Lu̱ka̱ 11:2 - Tennet

² Izek zin enne nogo ne, “Ming alawinu niga, izet ne: “‘Baba, a̱li̱le̱ zara cigunnek, anyik ba̱a̱li̱ne̱t cunne aave ta̱mu̱-kenga ki̱ki̱ya̱k lo̱o̱c.

Lu̱ka̱ 11:2 Iomraidhean Croise

Ma̱te̱yo̱ 10:32

“Ming u̱du̱wa̱ e̱e̱ti̱ azi ne ke̱e̱ni̱ enne e̱e̱t cinanni, ka̱du̱wa̱k atin anna Baba ta̱mu̱-kenga bu̱k zoz ci azi ne een e̱e̱ti̱ necu cinanni.

Ma̱te̱yo̱ 3:2

a̱nne̱k ol ne, “Uturtta mu̱nye̱n ciggo̱k eci ba̱a̱li̱ne̱t ci ta̱mu̱-kengo ize ojon.”

Ma̱te̱yo̱ 5:16

Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

Lu̱ka̱ 11:1

Anyak da̱ i̱i̱te̱n imma ci alaye Ye̱su̱ ngamani. Baling edeca enne lawinet, izek zin nuyaiti cinne co̱de̱ nonno ne, “Manyi, demezet agit gool ci kar kalayya Ta̱mu̱ta̱dde̱n ki bali Jon Ba̱ti̱ti̱mo̱ ming edemez nuyak waginnek ke̱.”

Roma 1:7

Keherik anna waraga cu ol cik a̱li̱le̱ irez Ta̱mu̱ta̱dde̱n abak lo̱o̱ce̱ ci Romi, kar bo̱do̱k Ta̱mu̱ta̱dde̱n katahala nogo kizeto ol ciginnek. Anyik Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng i̱ge̱t do̱o̱k gano ki deten.

Roma 8:15

Iróng Vongizi ci Ta̱mu̱ta̱dde̱no̱ aanyyet kizet du̱cca̱k kar ko̱to̱ngo̱o̱ltte̱ lo̱ki̱ko̱ ci Ta̱mu̱ta̱dde̱no̱. Abarik Vongizi aanyyet kizet dooli ciginnek bak kawu Ta̱mu̱ta̱dde̱n kize Be̱e̱ti̱nna̱.

1 Ko̱ri̱nto̱ 1:3

Abunna bai Ta̱mu̱ta̱dde̱n wa een Be̱e̱ti̱nna̱ ki Manyi Ye̱su̱ Ki̱ri̱sto̱ ming a̱a̱nyu̱ng deten ki gano.

2 Ko̱ri̱nto̱ 1:2

Anyik Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng de̱ti̱ne̱t ki gano ka̱vvu̱to̱ ngatinno̱ng.

Ga̱la̱ti̱a̱ 1:4

A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.

Evesos 1:2

Anyik bai Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng deten ki a̱vvu̱ze̱t yahe.

Vilipia 1:2

Anyik bai deten ki gano kize cunno̱ng ci a̱kku̱ ngati Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱.

Vilipia 4:20

Kinnatit Ta̱mu̱ta̱dde̱n Be̱e̱ti̱nna̱ udut. Nonno nenen.

Kolosiya 1:2

Keherya waraga cu keherika ol wak a̱li̱le̱ Ta̱mu̱ta̱dde̱no̱ abak o̱rge̱ ci een Kolosiya, e̱e̱ggi̱n nege bo̱do̱k gotonogget wak a̱tu̱ Ki̱ri̱sto̱. Anyik deten ki gano ci Ta̱mu̱ta̱dde̱no̱ Be̱e̱ti̱nna̱ ka̱vvu̱ baize cunno̱ng.

1 Te̱se̱lo̱ni̱ka̱ 1:1

Keherikung anna Pa̱u̱lo̱, ki Silas, ki Ti̱mo̱te̱yo̱ waraga cu i̱ge̱t ol wak a̱tu̱we̱ ke̱le̱ci̱a̱k o̱rge̱ ci Te̱se̱lo̱ni̱ka̱, i̱ge̱t ol wak e̱e̱ggi̱nnu̱ ol cik Ta̱mu̱ta̱dde̱n wa een Be̱e̱ti̱nna̱ bali eenycanetta ki Manyi Ye̱su̱ Ki̱ri̱sto̱. Anyait deten ki baiz yahe tu̱we̱nte̱ ci zoz ci Ta̱mu̱ta̱dde̱no̱.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

2 Te̱se̱lo̱ni̱ka̱ 2:16

Kalayya Manyi Ye̱su̱ Ki̱ri̱sto̱ ele ki Ta̱mu̱ta̱dde̱n Be̱e̱ti̱nna̱ wa irezet kar kaanyyet deten ci aave udut, kar ke̱re̱yye̱ zoz ci abunna a̱kku̱ loza,

O̱no̱zzo̱k 11:15

Utubu zin anjilo wa een turgerem annu gonoggi ko̱ ture cinne, anyak zin ba̱li̱ye̱ mulukwa cik oroi ta̱mu̱-kenga, azi ne, “Ize i̱yo̱ko̱ alaanzet ci lo̱o̱tu̱ ko̱ alaanzet ci Manyitinna ki Ki̱ri̱sto̱ wainne, kar atin enne kabal lo̱o̱c udut.”

O̱no̱zzo̱k 15:4

Ngene atin ci iróng o̱ngo̱o̱li̱nni̱ i̱nne̱ta̱, Manyi, kar kanyahak di̱ngdi̱ngo̱n zar cigunnek? Eci i̱nne̱t do̱ ci a̱li̱li̱. A̱vvu̱ atin ol lo̱o̱co̱we̱ do̱o̱k kar ki̱vi̱ta̱ ki̱di̱ngdi̱nga̱nti̱ i̱nne̱ta̱, eci ol do̱o̱k icinnet zoz cunne abunna ko̱.”

O̱no̱zzo̱k 19:6

Kar zin anna kizik mulukwa cik ogon ki ol cik meelek giir, oroi kiwagon maama cik a̱ri̱i̱, a̱ju̱l kiwagon borowoci: “Kinnatit Ta̱mu̱ta̱dde̱n! Eci Manyitinna Ta̱mu̱ta̱dde̱n wa anyak Komiz do̱o̱k ci abal lo̱o̱c.

O̱no̱zzo̱k 20:4

Kedenya anna leceret cik aavtte ol cik anyonik komizi kar kettedit lo̱ki̱ko̱. Kar anna kicin vongizzok cik ol balik u̱ru̱kte̱ zo̱ze̱ ci edemze nege zoz ci Ye̱su̱ kar bo̱do̱k uwahek ol zoz ci Ta̱mu̱ta̱dde̱no̱. Iróng nege ba̱li̱ye̱ a̱di̱ngdi̱nga̱n e̱le̱gi̱t icima ri̱ri̱to̱n cinne, iróng bo̱do̱k nege anyak baayenit ci aave ngu̱mtti̱nne̱ icima azzine. I̱vi̱tta̱k nege ruget kar kabalit lo̱o̱c ki Ki̱ri̱sto̱ e̱rki̱nya̱ i̱bbo̱ng co̱de̱ (1,000).