Lu̱ka̱ 11:13 - Tennet

¹³ Ming e̱e̱ggi̱nnu̱ niga olli mu̱nye̱nu̱ nu̱nu̱n, a̱gga̱yyu̱ niga muci cik abunna anyikku dooli ciggo̱k, anyike atin Be̱e̱ti̱nno̱ng wa aave ta̱mu̱-kenga ko̱ Vongiz ci A̱li̱le̱ ol wak a̱jji̱n nonno ko̱ ku̱?”

Lu̱ka̱ 11:13 Iomraidhean Croise

Kananet 8:21

Ocowa Manyi gi̱i̱ ci ongooli laala kar zin kizek zinin ne, “Iróng bo̱do̱k ngen kotori lo̱o̱c zo̱ze̱ ci obod ki e̱e̱t ci diiri udut, ming nu̱nu̱n i̱no̱n enne zinina kaal cik gerzek nginti meer bali kenycane nonno ngati enne ngen idica ke̱. Iróng bo̱do̱k kadita kaal cik aruge do̱o̱k ki baling ku̱tu̱gu̱ ke̱.”

Ma̱te̱yo̱ 5:16

Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

Ma̱te̱yo̱ 5:45

kar izet dooli cik Be̱e̱ti̱nno̱ng wa aave ta̱mu̱-kenga. Anyike enne i̱i̱ kiyowa kar kataran ol wak abunna ki ol wak iróng a̱tu̱we̱, kar bo̱do̱k anyike ta̱mu̱ ol wak ogon kaal cik abunna ki cik ogon kaal cik gerzek.

Ma̱te̱yo̱ 6:14

Ming alalnekku niga ol cik ogonekku̱ng gi̱i̱ ci gerze, okko atin Baatunne wa aave ta̱mu̱-kenga alalnekkung i̱ge̱t bu̱k ba̱ci̱no̱we̱.

Ma̱te̱yo̱ 6:30

Ming een gool ci aimze Ta̱mu̱ta̱dde̱n arte cik zarak, wak alize wazin cu kar loza ku̱ju̱kto̱zi̱k gwo̱o̱, iróng wo̱ye̱ aimizzung i̱ge̱ta̱? Eeh ol wak anyakku tu̱we̱ne̱t cidici ko̱.

Ma̱te̱yo̱ 6:32

Eci ol wak iróng a̱gga̱ Ta̱mu̱ta̱dde̱n a̱vi̱r vu̱rrte̱ ci kaal ne̱ko̱, imma Baatunne wa aave ta̱mu̱-kenga a̱gga̱ kaal cik orongnyu niga do̱o̱k.

Ma̱te̱yo̱ 7:11

Ming wo̱ye̱ e̱e̱ggi̱nnu̱ ol cik gerzek nu̱nu̱n, a̱gga̱yyu̱ niga amuccu dooli cuggo̱k kaale cik abunna. Amuccu̱ng wo̱ye̱ Be̱e̱ti̱nno̱ng wa aave ta̱mu̱-kenga ko̱ ku̱ ming a̱jji̱nnu̱ nonno!

Lu̱ka̱ 11:12

Icima ming a̱jji̱n enne bbu̱ru̱, anyik wo̱ye̱ i̱nna̱ nonno ito?

Lu̱ka̱ 11:2

Izek zin enne nogo ne, “Ming alawinu niga, izet ne: “‘Baba, a̱li̱le̱ zara cigunnek, anyik ba̱a̱li̱ne̱t cunne aave ta̱mu̱-kenga ki̱ki̱ya̱k lo̱o̱c.

Lu̱ka̱ 18:7

Kar iróng atin Ta̱mu̱ta̱dde̱n etted lo̱ki̱ko̱ ju̱rru̱m cik ol cik atahalai, ol cik a̱lu̱we̱k nonno wazin ki ba̱a̱li̱n? Okko gon atin enne abure lo̱ki̱ko̱ cinne̱ng?

Kaviyak wak Abunna Ta̱mu̱ta̱dde̱no̱ eher Joni 4:10

O̱bo̱de̱k zin Ye̱su̱ nonno, izek ne, “Ming aanyi gi̱i̱ gga̱ mucenet ci Ta̱mu̱ta̱dde̱no̱ ki e̱e̱t ci a̱jji̱nni̱ maam ko̱, a̱jji̱nni̱ wo̱ye̱ i̱nna̱ nonno kar kaanyi maam cik rugeto.”

Buk wa To̱ni̱a̱u̱ 2:38

Iizek zin Peturu nogo ne, “Uturtta mu̱nye̱n cuggo̱k do̱o̱k kar a̱gga̱mi̱t ba̱ti̱ti̱mo̱ zare wak Ye̱su̱ Ki̱ri̱sto̱, kar atin Ta̱mu̱ta̱dde̱n kalaleung mu̱nye̱n cuggo̱k. Kar atin niga u̱mu̱dda̱ muci ci Vongiz ci A̱li̱le̱.

Roma 5:17

Abalet daizi ki i̱yo̱ko̱ alaani ko̱, eci Adami abaca. Iróng zin zoz necu atubo ki gi̱i̱ ci ogon Ye̱su̱ Ki̱ri̱sto̱. I̱i̱rke̱ Ta̱mu̱ta̱dde̱n ngatinna oroot, kar kaanyyet bunnat cinne ka̱vvu̱ baize cinna zo̱ze̱ ci e̱e̱t co̱de̱ ṯok, Ye̱su̱ Ki̱ri̱sto̱.

Roma 7:18

Ka̱gga̱ niko i̱llo̱i̱ gi̱i̱ imma eliya cinanni ci aanya kar ku̱tu̱gu̱ kaal cik abunna. Ma̱i̱je̱ nu̱nu̱n ming korongi ku̱tu̱gu̱ kaal cik abunna abarik ogone kaala cik gerzek.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.