Lu̱ka̱ 19:5 - Tennet

⁵ Baling uzuca Ye̱su̱ nginti aave enne ke̱, icin zin enne ta̱dde̱n kar kizek nonno ne, “Zakayos, lucai ataman. Kokko la̱du̱n anna wazin cu kaave ce̱e̱ze̱ cunne.”

Lu̱ka̱ 19:5 Iomraidhean Croise

Lu̱ka̱ 19:10

Eci Ngerrti E̱e̱to̱ a̱kku̱ ki̱ki̱ya̱ koronga kar ki̱ti̱ri̱z ol balik i̱ti̱yye̱t tu̱.”

Lu̱ka̱ 19:2

Anyak da̱ e̱e̱t imma o̱rge̱ neci ci een zara Zakayos; een da̱ enne ddi̱ki̱ryo̱i̱t ci ol wak aluta mucuru olle kar enne kize i̱to̱i̱t oroot.

Lu̱ka̱ 19:4

I̱vi̱r zin enne ol oowa kar kuk kottod keet ci een munec gool abanyca orong kicin Ye̱su̱, ming okko enne a̱kku̱ go̱o̱le̱ neci.

Lu̱ka̱ 19:6

Ulucai zin Zakayosi keeta ta̱dde̱na̱ ataman kar kuwe Ye̱su̱ ce̱e̱ze̱ cinne talninta.

Kaviyak wak Abunna Ta̱mu̱ta̱dde̱no̱ eher Joni 1:48

I̱jji̱n zin Nathanael nonno izek ne, “A̱gga̱ya̱n?” O̱bo̱de̱k zin Ye̱su̱ nonno, a̱nne̱k ne, “Wanai ming ngen Vilipi kutuwin, kicini ming ngen aave muneca vu̱rrta̱.”

Kaviyak wak Abunna Ta̱mu̱ta̱dde̱no̱ eher Joni 14:23

O̱bo̱de̱k Ye̱su̱ nogo a̱nne̱k ne, “Ming ireza e̱e̱ti̱ imma annita, elemi wo̱ye̱ enne de̱mzi̱ne̱t cinanni. Okko atin Baba irez nonno, kar zin naga ki̱vi̱ta̱ha̱ nonno, kar koot kidimanta ce̱e̱z wanna̱ng, kar kabakta ki e̱e̱t neci.

2 Ko̱ri̱nto̱ 6:1

Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.

Evesos 3:17

Kar zin bu̱k Ki̱ri̱sto̱ kabak zi̱nze̱tti̱nne̱ cuggo̱k zo̱ze̱ ci a̱tu̱yyu̱ niga nonno. Inimet no̱ngi̱tto̱n kar anyait rezinet cinne.

I̱bu̱ru̱ 13:2

Abunna ming a̱ti̱ri̱zu̱ ol cik een i̱do̱ngi̱ cik een e̱re̱nno̱k ce̱e̱zi̱nne̱ cuggo̱k ju̱rru̱m, imma abarik go̱o̱le̱ ci ka̱ti̱ri̱ze̱ ol ko̱, i̱ti̱ri̱zze̱t ol uggak anjilonya lo̱mu̱k ngati iróng nege a̱gga̱we̱.

O̱no̱zzo̱k 3:20

Annit icu kabili tatuga ko̱ kar koṯokṯowan tatug. Ming anyak e̱e̱t imma ci aziye muluk cinanni kar koo tatug, ka̱kku̱ni̱ atin anna kar ki̱ki̱ya̱ kadaktowa ki nonno, okko enne adakce ki annit nga̱to̱de̱.