Lu̱ka̱ 15:2 - Tennet

² Ma̱i̱je̱ olli Varacisi ki de̱me̱zzo̱k wak lo̱ti̱nno̱u̱ utuburet nong, izeto ne, “Awa e̱e̱ti̱ cu olli mu̱nye̱nu̱ kar enne kadakto ki nogo.”

Lu̱ka̱ 15:2 Iomraidhean Croise

Ma̱te̱yo̱ 11:19

Imma anna Ngerrti E̱e̱to̱, kadakce, kaude ki ol do̱o̱k, kar ol kizeto ne, ‘Een e̱e̱ti̱ cu elemnyoit kar bo̱do̱k kize bba̱kco̱i̱t, een gonen ki ol wak aluta mucuru ki olli mu̱nye̱nu̱.’ A̱gga̱ ol genyiz de̱de̱ go̱o̱le̱ ci ogone enne kaal.”

Ma̱te̱yo̱ 9:11

Baling icinnet olli Varacisi zoz necu, i̱jji̱nne̱t zin nuyak cik Ye̱su̱, a̱nne̱k ne, “Inya ming adakce de̱me̱zo̱i̱ti̱ cinno̱ng ki ol wak aluta mucuru olle ki ol wak mu̱nye̱nu̱ bu̱k ko̱?”

Lu̱ka̱ 15:3

U̱du̱wa̱k zin Ye̱su̱ nogo tubzenet cu:

Lu̱ka̱ 19:7

Imma ol balik icinnet zoz neci do̱o̱k kar zin kungungunet, “Okko enne een e̱re̱nno̱i̱t ce̱e̱ze̱ ci e̱e̱t ci ‘mu̱nye̱nu̱.’”

Lu̱ka̱ 5:30

Imma Varacisi ki de̱me̱zzo̱k wak lo̱ti̱nno̱u̱ balik arume ki nogo ko̱ ku̱du̱kta̱k demezyak ciginnek, “Nya ming ozolu niga da̱i̱ne̱t ki ol wak aluta mucuru ki ol cik mu̱nye̱nu̱ ko̱?”

Lu̱ka̱ 7:34

A̱kku̱ Ngerrti E̱e̱to̱ adakce, aude, kar niga izet ne, ‘Een enne elemnyoit kar bo̱do̱k kize bba̱kco̱i̱t, een enne gonen ki ol wak aluta mucuru olle ki olli mu̱nye̱nu̱.’

Lu̱ka̱ 7:39

Baling icin Varacisi bali awa nonno ke̱ zoz necu, a̱nne̱k zin ele cinne ne, “Ming een e̱e̱ti̱ cu a̱ri̱to̱i̱t ci zoz ci Ta̱mu̱ta̱dde̱no̱ de̱de̱, a̱gga̱ wo̱ye̱ enne ngene ci u̱u̱m nonno ko̱, kar bo̱do̱k ka̱gga̱ ngaa ci ogon ku̱ cu, een enne ngaa ci mu̱nye̱nu̱.”

Buk wa To̱ni̱a̱u̱ 11:3

azi ne, “Uuwu i̱nna̱ ce̱e̱zi̱nne̱ cik ol cik iróng een Ya̱u̱d kar bo̱do̱k adakto ki nogo nga̱to̱de̱.”

Ga̱la̱ti̱a̱ 2:12

Icu gi̱i̱ ci ogon enne, baling arawa enne arrak ke̱, adakce labak ki ol wak iróng een Ya̱u̱d wak a̱tu̱ zoz ci Ta̱mu̱ta̱dde̱no̱. Ma̱i̱je̱ baling ovvo gonoggi Je̱mi̱s wak een Ya̱u̱d a̱vvu̱ vu̱rrta̱, utubur Peturu iróng ngen adakce ki ol wak iróng een Ya̱u̱d, o̱ngo̱o̱le̱ zoz ci olli Ya̱u̱do̱ wa azi ne, anyik ol do̱o̱k kettedit vi̱ca̱vi̱cce̱t arrak oowa, kar ku̱tu̱we̱t Ta̱mu̱ta̱dde̱n.

1 Ti̱mo̱te̱yo̱ 1:15

Een zoz cu de̱de̱, orong kelemtta, i̱ki̱ya̱k Ye̱su̱ Ki̱ri̱sto̱ wa atahalai lo̱o̱c kar ki̱ki̱ya̱ ki̱ti̱ri̱z ol wak mu̱nye̱nu̱ ki bali ming ke̱e̱ni̱ anna e̱e̱t ci mu̱nye̱nu̱ kommogo ke̱.