Lu̱ka̱ 19:12 - Tennet

¹² Kar zin enne kize ne, “Anyak da̱ e̱e̱t imma ci a̱ddi̱ki̱re̱ oroot ci okko lo̱o̱ce̱ ci reeni kar enne kuk ka̱gga̱mo̱zi̱k kize alaan, kar enne koboda.

Lu̱ka̱ 19:12 Iomraidhean Croise

Ma̱te̱yo̱ 21:38

“Imma baling ovvo ol ne̱k ebek ma̱na̱ ko̱ acin ngerrti manyi ma̱na̱ ming a̱kku̱, ozozzit zin nege do̱, izeto ne, ‘I̱ki̱ya̱ zin e̱e̱ti̱ ci okko aragiz lo̱o̱c. Ku̱ru̱we̱t nonno ka̱da̱k kar zin karagizet ma̱na̱ cinne.’

Ma̱te̱yo̱ 28:18

I̱ki̱ya̱k Ye̱su̱ nogo, kar kize ne, “Aanya Ta̱mu̱ta̱dde̱n komiz do̱o̱k ta̱mu̱-kenga ki lo̱o̱ta̱ ngatu.

Marko 12:1

Akate zin Ye̱su̱ ozozik nogo yabzinta, azi ne, “Irir e̱e̱ti̱ imma keen cik een vi̱no̱. Uluwek luwat kuburuk, kar zin ka̱da̱ lo̱o̱k ci kar atigon kamacuyek ol merte. Kar zin keteeheny ce̱e̱z ci ogon ki le̱be̱le̱ ci ebehe ol ma̱na̱. Kar zin enne kaanyik ol u̱gge̱ kabakte o̱ro̱bi̱ya̱i̱ kar enne keeron.

Marko 16:19

Baling ozozek Manyi Ye̱su̱ zoz ki nogo, odonge zin enne uk ta̱mu̱-kenga kar ka̱vvu̱ ngati doizo a̱tte̱ ci Ta̱mu̱ta̱dde̱no̱ a̱zzo̱.

Lu̱ka̱ 20:9

Emena enne zoza kar ku̱du̱wa̱k ol tubzenet cu: “Irir e̱e̱ti̱ imma keen cik e̱e̱ggi̱n vi̱no̱, kar kaanyik ol u̱gge̱ ke̱e̱vi̱t kar atin kitabit nonno kar enne keeron kuk reena e̱rki̱nya̱ cik meelek.

Lu̱ka̱ 24:51

Baling ngen enne a̱mu̱yu̱k nogo niko, utungek nogo lo̱o̱c, odonge enne uk ta̱mu̱-kenga.

Kaviyak wak Abunna Ta̱mu̱ta̱dde̱no̱ eher Joni 18:37

Izek Pilato nonno ne, “E̱e̱ni̱ zin ette i̱nna̱ alaan?” Obodehe zin Ye̱su̱ nonno izek ne, “Ilemi i̱nna̱ ming azi ne ke̱e̱ni̱ anna alaan ko̱. De̱de̱ ka̱ri̱ta̱i̱ zin ba̱li̱ye̱ anna zo̱ze̱ neci, kar zin zo̱ze̱ necu ki̱ki̱ya̱k lo̱o̱c kar abunna ming kokko ki̱ye̱le̱i̱ ol zoz wa een de̱de̱. Azikna zin ol do̱o̱k wak a̱gga̱ zoz wa een de̱de̱.”

Buk wa To̱ni̱a̱u̱ 17:31

Eci aarik enne i̱i̱te̱n ci okko atin enne ettede lo̱ki̱ko̱ ju̱rru̱m ngati E̱e̱t wa atahala enne. Okko atin E̱e̱ti̱ bali atahala enne ke̱ etted lo̱ki̱ko̱ neci, kar zin Ta̱mu̱ta̱dde̱n ki̱ye̱le̱k ol do̱o̱k ming een zoz neci de̱de̱, ngati ingane enne E̱e̱t neci daiza.”

1 Ko̱ri̱nto̱ 15:25

Abal atin arrak Ki̱ri̱sto̱ lo̱o̱c do̱o̱k zee kommog Ta̱mu̱ta̱dde̱n ol wak amarine nonno do̱o̱k. Aanyik Ta̱mu̱ta̱dde̱n atin Ki̱ri̱sto̱ korocek nogo lo̱o̱c zone.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

1 Peturu 3:22

I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.

O̱no̱zzo̱k 1:7

Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.