Lu̱ka̱ 11:41 - Tennet

⁴¹ Abarik anycik kaal ne̱k ecito ko̱ ol cik amati, ovvo atin kaala do̱o̱k a̱zi̱ze̱ ngatunne.

Lu̱ka̱ 11:41 Iomraidhean Croise

Ma̱te̱yo̱ 26:11

Abakku atin gon niga ki ol cik amati odohize, ma̱i̱je̱ anna iróng atin karume ki i̱ge̱t gon ngatu u̱u̱mu̱c.

Ma̱te̱yo̱ 5:42

Ming a̱jji̱nni̱ e̱e̱ti̱ gi̱i̱ ci orong enne, anyik. Ming a̱jji̱nni̱ e̱e̱ti̱ imma gi̱i̱ imma kize nga̱bo̱lo̱, anyik.

Marko 7:19

Eci iróng gi̱i̱ neci okko zinine cinne, abarik okko kenga kar kiyowa eliye cinne.” Ma baling u̱du̱wa̱ zoz necu, ozorowozik Ye̱su̱ zoz ize ne, “Caale da̱i̱ne̱t do̱o̱k.”

Lu̱ka̱ 12:33

U̱tu̱yye̱k kaal cik anyakku niga ko̱, kar anycik o̱ro̱bi̱ya̱ ol cik amati. Idimantek e̱le̱tti̱ cuggo̱k de̱he̱rwa̱ cik iróng egerzanne, eezet ci aave ta̱mu̱-kenga ci iróng atin edeccai, nginti iróng anyak ogoryak cik a̱vvu̱ ojonun kar bo̱do̱k i̱llo̱i̱ ngazengaze cik egerzanni.

Lu̱ka̱ 16:9

Ka̱du̱wa̱kku̱ng anna i̱ge̱ta̱, i̱li̱ngli̱ngte̱ i̱to̱kze̱t ci lo̱o̱tu̱ abunna ming amudannu gonogget, ming okko i̱to̱kze̱t neci edeccai, kar atin ol kelemtaung i̱ge̱ta̱ baize ci abakku udut.

Lu̱ka̱ 18:22

Baling izik Ye̱su̱ zoz necu, izek enne nonno ne, “Ngen gi̱i̱ co̱de̱ akilane ngatunne. Tuwek kaal cik anyai i̱nna̱ do̱o̱k kar anyik o̱ro̱bi̱ya̱ ol cik amati, kar atin i̱nna̱ nyak de̱he̱r ta̱mu̱-kenga, kar zin i̱jja̱, nuwan.”

Lu̱ka̱ 19:8

Ma̱i̱je̱ Zakayosi itinga je̱e̱na̱ kar kizek Manyi ne, “Cinno, Manyi, kengeri atin anna kaal cigannik gegera kar kanyik ol wak amati, kar ming ku̱lu̱ta̱ da̱ ba̱li̱ye̱ e̱e̱t imma gi̱i̱ye̱ emani, ka̱ru̱i̱ atin anna o̱ro̱bi̱ya̱ ne̱ke̱ lak we̱c.”

Buk wa To̱ni̱a̱u̱ 10:15

Ozozek mului bo̱do̱k nonno dee, a̱nne̱k ne, “Ma azi da̱i̱ne̱t u̱gge̱ cik adiman Ta̱mu̱ta̱dde̱n ki̱zi̱ze̱c ko̱ ne, e̱e̱ggi̱n ngoronye.”

Buk wa To̱ni̱a̱u̱ 11:29

Kar zin nuyaha, nege do̱o̱k arizete cinne̱ng, orongit kar keelta gotonogget wak a̱tu̱we̱ aavtte lo̱o̱ce̱ ci Ju̱de̱ya̱.

Buk wa To̱ni̱a̱u̱ 24:17

“Baling ka̱vvu̱ e̱rki̱nya̱ cik meelek oroot reena, ka̱ku̱nni̱ zin anna Jerusalem, kar ki̱ki̱ya̱ kanyahak ol cigannik amati muci kar kapahek wawac Ta̱mu̱ta̱dde̱n.

2 Ko̱ri̱nto̱ 8:12

Ming orong e̱e̱ti̱ ki̱ti̱ri̱z gonoggi kaale cik anyai, abunna ming anyike nogo kaal cik ette anyak enne zinine cinne do̱o̱k. Atalne Ta̱mu̱ta̱dde̱n ngati e̱e̱t ci anyike ol kaal talninta, iróng angija.

Evesos 4:28

Anyik e̱e̱t ci bali gon een ogoryait kutungek ogor lo̱o̱c, abunna akane li̱ngli̱ngo̱n eliye cinne kar kumuda kaal cik orong enne go̱o̱le̱ ci abunna, kar gon enne kumuc ol u̱gge̱ bu̱k.

Ti̱to̱ 1:15

Caalette kaala do̱o̱k paz ngati ol wak anyak zi̱nze̱tti̱ cik voorik. Ma̱i̱je̱ ol wak gerzek baizi, iróng bo̱do̱k a̱tu̱we̱, a̱zze̱ gi̱i̱ imma ci caale to, eci zi̱nze̱tti̱ cigge̱k ki o̱o̱tti̱ do̱o̱k u̱la̱ltte̱.

I̱bu̱ru̱ 13:16

Abunna ming ogonnu kaal cik abunna, kar ozolit kaal ki ol wak amati. Een necu muci ci elemi Ta̱mu̱ta̱dde̱n.

I̱bu̱ru̱ 6:10

A̱gga̱m Ta̱mu̱ta̱dde̱n ol go̱o̱le̱ ci abunna, iróng enne erehek li̱ngli̱ngo̱ni̱ ci a̱li̱ngli̱nge̱kku̱ niga nonno ki rezinet ci irezzu niga nonno go̱o̱le̱ ci eelannu ol ciginnek ki ba̱li̱ye̱. A̱gga̱ zin enne niko ming emenannu ngati eelannu nogo.

Je̱mi̱s 1:27

Imma e̱e̱ti̱ wa a̱di̱ngdi̱nga̱n Ta̱mu̱ta̱dde̱n wa een Be̱e̱ti̱nna̱ ko̱, aave enne kize caala ne paz, i̱llo̱i̱ rok mu̱nye̱n, ogon enne kaal ciko: Azunne bo̱yyo̱k ki ngaai cik boyek ngati apirnane, kar kuzute ele cinne kaale cik lo̱o̱tu̱.