Lu̱ka̱ 12:5 - Tennet

⁵ Abarik atin anna ki̱ye̱le̱ku̱ng i̱ge̱ta̱ ngene ci abunna ming o̱ngo̱o̱li̱nnu̱ niga: O̱to̱ngo̱o̱ltte̱ e̱e̱t ci ming u̱ru̱k ele, kar kanyak doiz ci a̱ju̱ke̱k ele neci gwo̱o̱ ci apadpadi udut. De̱de̱ ka̱du̱wa̱kku̱ng anna i̱ge̱ta̱, o̱to̱ngo̱o̱ltte̱ nonno.

Lu̱ka̱ 12:5 Iomraidhean Croise

Ma̱te̱yo̱ 10:28

Ma o̱ngo̱o̱li̱nnu̱ ol wak a̱ru̱k ele ci e̱e̱t ci diiri, iróng nege a̱ru̱k vongiz ci e̱e̱t ci diiri. Abarik o̱to̱ngo̱o̱ltte̱ Ta̱mu̱ta̱dde̱n wa uule kar ku̱ru̱k ele ki vongiz ci e̱e̱t ci diiri gwo̱o̱ye̱ ci apadpadi udut.

Ma̱te̱yo̱ 25:41

“Kar zin atin alaani ukce kicin ol wak aavtte a̱tte̱ ci angeto kar kize ne, ‘Ma a̱vvu̱na̱kka̱ng annita, niga ol balik otorteu ke̱, oot udut gwo̱o̱ye̱ bali idimane kar kize ci lo̱rye̱ni̱t ki anjilonya ciginnek!

Ma̱te̱yo̱ 25:46

“Kar atin ol ne̱ko̱ koot piryanzete ci aalna udut, ma̱i̱je̱ ol cik abunna ovvo baize ci aave udut.”

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Marko 13:23

Abarik zin u̱zu̱tte̱ e̱le̱tti̱; eci anna ku̱du̱wa̱u̱ng ri̱t kaal ne̱ko̱ do̱o̱k ming ngen ka̱ka̱te̱.

1 Te̱se̱lo̱ni̱ka̱ 4:6

Ma orootonu ki ngaai cik ollu, ming u̱tu̱gu̱ niko, edezi atin Manyi wa a̱gga̱ no̱ngi̱tto̱n do̱o̱k ki bali ming koobteung ke̱, kar bo̱do̱k icinntu baize cinna̱ng ke̱.

I̱bu̱ru̱ 10:31

A̱gga̱c zoz necu ju̱rru̱m, gerza oroot ming a̱kku̱nna̱k e̱e̱ti̱ ngu̱m ci Ta̱mu̱ta̱dde̱no̱ kar ketted lo̱ki̱ko̱ cinne, aanyik zoz necu e̱e̱t ngo̱li̱ne̱t oroot.

2 Peturu 2:4

Iróng Ta̱mu̱ta̱dde̱n alalnek anjilonya balik ogon mu̱nye̱n ke̱, abarik a̱ju̱ke̱k nogo koot ngati mu̱u̱hu̱ri̱ gwo̱o̱ya̱ ki̱ki̱ya̱ i̱i̱te̱ni̱ ci lo̱ki̱ko̱.

O̱no̱zzo̱k 14:7

Egereny zin enne muluwe ci a̱ppwe̱ azi ne, “O̱to̱ngo̱o̱ltte̱ Ta̱mu̱ta̱dde̱n kar i̱di̱ngdi̱nga̱nni̱t nonno, eci i̱ki̱ya̱ i̱i̱te̱ni̱ ci okko enne ettedik ol lo̱ki̱ko̱. I̱di̱ngdi̱nga̱nni̱t nonno wa eenyca ta̱mu̱-keng ki lo̱o̱c, ki nyatapar ci a̱ddi̱ki̱re̱ ki moren wak erenane.”

O̱no̱zzo̱k 15:4

Ngene atin ci iróng o̱ngo̱o̱li̱nni̱ i̱nne̱ta̱, Manyi, kar kanyahak di̱ngdi̱ngo̱n zar cigunnek? Eci i̱nne̱t do̱ ci a̱li̱li̱. A̱vvu̱ atin ol lo̱o̱co̱we̱ do̱o̱k kar ki̱vi̱ta̱ ki̱di̱ngdi̱nga̱nti̱ i̱nne̱ta̱, eci ol do̱o̱k icinnet zoz cunne abunna ko̱.”

O̱no̱zzo̱k 20:14

Kar zin daizi ki nginti daizo ku̱ju̱kto̱zi̱k koot gwo̱o̱ye̱ ci apadpadi oroot. Een gwa̱a̱ neci ci apadpadi udut ke̱, daiz ci vu̱rrto̱.