Lu̱ka̱ 2:4 - Tennet

⁴ Itinga Yosevo o̱rge̱ ci azi zar ne Nazeret, Ga̱li̱li̱ya̱, uk rok lo̱o̱c ci een Ju̱de̱ya̱, Betelema orog ci Da̱vi̱de̱, eci Yosevo a̱kku̱ tatuge ci Da̱vi̱de̱.

Lu̱ka̱ 2:4 Iomraidhean Croise

Kananet 35:19

A̱da̱k zin Racheli kar zin kadayek gool ci okko ki Ephrath, awu ol bo̱do̱k kize Betelem.

Kananet 48:7

Ki baling ka̱mi̱re̱ anna o̱rge̱ ci een Paddan, a̱da̱k zin Racheli lo̱o̱ce̱ ci Kanaani ming ngen naga kaavtiya goola, ojono ki orog ci een Ephrath. Kadaweya zin anna nonno gool abanyca ngati okko ki Ephrath.” Okko zin vu̱rrta̱ awu ol Ephrath kize Betelem.

Ma̱te̱yo̱ 1:20

Imma zin baling ngen enne i̱no̱n zoz necu niko, i̱ki̱ya̱k nonno anjilo ci Manyi o̱no̱zo̱we̱, a̱nne̱k nonno ne, “Yosevo ngerrti Da̱vi̱de̱, een do̱le̱c ci atin anyak Ma̱ri̱ya̱ ko̱, do̱le̱c ci arike Vongizi ci A̱li̱le̱, ma o̱ngo̱o̱le̱ zoz imma, bit ti̱k nonno labak.

Ma̱te̱yo̱ 2:23

Oot zin nege a̱vvu̱to̱ o̱rge̱ ci een Nazeret. Ize ne, ize zoz bali u̱du̱wa̱ Ta̱mu̱ta̱dde̱n ke̱, de̱de̱, ki baling a̱du̱wa̱ a̱ri̱to̱i̱ti̱ azi ne, “Akanonik atin do̱le̱c zara cik azi ne, Nazarene.”

Lu̱ka̱ 2:3

Oot zin ol do̱o̱k o̱ro̱gjo̱we̱ cik be̱e̱ti̱gge̱k te̱he̱ri̱ne̱t.

Lu̱ka̱ 2:5

Okko enne nginati ovvo eher zar ki Ma̱ri̱ya̱, ci arakttek ol nonno kar atin ki̱ti̱k kize ngaa cinne, anyak da̱ Ma̱ri̱ya̱ do̱le̱c kenga.

Lu̱ka̱ 4:16

Uk Ye̱su̱ Nazereta, o̱rge̱ bali a̱li̱ngta̱ne̱ ol nonno ke̱, kar I̱i̱te̱ne̱ wa Yu̱bze̱nto̱ uk zin enne Ce̱e̱ze̱ wa Lawinto kiwagon la̱du̱n keere cinne. Kar enne kitinga je̱e̱na̱ kikebo.

Kaviyak wak Abunna Ta̱mu̱ta̱dde̱no̱ eher Joni 1:46

I̱jji̱n zin Nathanaeli Vilip izek ne, “A̱kku̱ wo̱ye̱ gi̱i̱ imma ci abunna o̱rge̱ ci een Nazeret?” O̱bo̱de̱k zin Vilipi nonno, a̱nne̱k ne, “I̱jja̱ kar cin eberene cigunnek.”

Kaviyak wak Abunna Ta̱mu̱ta̱dde̱no̱ eher Joni 7:42

E̱he̱rye̱ Warage ci Ta̱mu̱ta̱dde̱no̱ azi ne, a̱kku̱ atin Ki̱ri̱sto̱ wa atahalai kize Ti̱ri̱zo̱i̱t biilete ci Da̱vi̱de̱, a̱rri̱ta̱i̱ o̱rge̱ ci een zara Betelem, o̱rge̱ bali abahe Da̱vi̱de̱ ke̱.”

Buk ci ozoz zoz ci ngaa ci een Ruz 1:19

Otozo zin Naomi ki alawan zee ki̱tto̱zo̱ Betelem. Baling u̱zu̱cca̱ nege Betelem, ataltto zin olli o̱rgu̱ do̱o̱k baling icinnet nogo, kar zin ngaai ki̱jji̱nto̱ “Een necu de̱de̱ Naomi?”

Buk ci ozoz zoz ci ngaa ci een Ruz 2:4

Imma do̱yo̱i̱t niko i̱ki̱ya̱ Boazi Betelema kar kiza ol cik etted labi ko̱ do̱o̱k, a̱nne̱k ne, “Anyik Manyi Ta̱mu̱ta̱dde̱n ka̱mu̱yu̱ng!” O̱bo̱dde̱k zin nege, “Anyik Manyi ka̱ma̱yu̱i̱ i̱nne̱t bu̱k!”

Buk ci ozoz zoz ci ngaa ci een Ruz 4:11

Kar zin lo̱ddi̱ki̱re̱ ki ol ne̱k aavtte arana ke̱ do̱o̱k kizeto ne, “I̱i̱ny, ke̱e̱ggi̱nna̱ naga de̱de̱ bbacak. Anyik bai Manyi ka̱mu̱yu̱k ngaa ci a̱kku̱ ce̱e̱z cunne ko̱ ku̱tu̱gu̱ ki Racheli ki Le̱ya̱, nogo cik aanyik olli Israilo kotorte. Anyik Ta̱mu̱ta̱dde̱n kaanyi ize bo̱to̱ro̱c kar ol ki̱di̱ngdi̱nga̱nti̱ i̱nne̱t boore ci Ephrathah a̱bu̱le̱ zara Betelema do̱o̱k ko̱.

Buk ci ozoz zoz ci ngaa ci een Ruz 4:17

Imma ngaai ne̱k abak nginati ke̱ izeto ne, “I̱yo̱ko̱, anyak zin Naomi do̱le̱c ci maci!” Kar zin nege kakatek zar cik een Obed. Baling i̱ddi̱ki̱r Obedi, i̱ti̱rra̱ zin ngerinne ci een zara Jesse, okko Jesse a̱rri̱ta̱ ngerinne ci een zara Da̱vi̱de̱.