Lu̱ka̱ 2:9 - Tennet

⁹ I̱ye̱le̱k zin anjilo ci Manyi nogo ele, kar di̱ngdi̱ngo̱ni̱ ci Manyi ki̱ye̱la̱i̱ ngatinne̱ng, kar nege ko̱to̱ngo̱o̱ltte̱ lo̱o̱c.

Lu̱ka̱ 2:9 Iomraidhean Croise

Lu̱ge̱z 16:10

Baling ngen Aaroni ozozik zu̱we̱ ci Israilo do̱o̱k, egelemit zin nege o̱to̱n ci balalo, kar zin nginati i̱ye̱la̱i̱ di̱ngdi̱ngo̱ni̱ ci Manyi di̱i̱zo̱ca̱.

Lu̱ge̱z 16:7

kar nge̱rre̱t acinnu atin niga di̱ngdi̱ngo̱n ci Manyi, eci enne izik u̱lu̱wa̱ cunno̱ng a̱lu̱we̱kku̱ niga nonno, ke̱e̱ggi̱nna̱ naga nya ngatinno̱ng ci anganyetu niga agita ko̱?”

Ma̱te̱yo̱ 1:20

Imma zin baling ngen enne i̱no̱n zoz necu niko, i̱ki̱ya̱k nonno anjilo ci Manyi o̱no̱zo̱we̱, a̱nne̱k nonno ne, “Yosevo ngerrti Da̱vi̱de̱, een do̱le̱c ci atin anyak Ma̱ri̱ya̱ ko̱, do̱le̱c ci arike Vongizi ci A̱li̱le̱, ma o̱ngo̱o̱le̱ zoz imma, bit ti̱k nonno labak.

Lu̱ka̱ 1:28

Uk anjilo ngatinne kar kizek nonno ne, “Kizzawo, i̱nne̱t ci ireze oroot! Aave Manyi ki i̱nne̱ta̱.”

Lu̱ka̱ 2:8

Aavtte da̱ tuwayowa uggak abanyca, abak boora ebek kaal cigge̱k ba̱a̱l.

Lu̱ka̱ 24:4

Baling a̱ma̱li̱ltte̱ o̱o̱tti̱ cigge̱k zo̱ze̱ necu, i̱vi̱ta̱ zin ol cik e̱e̱ggi̱n rama aim ru̱u̱ma̱ni̱ cik voorik per ibilet abanyce cinne̱ng.

Kaviyak wak Abunna Ta̱mu̱ta̱dde̱no̱ eher Joni 12:41

U̱du̱wa̱ a̱ri̱to̱i̱ti̱ ci een Isaya zoz necu, eci enne icin Ye̱su̱ ming a̱bu̱le̱ zara, kar zin kozoz zoz ci obod ki nonno ko̱.

Buk wa To̱ni̱a̱u̱ 12:7

Ataman niko, i̱ki̱ya̱ anjilo ci Manyi atukul lagam kize voor per. Otomowe enne Peturu kar abunna ingazi, kar kizek ne, “Tinga je̱e̱na̱ ataman!” Ki nginti i̱i̱na̱ ziiya ngati Peturu niko.

Buk wa To̱ni̱a̱u̱ 27:23

Imma be̱le̱ja̱ a̱kku̱nna̱ka̱ anjilo ngati Ta̱mu̱ta̱dde̱n ci kala anna ko̱ kar bo̱do̱k ki̱li̱ngli̱nge̱k nonno, i̱ki̱ya̱ ibil abanyca ngatinanni,

Buk wa To̱ni̱a̱u̱ 5:19

Imma bali ba̱a̱l i̱ki̱ya̱ anjilo ci Manyi kar koo tatug ci lagamo kar zin to̱ni̱a̱ha̱ kiyokta.

2 Ko̱ri̱nto̱ 3:18

U̱tu̱gu̱ ki ci aara Ta̱mu̱ta̱dde̱n gi̱i̱ ci a̱bu̱ng zi̱nze̱tti̱ cigga̱c, alam zoz ci Ta̱mu̱ta̱dde̱no̱ ko̱. I̱ye̱lta̱ zi̱nze̱tti̱ cigga̱c di̱ngdi̱ngo̱n ki vooriten ci Manyi, utuhuwet agit zin Vongizi neci ku̱tu̱gu̱zzo̱ ki Manyi.

2 Ko̱ri̱nto̱ 4:6

Azi zoz ci Ta̱mu̱ta̱dde̱no̱ ne, “Anyik koor kataran nginti mu̱hu̱ri̱.” Ta̱mu̱ta̱dde̱n ci adiman zoz cinne obod ki Ye̱su̱, ogon ki vooriten ci alanyit zi̱nze̱tti̱nne̱ cigga̱c. U̱tu̱gu̱we̱t Ta̱mu̱ta̱dde̱n zoz necu agit do̱o̱k wak a̱tu̱ Ki̱ri̱sto̱. Ogon niko abunna a̱gga̱yyu̱ ming ovvo acinnu Ye̱su̱, i̱ye̱la̱ bunnat ci Ta̱mu̱ta̱dde̱no̱ ele.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

I̱bu̱ru̱ 12:21

O̱to̱ngo̱o̱le̱ Musesi bu̱k zoz neci kar kize ne, “Ko̱ngo̱o̱le̱ anna ka̱bba̱ri̱to̱.”

O̱no̱zzo̱k 18:1

Imma bali vu̱rrta̱ kicina anjilo imma ming a̱kku̱ ta̱mu̱-kenga. Anyak enne doiz ci a̱ddi̱ki̱re̱, kar zin looci katarane di̱ngdi̱ngo̱ne̱ cinne.

O̱no̱zzo̱k 20:11

Kedenya zin anna lecer ci voori a̱ddi̱ki̱re̱ ki E̱e̱t ci aave lecere neci. Kar looci ki ta̱mu̱-keng ki̱vi̱re̱t ngati aave enne, i̱llo̱i̱ zin ngin imma cinne̱ng ci ovvoye nege.