Lu̱ka̱ 2:14 - Tennet

¹⁴ “Anycik di̱ngdi̱ngo̱n Ta̱mu̱ta̱dde̱n, ta̱dde̱na̱, kar lo̱o̱ta̱ gano ci ol cik diirik cik elemi Ta̱mu̱ta̱dde̱n.”

Lu̱ka̱ 2:14 Iomraidhean Croise

Ma̱te̱yo̱ 21:9

Egerenyit zin koole ci a̱ppwe̱ ovvo oowa ko̱ ki cik annu gonoggi, azi ne, “Kinnatit Ngerrti Da̱vi̱de̱!” “U̱mu̱yu̱k Ta̱mu̱ta̱dde̱n e̱e̱t ci a̱kku̱ zare cik Manyi!” “Kinnatit Ta̱mu̱ta̱dde̱n wa aave ta̱mu̱-kenga.”

Lu̱ka̱ 1:79

kataran ol wak abak mu̱hu̱ri̱te̱na̱ ki ngati daizo, ki̱ye̱le̱k zo̱o̱ cigga̱c gool ci anyak gano.”

Lu̱ka̱ 19:38

“U̱mu̱yu̱k Ta̱mu̱ta̱dde̱n e̱e̱t ci a̱kku̱ zare cik Manyi!” “Aave gano ta̱mu̱-kenga ki di̱ngdi̱ngo̱n ci aave ta̱dde̱na̱!”

Lu̱ka̱ 2:13

Ataman niko i̱ye̱ltta̱i̱ koole ci a̱ppwe̱ a̱vvu̱ ta̱mu̱-kenga ki anjilo, innat Ta̱mu̱ta̱dde̱n azi ne,

Lu̱ka̱ 2:15

Baling utungtek anjilonya nogo lo̱o̱c kar koot ta̱mu̱-kenga, izeto tuwayowa do̱ ne, “Ki̱vi̱ta̱ koo Betelema kar kicinnet kaal cik a̱du̱wa̱kke̱t Manyi ko̱.”

Lu̱ka̱ 3:22

kar zin Vongizi ci A̱li̱le̱ kulucak nonno kiwagon lo̱be̱rru̱i̱. Iyowa zin mului ta̱mu̱-kenga ci azi ne, “E̱e̱ni̱ i̱nna̱ Ngeranni wa kirezi anna; katalne anna zo̱ze̱ cunne oroot.”

Kaviyak wak Abunna Ta̱mu̱ta̱dde̱no̱ eher Joni 14:27

Kungnekkung zin i̱yo̱ko̱ gano wananni kar a̱vvu̱te̱ labak. Iróng zin ka̱a̱nyu̱ng gano go̱o̱le̱ wagon anyike olli lo̱o̱tu̱ ol ko̱, ma anyikku zi̱nze̱tti̱ ku̱u̱ce̱t kar zin o̱to̱ngo̱o̱ltte̱ lo̱o̱c.

Kaviyak wak Abunna Ta̱mu̱ta̱dde̱no̱ eher Joni 17:4

Kanyiya zar cigunnek ku̱bu̱lte̱ lo̱o̱ta̱ ngati kedecai li̱ngli̱ngo̱n bali aanya i̱nna̱ ku̱tu̱gu̱ ke̱.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Buk wa To̱ni̱a̱u̱ 10:36

A̱gga̱yyu̱ niga zoz ci i̱tto̱na̱k Ta̱mu̱ta̱dde̱n olli Israilo, a̱du̱wa̱k kaviyak cik abunna anyaha gano, ngati Ye̱su̱ Ki̱ri̱sto̱, wa een Manyi ci ollu do̱o̱k.

Roma 5:1

I̱yo̱ko̱ zin, elemnyet Ta̱mu̱ta̱dde̱n tu̱we̱nte̱ cinna, kanyait zin naga gano ki Ta̱mu̱ta̱dde̱n ngati Manyitinna Ye̱su̱ Ki̱ri̱sto̱.

Evesos 1:6

Ogon Ta̱mu̱ta̱dde̱n niko ko̱ kar kinnatit naga deten ki bunnat cinne wa a̱ddi̱ki̱re̱ bali aanyet enne agita ollin zo̱ze̱ ci Ngerinne wa irez enne ko̱.

Evesos 1:9

I̱ye̱le̱kke̱t enne talninta gi̱i̱ bali a̱lu̱gu̱ny enne zinina la̱du̱n ke̱. Orong enne la̱du̱n gi̱i̱ neci kar ki̱ki̱ya̱ ku̱tu̱gu̱we̱ ngati Ki̱ri̱sto̱.

Evesos 2:4

Ma̱i̱je̱ Ta̱mu̱ta̱dde̱n anyak deten! Ka̱da̱kta̱ ba̱li̱ye̱ mu̱nye̱ne̱ cik kogon naga, abarik Ta̱mu̱ta̱dde̱n irezet oroot kar kaanyyet ruget ngati Ki̱ri̱sto̱, eelannet bunnati ci Ta̱mu̱ta̱dde̱no̱.

Evesos 2:7

Ogon Ta̱mu̱ta̱dde̱n niko abunna ming i̱ye̱le̱kke̱t bunnat ki i̱rrke̱ne̱t ci lo̱o̱c ci atin a̱kku̱ ke̱ zo̱ze̱ ci Ye̱su̱ Ki̱ri̱sto̱.

Vilipia 2:11

kar ol do̱o̱k u̱tu̱ge̱tti̱ne̱ cigge̱k kizeto ne, een Ye̱su̱ Ki̱ri̱sto̱ Manyi, imma zin zo̱ze̱ necu a̱di̱ngdi̱nga̱n nege Ta̱mu̱ta̱dde̱n Baba.

Vilipia 2:13

eci Ta̱mu̱ta̱dde̱n ci a̱li̱ngli̱ng baize cunno̱ng kar ka̱a̱nyu̱ng zinin ci ogonnu kaal cik abunna ki ming a̱du̱wa̱ zoz cinne.

Kolosiya 1:20

kar zo̱ze̱ cinne aganto enne eliya ki kaal do̱o̱k, kaal lo̱o̱ta̱ ngatu icima ta̱mu̱-kenga, go̱o̱le̱ ci anyahe enne gano bi̱ye̱te̱ ciginnek a̱ddu̱te̱ ta̱la̱ke̱ca̱.

2 Te̱se̱lo̱ni̱ka̱ 2:16

Kalayya Manyi Ye̱su̱ Ki̱ri̱sto̱ ele ki Ta̱mu̱ta̱dde̱n Be̱e̱ti̱nna̱ wa irezet kar kaanyyet deten ci aave udut, kar ke̱re̱yye̱ zoz ci abunna a̱kku̱ loza,

O̱no̱zzo̱k 5:13

Kiziya zin kaal wak aruge e̱e̱ggi̱n we̱c do̱o̱k ta̱mu̱-kenga, lo̱o̱ta̱ ki lo̱o̱c todowai ecito nyatapare ci a̱ddi̱ki̱re̱, ki kaal cik aruge lo̱o̱ta̱ do̱o̱k ming e̱be̱ne̱: “Kanyikka inatinet ki ngo̱li̱ne̱t, ki di̱ngdi̱ngo̱n e̱e̱t ci aave lecera ko̱ ki Nyoon kinnatit nonno kar ko̱to̱ngo̱o̱ltte̱ nonno kar i̱di̱ngdi̱nga̱nni̱t nonno wa anyak komiz ci abale enne ol udut!”