Lu̱ka̱ 11:42 - Tennet

⁴² “O̱lle̱ bai ciggo̱k olli Varacisi ke̱, eci anyikku niga Ta̱mu̱ta̱dde̱n gi̱i̱ co̱de̱ kaale cik e̱e̱ggi̱n omoto kaale cikidik ma̱ne̱ne̱ ciggo̱k do̱o̱k, imma ngatu ibbezzu zoz ci etted ol lo̱ki̱ka̱ ju̱rru̱m ki rezinet ci Ta̱mu̱ta̱dde̱no̱. Abunna ming a̱li̱ngli̱ngnyu̱ zo̱zzo̱k ne̱ko̱, ma ungneku zoz ci anyikku Ta̱mu̱ta̱dde̱n kaal ko̱ lo̱o̱c.

Lu̱ka̱ 11:42 Iomraidhean Croise

Ma̱te̱yo̱ 23:13

“O̱lle̱ ciggo̱k ol wak een de̱me̱zzo̱k wak lo̱ti̱nno̱k wak Musesi ki olli Varacis ko̱, niga ol cik a̱ru̱kku̱ talaben! Unygtu niga ba̱a̱li̱ne̱t ci ta̱mu̱-kengo ngati acine ol cik diirik. Iróng atin niga bu̱k e̱le̱tti̱ne̱ cuggo̱k i̱zzo̱yu̱, icima anyikku ol ne̱k orong ki̱tto̱zo̱ ko̱.

Ma̱te̱yo̱ 23:23

“O̱lle̱ nonga bai cik de̱me̱zzo̱k wak lo̱ti̱nno̱k cik Musesi ki ol cik een Varacis, niga ol cik a̱ru̱kku̱ talaben! Anyikku niga Ce̱e̱z wa Ta̱mu̱ta̱dde̱no̱ kaale cik e̱e̱ggi̱n omoto, aanycik co̱de̱ Ta̱mu̱ta̱dde̱n lo̱lo̱i̱t kaale cikidik eevanu niga ma̱ne̱ne̱. Abarik ibbeztu niga zoz ci riili oroot lo̱ti̱nno̱u̱, ti̱ri̱ze̱ne̱t ol do̱o̱k ju̱rru̱m, deten ki bunnat. Abunna ming ogonnu kaal cikidik ko̱ do̱o̱k, ma̱i̱je̱ ngatu ma ibbezzu kaal cik riilik oroot.

Ma̱te̱yo̱ 23:27

“O̱lle̱ bai ciggo̱k de̱me̱zzo̱k wak lo̱ti̱nno̱k ki ol cik een Varacis. A̱ru̱kku̱ talaben! Ogonnu niga ki ilometa cik a̱vi̱le̱ ki̱zi̱ze̱c eci re̱e̱nu̱no̱, imma ecito abbize emme cik ol wak a̱da̱i̱to̱ ki kaal cik gerzek ngoronyik ko̱ do̱o̱k.

Lu̱ka̱ 18:12

Ki̱ya̱ye̱ anna lak rama biranoca, kaanyi anna i̱nne̱ta̱ Ta̱mu̱ta̱dde̱n gi̱i̱ co̱de̱ kaale cik e̱e̱ggi̱n omoto kanyai anna do̱o̱k.’

Kaviyak wak Abunna Ta̱mu̱ta̱dde̱no̱ eher Joni 5:42

Abarik ka̱gga̱yyu̱ng, iróng niga anyakku rezinet ci Ta̱mu̱ta̱dde̱no̱ zi̱nze̱tti̱nne̱ ciggo̱k.

1 Jon 4:20

Ming azi e̱e̱ti̱ imma ne, kirezi enne Ta̱mu̱ta̱dde̱n, imma ngatu amarine gooni, een enne volongnyoit. Eci ming iróng e̱e̱ti̱ irez gooni ci acin enne eberene, irez wo̱ye̱ enne Ta̱mu̱ta̱dde̱n ci iróng enne acin eberene ko̱?