Lu̱ka̱ 22:8 - Tennet

⁸ I̱tto̱n zin Ye̱su̱ Peturu ki Jon, a̱nne̱k ne, “Oot idimanit da̱i̱ne̱t cik I̱i̱te̱n wa Va̱rda̱ngi̱nto̱.”

Lu̱ka̱ 22:8 Iomraidhean Croise

Ma̱te̱yo̱ 3:15

A̱nne̱k Ye̱su̱ nonno ne, “Ma aburi, abunna kogon naga gi̱i̱ necu kar ku̱tu̱gu̱we̱ bunnati ci Ta̱mu̱ta̱dde̱no̱ olle do̱o̱k.” Elema zin Joni zoz neci.

Lu̱ka̱ 1:6

Abunna bali nege a̱gga̱m zoz ci Ta̱mu̱ta̱dde̱no̱ oroot. Acin bo̱do̱k ol nogo ming azunne lo̱ti̱nno̱k wak Manyi ki keerani cigge̱k.

Lu̱ka̱ 22:9

I̱jji̱nto̱ zin nege, “Orongnyet i̱nna̱ agit koot kidimanta da̱i̱ne̱t ne̱ke̱ nga?”

Buk wa To̱ni̱a̱u̱ 3:1

Ovvo da̱ i̱i̱te̱ne̱ emani Peturu ki Jon Ce̱e̱ze̱ wa Ta̱mu̱ta̱dde̱no̱ ngati okko ki yo̱mo̱n, i̱i̱we̱ wa lawinto.

Buk wa To̱ni̱a̱u̱ 3:11

Baling icinnet ol e̱e̱t neci ngati a̱gga̱mo̱ azzin ki Peturu ki Jon ngati azi zara baali ci Solomoni, u̱ku̱lte̱k zin ol do̱o̱k je̱e̱n, kar zin ol do̱o̱k ki̱vi̱rto̱zi̱k nogo.

Buk wa To̱ni̱a̱u̱ 3:3

Baling icin enne Peturu ki Jon ming i̱i̱zo̱ Ce̱e̱z wa Ta̱mu̱ta̱dde̱no̱, ala zin enne nogo abunna ming aanyik nonno o̱ro̱bi̱ya̱.

Buk wa To̱ni̱a̱u̱ 4:13

Ma baling icinnet nege Peturu ki Jon ming ngen keteherto, ol cik labak, a̱gga̱c zin nege ming a̱vvu̱to̱ ol ne̱ko̱ ba̱li̱ye̱ ki Ye̱su̱.

Buk wa To̱ni̱a̱u̱ 4:19

Abarizek zin Peturu ki Jon nogo izettek ne, “Etteddit da̱ o̱o̱tti̱ne̱ cuggo̱k, abunna wo̱ye̱ ngu̱me̱ ci Ta̱mu̱ta̱dde̱no̱ ming ko̱ngo̱o̱le̱ i̱ge̱ta̱ icima Ta̱mu̱ta̱dde̱n.

Buk wa To̱ni̱a̱u̱ 8:14

Ma baling iziyyet to̱ni̱a̱ha̱ Jerusalema ming elemtta olli Samariya zoz ci Ta̱mu̱ta̱dde̱no̱, i̱tto̱ni̱t nege Peturu ki Jon koot ngatinne̱ng.

Ga̱la̱ti̱a̱ 2:9

Elemit ciko Je̱mi̱s ki Peturu ki Jon wak abile ke̱le̱ci̱a̱ kizeto lolanya cik ke̱le̱ci̱a̱k, elemtta arizet ci kuwaheke anna ol kaviyak wak aanya Ta̱mu̱ta̱dde̱n. Kar zin nege kelemtait annit ki Barnabas kizetta ol cik ka̱li̱ngli̱ngnya̱ bu̱k. A̱nne̱kke̱t ne, “Uwakttek ol wak iróng een Ya̱u̱d kaviyak cik Ye̱su̱, ovvo nege uwahek olli Ya̱u̱do̱ kaviyak ne̱ke̱ bu̱k.”