Lu̱ka̱ 16:7 - Tennet

⁷ “I̱jji̱n zin bo̱do̱k ddi̱ki̱ryo̱i̱ti̱ nga̱bo̱le̱ni̱t imma dee izek ne, ‘Anyai i̱nna̱ ngabolet izong?’ “O̱bo̱de̱k zin enne, ‘Ka̱ru̱we̱k atin anna i̱to̱i̱t labi cuwalit i̱bbo̱ng co̱de̱ (1,000).’ “U̱du̱wa̱k zin enne nonno, ‘Dima waraga cunne nga̱bo̱le̱tu̱ kar teherik cuwalit cik labinu obet tu̱rge̱ (800).’

Lu̱ka̱ 16:7 Iomraidhean Croise

Ma̱te̱yo̱ 18:28

“Imma baling utungek du̱ca̱i̱ti̱ necu alaan lo̱o̱c, uk zin enne rok e̱e̱t ci een nga̱bo̱le̱ni̱t cinne, adak da̱ o̱ro̱bi̱ya̱ o̱bo̱n co̱de̱ (100) cik e̱e̱ggi̱n ziik. A̱gga̱m zin enne elem ci e̱e̱t neci kar kize ne, ‘Ru̱g o̱ro̱bi̱ya̱ cigannik i̱yo̱ko̱ niko.’

Lu̱ka̱ 16:6

“O̱bo̱de̱k zin e̱e̱ti̱ neci nonno, ‘Kanyai anna coviyanya o̱bo̱n co̱de̱ cik maal ci i̱ngi̱ro̱u̱.’ “U̱du̱wa̱k zin ddi̱ki̱ryo̱i̱ti̱ nonno, ‘Dima waraga cunne, a̱vvu̱ lo̱o̱ta̱ ataman, kar teherik waraga necu coviyanya moten tu̱r.’

Lu̱ka̱ 16:8

“Innat zin i̱to̱i̱ti̱ ddi̱ki̱ryo̱i̱t ci a̱li̱ngli̱ng ki nonno ko̱ eci enne u̱tu̱gu̱ kaal genyize cinne. Eci ol cik lo̱o̱c cu anyak genyiz ci ogon nege ngati owowone ki ol u̱gge̱, kommog ol cik abak zo̱ze̱ ci een de̱de̱.

Lu̱ka̱ 2:37

kar zin kize enne boya kizeto e̱rki̱nya̱ ciginnek moten tu̱rge̱ ki we̱c. Ngen enne kutungek Ce̱e̱z wa Ta̱mu̱ta̱dde̱no̱ lo̱o̱c i̱i̱te̱n imma, abarik ala Ta̱mu̱ta̱dde̱n kaal tu̱p, i̱ya̱ye̱ kar kalawo.

Lu̱ka̱ 20:12

I̱tto̱n zin bo̱do̱k manyi ma̱na̱ du̱ca̱i̱t imma dee, kar nege ku̱vu̱rto̱zi̱k nonno kar kottoit nonno kuk reena.

Lu̱ka̱ 20:9

Emena enne zoza kar ku̱du̱wa̱k ol tubzenet cu: “Irir e̱e̱ti̱ imma keen cik e̱e̱ggi̱n vi̱no̱, kar kaanyik ol u̱gge̱ ke̱e̱vi̱t kar atin kitabit nonno kar enne keeron kuk reena e̱rki̱nya̱ cik meelek.