Lu̱ka̱ 22:11 - Tennet

¹¹ kar izektek manyi ce̱e̱z ne, ‘A̱jji̱nne̱ de̱me̱zo̱i̱ti̱: I̱nno̱ ce̱e̱z ci e̱re̱nno̱u̱, kar atidic anna kadak Kwo̱o̱r ci Va̱rda̱ngi̱nto̱ ki nuyak cigannik?’

Lu̱ka̱ 22:11 Iomraidhean Croise

Ma̱te̱yo̱ 21:3

Ming a̱jji̱nnu̱ng e̱e̱ti̱ imma, u̱du̱ktta̱k izet ne orong Manyi nogo, kar abunna okko enne i̱tto̱na̱ nogo.”

Marko 14:14

U̱du̱kta̱k manyi ce̱e̱z neci i̱zo̱we̱ enne ke̱ ne, ‘A̱jji̱nne̱ de̱me̱zo̱i̱ti̱: Aave ce̱e̱z ci e̱re̱nno̱u̱ nga ci atin kovvo kadak ki nuyak wagannik I̱i̱te̱n wa Va̱rda̱ngi̱nto̱ nginati?’

Lu̱ka̱ 19:31

Ming a̱jji̱nnu̱ng e̱e̱ti̱ imma azi ne, ‘Nya ming ooganu zi̱gi̱r ko̱?’ U̱du̱kta̱k nonno, izektek ne, ‘Orong Manyi zi̱gi̱r necu.’”

Lu̱ka̱ 19:34

O̱bo̱dde̱k zin bo̱do̱k nege, a̱nne̱k ne, “Orong Manyi.”

Lu̱ka̱ 19:5

Baling uzuca Ye̱su̱ nginti aave enne ke̱, icin zin enne ta̱dde̱n kar kizek nonno ne, “Zakayos, lucai ataman. Kokko la̱du̱n anna wazin cu kaave ce̱e̱ze̱ cunne.”

Lu̱ka̱ 22:10

O̱bo̱de̱k zin enne nogo, “Ming ovvo niga i̱zzo̱yu̱ Jerusalem, okko atin e̱e̱ti̱ ci odong í̱jjó̱ ci maamu a̱ru̱me̱kku̱ng gool. Unuwet nonno rok ce̱e̱z ci i̱zzo̱we̱ enne,

Lu̱ka̱ 22:12

I̱ye̱le̱kku̱ng atidic enne ce̱e̱z ci walwali atadonik imma ta̱dde̱na̱, kar zin kanyak i̱jjó̱ cik ce̱e̱zu̱ do̱o̱k. Idimanit da̱i̱ne̱t ne̱ke̱ nginati.”

Kaviyak wak Abunna Ta̱mu̱ta̱dde̱no̱ eher Joni 11:28

Baling edeca enne zoz ki Ye̱su̱, kar zin kuk kutu ngooni wa een zara Ma̱ri̱ya̱, uwe abanyca, kar zin kizek ne, “Aave de̱me̱zo̱i̱ti̱ ngatu, a̱jji̱ni̱n, orong kicinin.”

O̱no̱zzo̱k 3:20

Annit icu kabili tatuga ko̱ kar koṯokṯowan tatug. Ming anyak e̱e̱t imma ci aziye muluk cinanni kar koo tatug, ka̱kku̱ni̱ atin anna kar ki̱ki̱ya̱ kadaktowa ki nonno, okko enne adakce ki annit nga̱to̱de̱.