Lu̱ka̱ 21:8 - Tennet

⁸ O̱bo̱de̱k zin enne nogo, “Icinnet ju̱rru̱m, gerza ming alabanung e̱e̱ti̱ imma. Eci a̱vvu̱ atin ol cik meelek zare cigannik, a̱du̱wa̱kku̱ng wo̱ye̱ e̱e̱ti̱ imma, azi ne, ‘Ke̱e̱ni̱ anna nonno,’ ki, ‘Ize ojon i̱i̱te̱ni̱.’ Ma annuyyu zoz cinne̱ng.

Lu̱ka̱ 21:8 Iomraidhean Croise

Ma̱te̱yo̱ 24:11

A̱vvu̱ atin a̱ri̱tto̱wa̱ cik meelek volongak, ovvo a̱ddu̱t ol cik meelek.

Ma̱te̱yo̱ 3:2

a̱nne̱k ol ne, “Uturtta mu̱nye̱n ciggo̱k eci ba̱a̱li̱ne̱t ci ta̱mu̱-kengo ize ojon.”

Ma̱te̱yo̱ 4:17

Imma i̱nya̱we̱ ne̱ke̱ akate Ye̱su̱ de̱mzi̱ne̱t azi ne, “Uturtta mu̱nye̱n, eci ize ojon ba̱a̱li̱ne̱t ci ta̱mu̱-kengo.”

Lu̱ka̱ 17:23

A̱du̱wa̱kku̱ng atin ol, ‘Nonno ici, icima nonno ngatu.’ Ma niga a̱vi̱ryu̱ vu̱rrte̱ zoz cinne̱ng.

Lu̱ka̱ 21:7

I̱jji̱nne̱t nuyaha Ye̱su̱ izektek ne, “De̱me̱zo̱i̱t, akane atin kaala ne̱ko̱ atinga? Nya ci i̱ye̱la̱ ize ojontte kaala ne̱ko̱ kar ku̱tu̱gu̱zze̱?”

Lu̱ka̱ 21:9

Ming iziktu niga illanya ki nyi̱le̱n lo̱o̱cco̱k do̱o̱k, ma o̱ngo̱o̱li̱nnu̱ gi̱i̱ imma. I̱i̱na̱ kaala ne̱ko̱ arrak oowa, ma̱i̱je̱ ṯurnenet ci lo̱o̱tu̱ iróng a̱kku̱ ataman.”

Kaviyak wak Abunna Ta̱mu̱ta̱dde̱no̱ eher Joni 5:43

Ka̱kku̱na̱ku̱ng komize ci Baba, iróng zin niga elemannang; ma̱i̱je̱ ming a̱kku̱ e̱e̱ti̱ imma doize cinne, elemannu̱ng enne.

Kaviyak wak Abunna Ta̱mu̱ta̱dde̱no̱ eher Joni 8:24

Ku̱du̱wa̱u̱ng anna i̱ge̱ta̱ ka̱nne̱kku̱ng ne, a̱da̱knnu̱ atin mu̱nye̱ne̱ cuggo̱k. Ming iróng a̱tu̱yya̱ng annit, a̱da̱knnu̱ atin mu̱nye̱ne̱ cuggo̱k.”

Kaviyak wak Abunna Ta̱mu̱ta̱dde̱no̱ eher Joni 8:28

Izek zin nogo ne, “Ming odongteu Ngerrti E̱e̱to̱ ta̱dde̱n, a̱gga̱yyu̱ atin ke̱e̱ni̱ anna nonno, kar bo̱do̱k a̱gga̱c iróng anna kogonni gi̱i̱ imma doize cinanni. Abarik kozozi ki bali ming edemeza Baba ke̱.

1 Ko̱ri̱nto̱ 6:9

Iróng niga a̱gga̱yyu̱ iróng atin olli mu̱nye̱nu̱ aragiz ba̱a̱li̱ne̱t ci Ta̱mu̱ta̱dde̱no̱. Ma anyikku ol kalabtaung! Iróng atin ol cik e̱e̱ggi̱n a̱li̱ya̱k, icima ol cik a̱di̱ngdi̱nga̱n to̱do̱yyo̱k kizeto ta̱mu̱ta̱dde̱ne̱t cik lo̱o̱tu̱, icima ngaai wak een a̱li̱ya̱k ki ol cik macik ogon e̱le̱tti̱ kizeto ngaai, icima ol cik macik oonge gonoggi,

Evesos 5:6

Ma anyikku e̱e̱t imma kalabaung zo̱ze̱ ci iróng een de̱de̱. Eci Ta̱mu̱ta̱dde̱n abure nong zo̱ze̱ ci een volong, a̱kku̱ de̱zi̱ne̱t ci Ta̱mu̱ta̱dde̱no̱ i̱i̱na̱k e̱e̱t ci iróng o̱ngo̱o̱le̱ nonno ming ozoz zoz ci iróng een de̱de̱.

2 Te̱se̱lo̱ni̱ka̱ 2:3

Ma anyikku e̱e̱t imma ku̱lu̱ttu̱ng go̱o̱le̱ emani; iróng atin i̱i̱te̱ni̱ neci a̱kku̱ ming ngen ol kutuburret nong ka̱ka̱te̱ kar e̱e̱ti̱ ci mu̱nye̱nu̱ ko̱ ki̱ye̱la̱i̱, e̱e̱t ci okko ditenta.

2 Ti̱mo̱te̱yo̱ 3:13

Ma̱i̱je̱ ol wak gerzek ki ol wak een volongnyok, gerza atin zoz cinne̱ng oroot, ovolongek ol kar bo̱do̱k ol kovolongttek nogo.

1 Jon 4:1

Gotonogga ki ngonogga tu̱we̱nta̱, ma a̱tu̱yyu̱ zoz ci ol cik azi ne kanyaka Vongiz ci Ta̱mu̱ta̱dde̱no̱, abarik abunna ming atimanu vongizzok ming e̱e̱ggi̱n cik Ta̱mu̱ta̱dde̱no̱ de̱de̱, eci anyak a̱ri̱tto̱k cik meelek volongak i̱vi̱tta̱k lo̱o̱c cu.

2 Jon 1:7

Anyak volongnyok cik meelek azantozik lo̱o̱c, iróng nege elemi ming een Ye̱su̱ Ki̱ri̱sto̱ e̱e̱t ci diiri. A̱ti̱ye̱ nege ol tu̱, e̱e̱ggi̱n nege mo̱ddo̱ cik Ki̱ri̱sto̱.

O̱no̱zzo̱k 1:3

A̱mu̱yu̱k atin Ta̱mu̱ta̱dde̱n e̱e̱t ci ikeb zoz ci Ta̱mu̱ta̱dde̱no̱ e̱he̱rye̱ buwe cu ko̱, a̱mu̱yu̱k atin bo̱do̱k Ta̱mu̱ta̱dde̱n ol cik aziye zoz necu kar zin kartik zi̱nze̱tti̱, ma̱rri̱t ize ojon wazini ci ovvo atin kaala ne̱ko̱ do̱o̱k ogone.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.