̱i̱nya̱ cik edeze Ta̱mu̱ta̱dde̱n ol zo̱ze̱ bali e̱he̱rye̱ la̱du̱n.

Lu̱ka̱ 22:37

E̱he̱rye̱ Warage ci Ta̱mu̱ta̱dde̱no̱, ‘I̱ti̱gi̱lte̱k ol nonno ki olli mu̱nye̱nu̱.’ Ka̱du̱wa̱kku̱ng anna i̱ge̱ta̱ ogone atin kaala ne̱ko̱ ngatinanni. De̱de̱ zoz ci e̱he̱rye̱ zo̱ze̱ cinanni ki̱ki̱ya̱ zin akat mo̱o̱le̱t.”

Lu̱ka̱ 24:46

U̱du̱wa̱k enne nogo, “Icu zoz ci e̱he̱rye̱: Okko atin Ki̱ri̱sto̱ apirna kar kitinga daiza i̱i̱te̱ne̱ ci een i̱i̱yo̱,

Lu̱ka̱ 9:22

Izek Ye̱su̱ nuyak waginnek ne, “Apirna atin la̱du̱n Ngerrti E̱e̱to̱ kaale cik meelek, kar kutubure ngati lo̱ddi̱ki̱re̱ ki alaat cik olli wawaco ki bo̱do̱k de̱me̱zzo̱k wak lo̱ti̱nno̱u̱, okko atin enne a̱ru̱we̱ la̱du̱n ka̱da̱k, kar i̱i̱te̱ne̱ ci een i̱i̱yo̱, okko atin enne ingazi daiza kurug.”

Lu̱ka̱ 9:44

“Izikto ju̱rru̱m zo̱ze̱ ci okko anna ka̱du̱wa̱kku̱ng ko̱: Okko atin e̱e̱ti̱ imma adawa Ngerrti E̱e̱to̱ ngati anyike nonno azzin cik ol cik meelek giir.”

Kaviyak wak Abunna Ta̱mu̱ta̱dde̱no̱ eher Joni 3:14

I̱i̱ri̱m ba̱li̱ye̱ Musesi balala keeta uwat ci adimanai zu̱rte̱nta̱, okko atin Ngerrti E̱e̱to̱ i̱i̱ri̱mze̱ keeta niko bu̱k,

Kaviyak wak Abunna Ta̱mu̱ta̱dde̱no̱ eher Joni 5:39

Abarik niga ikebju Waraga ci Ta̱mu̱ta̱dde̱no̱ oroot, a̱nnu̱ ne, amudannu ruget ci aave udut. Oob Waraga ci Ta̱mu̱ta̱dde̱no̱ zoz cinanni ele.

Kaviyak wak Abunna Ta̱mu̱ta̱dde̱no̱ eher Joni 5:46

Ming elemnyyu niga de̱de̱ lo̱ti̱nno̱k wak Musesi, a̱tu̱yya̱ng weete annit bu̱k, ma̱rri̱t Musesi ba̱li̱ye̱ eteher zoz ci obod ki annita.

Buk wa To̱ni̱a̱u̱ 13:33

i̱ki̱ya̱ akat mo̱o̱le̱t ngatinna dooli ciginnek, eci itingawe enne Ye̱su̱ daiza. Ki i̱yo̱ko̱ ming e̱he̱rye̱ buwe wa Caliwono zoc rama, azi Ta̱mu̱ta̱dde̱n ne: “‘E̱e̱ni̱ i̱nna̱ Ngeranni; kiize anna wazin cu Baatunne.’

Buk wa To̱ni̱a̱u̱ 13:40

U̱zu̱tte̱ e̱le̱tti̱, egenyyit, ma anyikku zoz bali u̱du̱kta̱ a̱rri̱tto̱wa̱ ke̱ kize ci i̱na̱ku̱ng i̱ge̱ta̱:

Buk wa To̱ni̱a̱u̱ 2:27

Eci iróng atin i̱nna̱ ungneka annit ilomi, iróng i̱nna̱ anyik ele ci Ngerunne wa A̱li̱le̱ O̱de̱ Ṯok ku̱mu̱ lo̱o̱wa̱.

Buk wa To̱ni̱a̱u̱ 3:18

Abarik een necu gool ci aanyik Ta̱mu̱ta̱dde̱n zoz cinne kakat mo̱o̱le̱t, baling u̱du̱wa̱k enne a̱ri̱tto̱k okko atin Ki̱ri̱sto̱ cinne apirna.

Buk wa To̱ni̱a̱u̱ 7:37

“U̱du̱wa̱k Musesi eliya ol cik Israilo, a̱nne̱k ne, ‘I̱tto̱na̱kku̱ng atin Manyi Ta̱mu̱ta̱dde̱n a̱ri̱to̱i̱t ci zoz cinne orgene cunno̱ng ki i̱yo̱ko̱ anna ko̱.’

I̱bu̱ru̱ 10:1

Een lo̱ti̱nno̱wa̱ cik Musesi ri̱ri̱to̱n ci zoz ci abunna een jor, u̱du̱wa̱ Manyi a̱kku̱ atin. Obodonik olli wawaco apahek Ta̱mu̱ta̱dde̱n kaal odohize odohize. Iróng kaala ne̱k apahek olli wawaco Manyi ko̱ a̱vi̱la̱ mu̱nye̱n wak ol wak ala nonno.

I̱bu̱ru̱ 3:5

A̱li̱ngli̱nge̱k Musesi ol cik Ta̱mu̱ta̱dde̱no̱ wak een Ce̱e̱z ci Ta̱mu̱ta̱dde̱no̱, a̱du̱wa̱ zoz ci atin okko ogone.

I̱bu̱ru̱ 7:1

Een Melchizedeki alaan ci orog ci een Salem, een bo̱do̱k enne e̱e̱t ci wawaco ci apahek Ta̱mu̱ta̱dde̱n kaal. U̱ru̱mto̱ enne ki Aburaham baling oboda illawa, ommog enne alaat, kar zin ku̱mu̱yu̱k nonno.

I̱bu̱ru̱ 9:8

Imma zin go̱o̱le̱ necu, i̱ye̱le̱kke̱t Vongizi ci A̱li̱le̱ zoz ci azi ne, ngen gool koowe kar ki̱tto̱zze̱ Nginti A̱li̱le̱ Oroot a̱bi̱le̱ ru̱u̱ma̱ ko̱, ming ngen Ce̱e̱z wa Ta̱mu̱ta̱dde̱no̱ aave lo̱o̱ta̱.

1 Peturu 1:11

Aave Vongizi ci Ki̱ri̱sto̱ ngatinne̱ng, oobek nogo gool ci atin apirnane Ki̱ri̱sto̱ kar atin kaanyozik nonno nginti di̱ngdi̱nga̱nto̱ ci a̱ddi̱ki̱re̱ oroot.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”