Lu̱ka̱ 24:11 - Tennet

¹¹ Ma̱i̱je̱ nege iróng elemi zoz ci ngaai ne̱ke̱, eci zoz cinne̱ng ogon ki ci ozoz nege darace.

Lu̱ka̱ 24:11 Iomraidhean Croise

Kananet 19:14

Uk zin Loti u̱du̱wa̱k kawunyya ciginnek, balik owo dooli ciginnek ke̱. A̱nne̱k ne, “Amadantte ngatu ataman, eci Manyi orong atidic ki̱li̱b orog cu.” Ma̱i̱je̱ kawunyya ciginnek azi ne amice i̱yo̱ko̱ enne.

Marko 16:11

Baling iziyyet nege ngen Ye̱su̱ aruge, kar Ma̱ri̱ya̱ kicin nonno, iróng nege a̱tu̱ zoz neci.

Marko 16:13

I̱mi̱rtte̱ zin nuyaha ne̱ke̱ oot u̱du̱kta̱k nuyak gonoggi, iróng gonoggja elemi zoz cinne̱ng dee.

Marko 16:14

Ma bali vu̱rrta̱ i̱ye̱le̱k Ye̱su̱ ele nuyak ciginnek omoto ki co̱de̱ ngati adaine. Egerenyek zin enne nogo zo̱ze̱ ci iróng nege anyak tu̱we̱ne̱t, kar bo̱do̱k kokkomit nogo o̱o̱tti̱ abure iróng elemi zoz ci ol balik icinnet nonno ngati itingai enne daiza.

Lu̱ka̱ 24:25

Izek zin Ye̱su̱ nogo ne, “E̱e̱ggi̱nnu̱ niga tarbale de̱de̱, kar odoi i̱ge̱t zi̱nze̱tti̱ ngati a̱tu̱yyu̱ zo̱zzo̱k cik u̱du̱kta̱ a̱ri̱tto̱wa̱!

Lu̱ka̱ 24:41

Baling ngen odoi nogo zi̱nze̱tti̱ zo̱ze̱ ci talninto ki ngo̱o̱li̱ne̱t, i̱jji̱n enne nogo, “Anyakku niga ngatu gi̱i̱ imma ci een da̱i̱ne̱t?”

Buk wa To̱ni̱a̱u̱ 12:9

Unu zin Peturu anjilo niko. Abarik zin Peturu ngen ka̱gga̱ ming een zoz ci a̱du̱wa̱ anjilo ko̱ de̱de̱, i̱no̱n enne azi ne een i̱yo̱ko̱ o̱no̱zzo̱k.