Lu̱ka̱ 23:2 - Tennet

² Kar ka̱ka̱tte̱ kovolongte nonno, kizeto ne, “Karubanna e̱e̱t cu ming orong ki̱li̱b lo̱o̱c cinna. Adang enne zoz ci a̱ru̱we̱k ol mucuru alaan ci a̱ddi̱ki̱re̱ Romi, kar kize ne ke̱e̱ni̱ enne Ki̱ri̱sto̱, alaan.”

Lu̱ka̱ 23:2 Iomraidhean Croise

Ma̱te̱yo̱ 17:27

Abarik, iróng zin naga korongnya kodomta nogo, luce zin i̱nna̱ bit nyatapara kar ju̱ke̱k agolo maam. Ming a̱gga̱mu̱ u̱lu̱gi̱t, oo utug ci u̱lu̱gi̱t neci a̱gga̱mi̱ i̱nna̱ oowa ko̱, aruba atidic i̱nna̱ o̱ro̱bi̱ya̱c wa a̱ddi̱ki̱re̱ een zi̱i̱t. Dima o̱ro̱bi̱ya̱c kar zin ru̱we̱k Ce̱e̱z wa Ta̱mu̱ta̱dde̱no̱ mucuru cigannik ki cigunnek.”

Ma̱te̱yo̱ 22:21

O̱bo̱dde̱k zin nege Ye̱su̱, “Ri̱ri̱to̱n ci alaan ci a̱ddi̱ki̱re̱ Romi ki zar ciginnek.” Iizek zin enne nogo ne, “Abunna oroot, aanycik alaan ci a̱ddi̱ki̱re̱ Romi kaal ciginnek. Imma kaala cik Ta̱mu̱ta̱dde̱no̱, aanycik Ta̱mu̱ta̱dde̱n.”

Ma̱te̱yo̱ 27:11

Ibil zin Ye̱su̱ ngati ddi̱ki̱ryo̱i̱t Pilato, i̱jji̱n zin enne Ye̱su̱, a̱nne̱k ne, “E̱e̱ni̱ i̱nna̱ alaan ci ol cik een Ya̱u̱d?” O̱bo̱de̱k zin Ye̱su̱ nonno, azi ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱.”

Marko 12:17

U̱du̱wa̱k zin Ye̱su̱ nogo, “Aanycik zin alaan ci a̱ddi̱ki̱re̱ gi̱i̱ ci obod ki nonno, aanycik Ta̱mu̱ta̱dde̱n gi̱i̱ ci obod ki Ta̱mu̱ta̱dde̱n.” U̱ku̱lte̱k zin nege nonno.

Marko 15:2

I̱jji̱n zin alaani Pilato Ye̱su̱ izek ne, “E̱e̱ni̱ i̱nna̱ alaan ci Ya̱u̱do̱?” O̱bo̱de̱k zin Ye̱su̱ nonno, izek ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱.”

Lu̱ka̱ 23:14

kar kizek nogo ne, “Anyahakang niga annit e̱e̱t cu a̱nnu̱ ne nonno ci aanyik ol kutuburret nong. Ki̱jji̱na̱ anna nonno ngati aavtiyyu niga to, ngen zin anna kuruba ba̱ci̱ cinne kar kettedek nonno lo̱ki̱ko̱.

Lu̱ka̱ 23:5

Ma̱i̱je̱ nege adang nonno dee, “Nonno ci ovolongek ol do̱o̱k lo̱o̱ce̱ ci Ju̱de̱ya̱ de̱mzi̱nte̱ cinne. Akane enne Ga̱li̱li̱ya̱ kar ki̱ki̱ya̱ mer nginati rok ngintu.”

Kaviyak wak Abunna Ta̱mu̱ta̱dde̱no̱ eher Joni 18:29

Iyowak zin Pilato nogo reena, kar zin kizek ne, “Abac ette e̱e̱ti̱ cu zoz ci azi ne?”

Kaviyak wak Abunna Ta̱mu̱ta̱dde̱no̱ eher Joni 18:30

O̱bo̱dde̱k zin nege Pilato izettek ne, “Wo̱ye̱ ette ming iróng e̱e̱ti̱ cu een mu̱ju̱l, iróng wo̱ye̱ kanyahakin.”

Kaviyak wak Abunna Ta̱mu̱ta̱dde̱no̱ eher Joni 19:12

Orong da̱ nginatu Pilato kooga Ye̱su̱, ma̱i̱je̱ abarik ol cik e̱e̱ggi̱n Ya̱u̱d ko̱ egereny dee, azi ne, “Ming ooga i̱nna̱ e̱e̱t necu kuk, iróng i̱yo̱ko̱ i̱nna̱ e̱e̱ni̱ gooni alaan ci a̱ddi̱ki̱re̱ Romi.”

Buk wa To̱ni̱a̱u̱ 24:13

Iróng wo̱ye̱ nege i̱ye̱le̱ki̱ zoz ci gerze ku̱tu̱gu̱ anna.

Buk wa To̱ni̱a̱u̱ 24:5

“Kurubta naga e̱e̱t cu, een e̱e̱ti̱ cu e̱e̱t ci a̱vi̱r oo, arumuz Ya̱u̱d lo̱o̱co̱we̱ do̱o̱k. Een enne ddi̱ki̱ryo̱i̱t ci koole imma ci annu Ye̱su̱ wa Nazarethi

Roma 13:7

Abunna zin ming a̱ru̱we̱kku̱ e̱e̱t kaal cik orong nege ngatinno̱ng. Ming orong mucuru, u̱ru̱ktte̱k. Abunna bu̱k niga ming o̱ngo̱o̱li̱nnu̱ ol wak agano ki to̱ngo̱o̱li̱ne̱t, abunna bo̱do̱k a̱di̱ngdi̱nga̱nnu̱ ol wak agano ki di̱ngdi̱nga̱ni̱ne̱t.