Lu̱ka̱ 13:19 - Tennet

¹⁹ Ogon ki bu̱ra̱co̱c ci bolbolento, ci okkoye e̱e̱ti̱ kar kirir ma̱ne̱ cinne. Alize zee kize keet, kar iballi cik a̱vvu̱ ta̱mu̱-kenga keteehenyit ce̱e̱zi̱ cigge̱k alawoi cik keet neci.”

Lu̱ka̱ 13:19 Iomraidhean Croise

Ma̱te̱yo̱ 17:20

U̱du̱wa̱k zin Ye̱su̱ nogo, “Iróng niga anyakku tu̱we̱ne̱t ci eleno, ka̱du̱wa̱kku̱ng zin ming wo̱ye̱ anyakku tu̱we̱ne̱t cidicilim ki laziyenti, a̱nne̱k wo̱ye̱ i̱nna̱ bee cu ne, ‘Tinga ngatu, bit ngati,’ Ingazi de̱de̱. I̱llo̱i̱ gi̱i̱ imma ci ommogjung.”

Marko 4:30

Izek zin bo̱do̱k Ye̱su̱ nogo ne, “Kazi wo̱ye̱ ne ogon ba̱a̱li̱ne̱t ci Ta̱mu̱ta̱dde̱no̱ ki ni̱i̱, icima yabzinet jang ci wo̱ye̱ ka̱du̱wa̱ne̱ ba̱a̱li̱ne̱t necu?

Lu̱ka̱ 17:6

O̱bo̱de̱k zin enne nogo, “Ming anyakku niga tu̱we̱ne̱t ci dici oroot ku̱tu̱gu̱ ki laziyenti, a̱nne̱kku̱ wo̱ye̱ niga keet ci a̱ddi̱ki̱re̱ ko̱ ne, ‘Duca ele cunne ngatu kar bit rirek ele nyatapar ci a̱ddi̱ki̱re̱,’ kar atin keet neci kizik zoz cunno̱ng.

Buk wa To̱ni̱a̱u̱ 2:41

Imma zin ol balik elemtta kaviyak ciginnek ko̱, a̱gga̱mto̱zi̱k nogo ba̱ti̱ti̱mo̱, e̱e̱ggi̱n wo̱ye̱ nege i̱bbo̱nge̱t i̱i̱yo̱ (3,000), otortozik nege ol cik a̱tu̱we̱ i̱i̱te̱ne̱ neci.

Buk wa To̱ni̱a̱u̱ 21:20

Baling iziyyet nege zoz necu, innatit nege Ta̱mu̱ta̱dde̱n. Kar zin kizettek Pa̱u̱lo̱ ne, “Gotonet acinni i̱nna̱, e̱e̱ggi̱n olli Ya̱u̱do̱ wak a̱tu̱ zoz ci Ye̱su̱ i̱bbo̱nge̱t cik meelek giir, annu zin nege lo̱ti̱nno̱k cik Musesi zi̱nze̱tti̱nne̱ cigge̱k do̱o̱k.

Buk wa To̱ni̱a̱u̱ 4:4

Ma̱i̱je̱ ol cik meelek iziyyet kaviyak ne̱ke̱ kar ku̱tu̱we̱t zoz ci Ye̱su̱, otorte ol ne̱ke̱ izeto i̱bbo̱nge̱t tu̱r (5,000).

Roma 15:19

Ku̱tu̱gu̱ra̱ anna nogo kaale cik a̱vu̱la̱ ogon Ye̱su̱ Vongize ci A̱li̱le̱. Kuwaheya nogo kaviyak cik abunna Ki̱ri̱sto̱, kakane Jerusalema kuk rok lo̱o̱c ci een zara Illyricum.

O̱no̱zzo̱k 11:15

Utubu zin anjilo wa een turgerem annu gonoggi ko̱ ture cinne, anyak zin ba̱li̱ye̱ mulukwa cik oroi ta̱mu̱-kenga, azi ne, “Ize i̱yo̱ko̱ alaanzet ci lo̱o̱tu̱ ko̱ alaanzet ci Manyitinna ki Ki̱ri̱sto̱ wainne, kar atin enne kabal lo̱o̱c udut.”