Lu̱ka̱ 13:3 - Tennet

³ Ka̱du̱wa̱kku̱ng anna i̱ge̱ta̱, i̱llo̱i̱! Ma̱i̱je̱ ming ngen niga uturtta mu̱nye̱n ciggo̱k, aditannung mu̱nye̱na̱ ne̱ke̱ i̱ge̱t do̱o̱k.

Lu̱ka̱ 13:3 Iomraidhean Croise

Ma̱te̱yo̱ 12:45

Imma zin ming uk i̱mi̱re̱, anyaha ki kuulo gonoggi cik een turgerem cik gerzek ommog nonno kar kanyahak e̱e̱t bali ninne ke̱, kar zin ki̱tto̱zo̱ nege do̱o̱k e̱e̱t kar kabaito nga̱to̱de̱. Imma e̱e̱ti̱ neci odoyai zin abarik oroot, kaal cik atin ogone ngati ol cik mu̱nye̱nu̱ bu̱u̱le̱ cu ko̱ ne̱ko̱.”

Ma̱te̱yo̱ 22:7

Utubur alaani nong oroot. I̱tto̱n zin enne aciir ciginnek kar ku̱ru̱we̱t ol wak a̱ru̱k du̱cca̱k waginnek ko̱, kar bo̱do̱k kutuzet orog neci.

Ma̱te̱yo̱ 3:2

a̱nne̱k ol ne, “Uturtta mu̱nye̱n ciggo̱k eci ba̱a̱li̱ne̱t ci ta̱mu̱-kengo ize ojon.”

Lu̱ka̱ 13:2

Abarizek zin Ye̱su̱ nogo, “I̱no̱nnu̱ niga ommog mu̱nye̱na̱ cik ol cik Ga̱li̱li̱ aavtte ngatu ko̱, olli Ga̱li̱li̱ veelek eci nege ipirta go̱o̱le̱ necu?

Lu̱ka̱ 13:4

Icima ol balik e̱e̱ggi̱n omoto ki tu̱rge̱ balik aditai baling i̱ta̱k nogo ce̱e̱z ci wu̱u̱ni̱ aave ngati een Siloam ke̱, i̱no̱nnu̱ niga gerze da̱ nege oroot kommogit ol ne̱k abak Jerusalema ko̱?

Lu̱ka̱ 13:5

Ka̱du̱wa̱kku̱ng anna i̱ge̱ta̱, i̱llo̱i̱! Abarik ming iróng niga urtannu mu̱nye̱n ciggo̱k, aditannung atin mu̱nye̱na̱ ne̱ke̱ i̱ge̱t bu̱k veelek.”

Lu̱ka̱ 24:47

kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.

Buk wa To̱ni̱a̱u̱ 3:19

Uturtta mu̱nye̱n ciggo̱k kar zin o̱bo̱dda̱k Ta̱mu̱ta̱dde̱n, kar enne ki̱ti̱vi̱la̱ mu̱nye̱n ciggo̱k do̱o̱k, kar i̱i̱te̱ni̱ ci talninto ki̱ki̱ya̱ ngati Manyi.