Lu̱ka̱ 12:42 - Tennet

⁴² O̱bo̱de̱k zin Manyi nonno, “Ngene zin ci een e̱e̱t ci abunna kar ka̱gga̱m kaal cik li̱ngli̱ngo̱nta̱k ju̱rru̱m, nonno ci aarik alaani kize enne ddi̱ki̱ryo̱i̱t ci du̱cca̱k ciginnek, ci aanyik nogo o̱ro̱bi̱ya̱ cik da̱i̱nta̱k ming e̱de̱cca̱ nege nye̱lo̱k?

Lu̱ka̱ 12:42 Iomraidhean Croise

Ma̱te̱yo̱ 13:52

Kar zin kizek nogo ne, “Imma zin de̱me̱zo̱i̱ti̱ wa lo̱ti̱nno̱u̱ wa edemeze zo̱ze̱ ci ba̱a̱li̱ne̱t ci ta̱mu̱-kengo ko̱, ogon ki e̱e̱ti̱ ci een manyi ce̱e̱z. Anyaha kaal cik een jor ki wak unuweto de̱he̱ra̱ re̱e̱nu̱n.”

Ma̱te̱yo̱ 20:8

“Imma baling ize yo̱mo̱n, u̱du̱wa̱k manyi ma̱na̱ e̱e̱t wa een ddi̱ki̱ryo̱i̱t ebek ol wak a̱li̱ngli̱ng ma̱ne̱ neci ko̱, ne, ‘Tu̱ ol wak li̱ngli̱ngo̱nta̱k ko̱ do̱o̱k kar ru̱we̱k nogo o̱ro̱bi̱ya̱ cigge̱k, kate ngati ol balik i̱i̱zo̱ li̱ngli̱ngo̱n vu̱rrta̱ ke̱.’

Lu̱ka̱ 12:43

Abunna atin ngati du̱ca̱i̱t ci a̱li̱ngli̱ng niko ko̱ ming okko ddi̱ki̱ryo̱i̱ti̱ cinne oboda.

Lu̱ka̱ 7:13

Baling icin Manyi ngaa ci boye ko̱, i̱ta̱k zinin cinne nonno kar kize ne, “Ma a̱lu̱!”

Lu̱ka̱ 7:19

i̱tto̱ni̱k enne nogo koot ngati Manyi ki̱jji̱nne̱t kizeto ne, “E̱e̱ni̱ dim i̱nna̱ e̱e̱t ci weda a̱kku̱ ko̱, icima kereya e̱e̱t imma ci aave do̱?”

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

1 Ti̱mo̱te̱yo̱ 3:15

Ming iróng anna ngen kayiha ataman, a̱gga̱yyu̱ atin niga gool ci abahe ol wak a̱tu̱ zoz ci Ta̱mu̱ta̱dde̱no̱. E̱e̱ggi̱n ol wak a̱tu̱ zoz ci Ta̱mu̱ta̱dde̱no̱ ko̱ boor ci Ta̱mu̱ta̱dde̱no̱, nogo cik a̱gga̱m zoz ci Ta̱mu̱ta̱dde̱no̱ kiwagon lolaci ci abilne zoz de̱de̱.

1 Ti̱mo̱te̱yo̱ 5:17

Anyik ol cik a̱tu̱we̱ ki̱ti̱ri̱ze̱t lo̱ddi̱ki̱re̱ cik a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ju̱rru̱m eci nege a̱li̱ngli̱ng ju̱rru̱m. Ommogje ming uwahek ol kar ke̱de̱me̱zi̱t zoz ci Ta̱mu̱ta̱dde̱no̱.

2 Ti̱mo̱te̱yo̱ 4:2

Uwahek ol zoz ci Ta̱mu̱ta̱dde̱no̱; abunna ming uwahek ol zoz ci Ta̱mu̱ta̱dde̱no̱ odohize, kar tu̱gu̱ra̱ o̱o̱tti̱ cik ollu, ti̱lo̱ ol ngati ogone kaal cik gerzek, kar gon zozek ol, demez nogo zinine ci voori.

Ti̱to̱ 1:7

Abunna ming abak baiz ci emede eci enne een tuwayoit ci Ta̱mu̱ta̱dde̱no̱. Gerza ming idica zinin, gerza ming een bba̱kco̱i̱t, gerza ming een e̱e̱t ci jo̱o̱re̱ttu̱, gerza ming anyak zinin ci a̱ppwe̱ o̱ro̱bi̱ya̱i̱.

I̱bu̱ru̱ 13:17

O̱to̱ngo̱o̱ltte̱ lo̱ddi̱ki̱re̱ cuggo̱k, u̱tu̱gu̱z zoz ci a̱du̱wa̱ nege. Een li̱ngli̱ngo̱ni̱ cinne̱ng ci ebekkung nege i̱ge̱ta̱ ju̱rru̱m, ming iróng ebekkung ju̱rru̱m, okko atin Ta̱mu̱ta̱dde̱n a̱jji̱n nogo kaale cik ogon nege do̱o̱k. Ma anyike nogo komozte ming ogon li̱ngli̱ngo̱n cinne̱ng. Anyik nogo katalto. U̱zzu̱tte̱, abunna atin nege eelannung.

I̱bu̱ru̱ 13:7

A̱a̱dda̱ ddi̱ki̱ryyo̱k cuggo̱k balik edemezung zoz ci Ta̱mu̱ta̱dde̱no̱ ke̱. A̱a̱dda̱ baiz ci abahe nege, i̱ye̱zi̱t tu̱we̱ne̱t cinne̱ng.

I̱bu̱ru̱ 3:5

A̱li̱ngli̱nge̱k Musesi ol cik Ta̱mu̱ta̱dde̱no̱ wak een Ce̱e̱z ci Ta̱mu̱ta̱dde̱no̱, a̱du̱wa̱ zoz ci atin okko ogone.

1 Peturu 4:10

A̱ma̱yu̱ng i̱ge̱t deteni ci Ta̱mu̱ta̱dde̱no̱ a̱a̱nyu̱ng arizet ci abunna, kar niga abunna ming eelannu ol u̱gge̱. I̱li̱ngli̱ngte̱ zin ma̱yu̱we̱ne̱t necu ju̱rru̱m.