Lu̱ka̱ 16:16 - Tennet

¹⁶ A̱nne̱k zin bo̱do̱k Ye̱su̱ nogo ne, “Uwakte lo̱ti̱nno̱wa̱ cik Musesi ki zoz ci a̱ri̱tto̱u̱ zee rok Jon. Kar zin vu̱rrta̱ i̱i̱te̱ne̱ neci, uwaktozik zin ol kaviyaha cik abunna obod ki ba̱a̱li̱ne̱t ci Ta̱mu̱ta̱dde̱no̱, kar ol do̱o̱k kadangtek e̱le̱tti̱ cigge̱k ba̱a̱li̱ne̱t cinne.

Lu̱ka̱ 16:16 Iomraidhean Croise

Ma̱te̱yo̱ 10:7

Ma ngati ovvoyyu, uwaktek ol zoz ci Ta̱mu̱ta̱dde̱no̱, izektek ne, ‘Ize ojon ba̱a̱li̱ne̱t ci ta̱mu̱-kengo.’

Ma̱te̱yo̱ 15:11

Iróng da̱i̱ne̱t cik adak e̱e̱ti̱ ko̱, cik aanyik e̱e̱t kize gerza icima kize ngoronya, abarik zoz ci iyowa utuge ci e̱e̱to̱ ko̱ ci anyike e̱e̱t kize gerza icima kize ngoronya ngu̱me̱ ci Ta̱mu̱ta̱dde̱no̱.”

Ma̱te̱yo̱ 21:32

Eci Joni a̱kku̱na̱kku̱ng i̱ge̱t abunna i̱ye̱le̱kku̱ng gool ci abunna, iróng zin niga elemnyyu zoz cinne, ma̱i̱je̱ ol wak a̱gga̱ma̱ ol mucuru ki a̱li̱ya̱k, a̱tu̱ nege zoz cinne. Imma baling icinntu niga nu̱nu̱n ol ne̱ke̱ ming elemtta zoz ci Joni, iróng niga ungneku mu̱nye̱n lo̱o̱c kar u̱tu̱we̱t zoz cinne.”

Ma̱te̱yo̱ 3:2

a̱nne̱k ol ne, “Uturtta mu̱nye̱n ciggo̱k eci ba̱a̱li̱ne̱t ci ta̱mu̱-kengo ize ojon.”

Ma̱te̱yo̱ 4:17

Imma i̱nya̱we̱ ne̱ke̱ akate Ye̱su̱ de̱mzi̱ne̱t azi ne, “Uturtta mu̱nye̱n, eci ize ojon ba̱a̱li̱ne̱t ci ta̱mu̱-kengo.”

Ma̱te̱yo̱ 4:23

A̱lu̱c Ye̱su̱ lo̱o̱c ci Ga̱li̱li̱ do̱o̱k, edemez ol Ce̱e̱ze̱ wa Lawinto, uwahek ol kaviyak cik abunna ba̱a̱li̱nte̱ ci Ta̱mu̱ta̱dde̱no̱, kar bo̱do̱k kangaru ol wak omori.

Marko 1:14

Ma baling e̱ce̱bje̱ Joni Ba̱ti̱ti̱mo̱ lagama, uk Ye̱su̱ lo̱o̱ce̱ ci Ga̱li̱li̱, uwahek ol kaviyak cik abunna Ta̱mu̱ta̱dde̱no̱.

Marko 1:45

Abarik enne uk reena kar kakate kozoz cabak, azan kaviyak ne̱ke̱. Imma zin zo̱ze̱ neci, iróng Ye̱su̱ ngen i̱i̱zo̱ orog ngati acine ol, abarik a̱vvu̱ orog abanyca ngati a̱zze̱ne̱ ol to. Ngen zin ol a̱vvu̱na̱k nonno dee o̱ro̱gjo̱we̱.

Lu̱ka̱ 10:11

‘Ki̱ti̱vi̱lta̱ naga rok tu̱du̱wa̱c ci orog cunno̱ng zoone cigga̱k kize gi̱i̱ ci i̱ye̱la̱ li̱be̱ne̱t ci orog cunno̱ng. Abunna ming a̱gga̱yyu̱ zoz cu: Ize ojon ba̱a̱li̱ne̱t ci Ta̱mu̱ta̱dde̱no̱.’

Lu̱ka̱ 10:9

Eelta ol cik omori aavtte nginati kar u̱du̱kta̱k izettek ne, ‘Ize ojon ba̱a̱li̱ne̱t ci Ta̱mu̱ta̱dde̱no̱ ngatinno̱ng.’

Lu̱ka̱ 16:29

“Abariz zin bo̱do̱k Aburahami, ‘Anyak nege nginati Muses ki a̱ri̱tto̱k; anyik nogo kiziyet zoz cinne̱ng.’

Lu̱ka̱ 16:31

“A̱nne̱k zin enne nonno ne, ‘Ming iróng nege aziye zoz ci Musesi ki a̱ri̱tto̱k, iróng atin nege elemi zoz ci e̱e̱t imma ci ingazi daiza.’”

Lu̱ka̱ 9:2

kar enne ki̱tto̱n nogo koot kuwaktek ol ba̱a̱li̱ne̱t ci Ta̱mu̱ta̱dde̱no̱ kar kangaruwet ol cik omori.

Kaviyak wak Abunna Ta̱mu̱ta̱dde̱no̱ eher Joni 1:45

Uruba Vilipi Nathanael kar zin kizek ne, “Ku̱mu̱dda̱ e̱e̱t bali eher Musesi zoz ci obod ki nonno lo̱ti̱nno̱we̱ wak Ta̱mu̱ta̱dde̱no̱ ke̱, kar bo̱do̱k a̱ri̱tto̱wa̱ cik Zoz ci Ta̱mu̱ta̱dde̱no̱ keteherit zoz neci, een enne Ye̱su̱ wa orog ci een Nazeret, ngerrti Yosevo.”

Kaviyak wak Abunna Ta̱mu̱ta̱dde̱no̱ eher Joni 11:48

Ming kanyik nonno ku̱tu̱gu̱ kaal cik a̱vu̱la̱ niko, ovvo atin ol do̱o̱k a̱tu̱ nonno, kar zin atin bo̱do̱k gaala cik Romi ki̱vi̱ta̱ kegerezanit ngintik a̱li̱le̱ ko̱ ki lo̱o̱c cinna.”

Kaviyak wak Abunna Ta̱mu̱ta̱dde̱no̱ eher Joni 12:19

Otomomit zin ol wak een Varacis nege do̱, anno ne, “Icinnet di̱, iróng e̱e̱ti̱ necu eelannet gi̱i̱ imma. Edenyca ming annu ol cik lo̱o̱tu̱ do̱o̱k nonno!”

Kaviyak wak Abunna Ta̱mu̱ta̱dde̱no̱ eher Joni 5:4

A̱kku̱ gon anjilo ci Ta̱mu̱ta̱dde̱no̱ i̱i̱te̱n imma kar ki̱ki̱ya̱ kotomowe maam kar e̱e̱ti̱ ci omori i̱i̱zo̱ maam oowa, kar zin kangaru nogo mo̱ri̱zzo̱k cik anyak nege do̱o̱k.

Buk wa To̱ni̱a̱u̱ 3:18

Abarik een necu gool ci aanyik Ta̱mu̱ta̱dde̱n zoz cinne kakat mo̱o̱le̱t, baling u̱du̱wa̱k enne a̱ri̱tto̱k okko atin Ki̱ri̱sto̱ cinne apirna.