Lu̱ka̱ 14:11 - Tennet

¹¹ Eci ngati e̱e̱t imma ci odong ele cinne okko atin obodane ele, okko e̱e̱ti̱ ci obodane ele okko atin odongnye.”

Lu̱ka̱ 14:11 Iomraidhean Croise

Ma̱te̱yo̱ 23:12

Ming odong e̱e̱ti̱ ele cinne, obodane atin Ta̱mu̱ta̱dde̱n nonno, kar ming obodane e̱e̱ti̱ ele, odong atin Ta̱mu̱ta̱dde̱n nonno.

Lu̱ka̱ 1:51

U̱tu̱gu̱ enne kaal cik a̱ddi̱ki̱re̱ azzine ciginnek; azan ol wak anyak zoz ci odonge e̱le̱tti̱ zi̱nze̱tti̱nne̱ cigge̱k.

Lu̱ka̱ 1:52

A̱ju̱ke̱k enne lo̱o̱c alaat lecerite cigge̱k abarik enne odong ol wak gununik.

Lu̱ka̱ 14:12

U̱du̱wa̱k zin bo̱do̱k Ye̱su̱ manyi ce̱e̱z, “Ming awak i̱nna̱ ol da̱i̱ne̱t, ma awa gonoggu ki boor cigunnek ki i̱tto̱k do̱, ming awa i̱nna̱ ol ne̱ko̱ do̱, e̱e̱ggi̱n ol ne̱ko̱ cik loza ovvo a̱ru̱k nga̱bo̱lo̱ ci da̱i̱ne̱t cigunnek ko̱.

Lu̱ka̱ 18:14

“Ka̱du̱wa̱kku̱ng anna i̱ge̱ta̱ okko e̱e̱ti̱ cu ce̱e̱za̱ labak, alalek Ta̱mu̱ta̱dde̱n ba̱ci̱nno̱k ciginnek. Eci ming odong e̱e̱ti̱ imma ele cinne, okko atin enne een gunun, kar e̱e̱ti̱ ci gununi, okko atin enne odongnye.”

Je̱mi̱s 1:9

Imma gotonet ki ngonogget wak a̱tu̱we̱ apirna kaale, anyik katalto kodongit e̱le̱tti̱ ming okko Ta̱mu̱ta̱dde̱n eela nogo.

Je̱mi̱s 4:10

Ma odongnyu e̱le̱tti̱ ngati Manyi, kar atin enne kodongeung ta̱dde̱n.

Je̱mi̱s 4:6

Abarik enne aanyet agit deten ci a̱ppwe̱. Zoz zin ci ozoz Waraga ci Ta̱mu̱ta̱dde̱no̱ azi ne: “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”

1 Peturu 5:5

Niga dooli wak kidik, wak ngen ingannu, abunna ming o̱ngo̱o̱li̱nnu̱ ol cik a̱ddi̱ki̱re̱. Abunna ming o̱ngo̱o̱li̱nnu̱ e̱le̱tti̱, eci azi buwe ci Ta̱mu̱ta̱dde̱no̱ ne, “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”

1 Peturu 5:6

I̱yo̱ko̱ zin, abunna ming o̱ngo̱o̱li̱nnu̱ Ta̱mu̱ta̱dde̱n doize wainne ko̱ do̱o̱k, kar ming okko enne oboda, kar ki̱ti̱ri̱zzu̱ng.