Lu̱ka̱ 13:11 - Tennet

¹¹ kar da̱ nginati anyak ngaa ci a̱du̱l kuuloci nonno kize ngool e̱rki̱nya̱ omoto ki tu̱rge̱. Ugulume zin da̱ bo̱i̱c cinne iróng ngen uule kibil ṯop.

Lu̱ka̱ 13:11 Iomraidhean Croise

Ma̱te̱yo̱ 4:23

A̱lu̱c Ye̱su̱ lo̱o̱c ci Ga̱li̱li̱ do̱o̱k, edemez ol Ce̱e̱ze̱ wa Lawinto, uwahek ol kaviyak cik abunna ba̱a̱li̱nte̱ ci Ta̱mu̱ta̱dde̱no̱, kar bo̱do̱k kangaru ol wak omori.

Marko 9:21

I̱jji̱n zin Ye̱su̱ be̱e̱ti̱ lo̱gu̱t neci, “Akane morizi necu bali vonga?” O̱bo̱de̱k zin baatinne, “Akane morizi ming ngen enne idica.

Lu̱ka̱ 13:12

Baling icin Ye̱su̱ nonno, utu zin ngaa neci ngooli ke̱ kar kizek ne, “Ngaa cu, ogjai i̱nna̱ morize necu.”

Lu̱ka̱ 13:16

Iróng zin ngaa icu een buweenyi Aburahami, wa aminye Sitani e̱rki̱nya̱ omoto ki tu̱rge̱ ko̱, aburnnu, ming eelai enne I̱i̱te̱ne̱ wa Yu̱bze̱nto̱ gi̱i̱ye̱ ci aminye nonno ko̱?”

Lu̱ka̱ 21:28

Ming ovvo kaala ne̱ko̱ akane, ibilet zin niga je̱e̱na̱ kar odongtek o̱o̱tti̱ cuggo̱k ta̱dde̱n, eci i̱ki̱ya̱ ti̱ri̱ze̱ne̱t ize ojon.”

Lu̱ka̱ 8:2

ki ngaai u̱gge̱, kar bo̱do̱k enne kaara ngati ngaai ne̱ko̱ u̱gge̱ kuulo cik lo̱rye̱nta̱k ki mo̱ri̱zzo̱k u̱gge̱: Ma̱ri̱ya̱ wa een zara uggak Madalina aara Ye̱su̱ ngatinne kuulo turgerem cik iyowa ngatinne;

Lu̱ka̱ 8:27

Baling a̱vvu̱ Ye̱su̱ ti̱ti̱ma̱, u̱ru̱me̱k zin e̱e̱ti̱ ci a̱kku̱ orgato ci anyak kuulo cik lo̱rye̱nta̱k nonno gool. Iróng da̱ e̱e̱ti̱ neci aim ru̱u̱m e̱rki̱nya̱ cik meelek icima abak ce̱e̱za̱, abarik abak enne ilomete.

Lu̱ka̱ 8:43

Kar nginati anyak ngaa ci ibborye keng e̱rki̱nya̱ omoto ki rama, abarik i̱llo̱i̱ e̱e̱t imma ci angaru nonno.

Buk wa To̱ni̱a̱u̱ 3:2

Ma̱i̱je̱ nginati aave e̱e̱ti̱ ci a̱rri̱ta̱i̱ kize nganynganye zoona da̱ la̱du̱n, odongek da̱ gon ol nonno aran wa azi zar ne, aran ci a̱zi̱ze̱, okko enne ala o̱ro̱bi̱ya̱ olle wak a̱vvu̱na̱k Ce̱e̱z wa Ta̱mu̱ta̱dde̱no̱.

Buk wa To̱ni̱a̱u̱ 4:22

Eci e̱e̱ti̱ wa bali angaruwe zo̱ze̱ ci a̱vu̱la̱ ommog e̱rki̱nya̱ ciginnek moten we̱c.