Lu̱ka̱ 18:12 - Tennet

¹² Ki̱ya̱ye̱ anna lak rama biranoca, kaanyi anna i̱nne̱ta̱ Ta̱mu̱ta̱dde̱n gi̱i̱ co̱de̱ kaale cik e̱e̱ggi̱n omoto kanyai anna do̱o̱k.’

Lu̱ka̱ 18:12 Iomraidhean Croise

Ma̱te̱yo̱ 5:20

Ka̱du̱wa̱kku̱ng zin zoz wa een de̱de̱, abunna zin niga ming ogonnu kaal cik abunna ommogit ol cik een Varacis ki de̱me̱zzo̱k wak lo̱ti̱nno̱u̱, kar atin niga i̱tto̱z ba̱a̱li̱ne̱t ci ta̱mu̱-kengo.

Ma̱te̱yo̱ 6:1

“Zuute, ma ogoni kaal cik abunna kicinnet ebere do̱o̱k. Ming ogonnu niga kicinnet ebere do̱o̱k, iróng atin ngen amudannu bunnat ci Be̱e̱ti̱nno̱ng wa aave ta̱mu̱-kenga.

Ma̱te̱yo̱ 6:16

“Ming i̱ya̱yi̱nnu̱ niga, ma ogonnu ki ol wak a̱ru̱k talaben eci i̱ye̱li̱ne̱ nege ngu̱mti̱ cigge̱k ming i̱ya̱ye̱. Ka̱du̱wa̱kku̱ng zoz wa een de̱de̱, u̱mu̱dda̱ nege kaal cik orong nege lo̱o̱ta̱ ngatu do̱o̱k, iróng een ta̱mu̱-kenga.

Ma̱te̱yo̱ 6:5

“Ming alayu niga Ta̱mu̱ta̱dde̱n, ma ogonnu kiwagon ol wak a̱ru̱k talaben, eci nege atali lawinet ci alawe Ta̱mu̱ta̱dde̱n ngati abilne Ce̱e̱zi̱nne̱ wak Lawinto kar bo̱do̱k go̱o̱lo̱we̱, kar ol kicinnet nogo. Ka̱du̱wa̱kku̱ng zoz wa een de̱de̱, irez wo̱ye̱ ol nogo lo̱o̱ta̱ ngatu, ma̱i̱je̱ ta̱mu̱-kenga, iróng zin atin nege amuda bunnat ci Ta̱mu̱ta̱dde̱no̱.

Ma̱te̱yo̱ 9:14

Ma bali i̱i̱ imma i̱vi̱tta̱k Ye̱su̱ nuyaha cik Joni kar ki̱jji̱nne̱t nonno, “Nya gon naga ki olli Varacis ming ki̱ya̱i̱na̱ iróng kadak da̱i̱ne̱t, ma̱i̱je̱ nuyaha cigunnek adakce ko̱?”

Lu̱ka̱ 11:42

“O̱lle̱ bai ciggo̱k olli Varacisi ke̱, eci anyikku niga Ta̱mu̱ta̱dde̱n gi̱i̱ co̱de̱ kaale cik e̱e̱ggi̱n omoto kaale cikidik ma̱ne̱ne̱ ciggo̱k do̱o̱k, imma ngatu ibbezzu zoz ci etted ol lo̱ki̱ka̱ ju̱rru̱m ki rezinet ci Ta̱mu̱ta̱dde̱no̱. Abunna ming a̱li̱ngli̱ngnyu̱ zo̱zzo̱k ne̱ko̱, ma ungneku zoz ci anyikku Ta̱mu̱ta̱dde̱n kaal ko̱ lo̱o̱c.

Lu̱ka̱ 17:10

Kar niga bu̱k, ming u̱tu̱gu̱zzu̱ niga kaal cik ka̱du̱wa̱kku̱ng anna kar u̱tu̱gu̱z, a̱nnu̱ zin niga ne, ‘Iróng wo̱ye̱ naga du̱cca̱ha̱ kaganona ki inatinet; eci ku̱tu̱gu̱zza̱ naga li̱ngli̱ngo̱n ci gon cinna̱ng la̱du̱n.’”

Roma 3:27

Aanyyet zin i̱yo̱ko̱ Ta̱mu̱ta̱dde̱n bunnate cinne go̱o̱le̱ ci aarane ba̱ci̱nno̱k cigga̱c. Kanyak zin i̱yo̱ko̱ naga gool ci kadihize e̱le̱tti̱ zo̱ze̱ necu? I̱llo̱i̱ udut, aarannet enne mu̱nye̱n ming ka̱tu̱ naga Ye̱su̱, iróng een go̱o̱le̱ ci kazunne lo̱ti̱nno̱k.

1 Ko̱ri̱nto̱ 1:29

kar iróng e̱e̱ti̱ imma odong ele cinne ngatinne.

Ga̱la̱ti̱a̱ 1:14

Ka̱gga̱ keer ci Ya̱u̱do̱ oroot kommog bu̱u̱l cigannik veelek. Kirezi keer ci ji̱ji̱ti̱ga̱nni̱k oroot.

Evesos 2:9

Iróng een go̱o̱le̱ ci a̱li̱ngli̱nge̱ e̱e̱ti̱ ci diiri, i̱llo̱i̱ gi̱i̱ imma ci wo̱ye̱ odonge e̱e̱ti̱ ele zo̱ze̱ necu.

1 Ti̱mo̱te̱yo̱ 4:8

Ming edemezi i̱nna̱ vi̱ra̱ ele abunna oroot, imma de̱mzi̱ne̱t baiz ci Ta̱mu̱ta̱dde̱no̱ eelannet go̱o̱lo̱we̱ cik meelek. Anyak baizi ci Ta̱mu̱ta̱dde̱no̱ bunnat oroot, eci aanyyet i̱yo̱ko̱ baiz ci abunna ki ci atin reena.