Lu̱ka̱ 11:10 - Tennet

¹⁰ Eci ming a̱jji̱nne̱ e̱e̱ti̱ imma, anyonik nonno; okko e̱e̱ti̱ ci orongi, amuda; kar e̱e̱ti̱ ci oṯokṯowan tatug, okko tatug o̱o̱ye̱.

Lu̱ka̱ 11:10 Iomraidhean Croise

Ma̱te̱yo̱ 5:42

Ming a̱jji̱nni̱ e̱e̱ti̱ gi̱i̱ ci orong enne, anyik. Ming a̱jji̱nni̱ e̱e̱ti̱ imma gi̱i̱ imma kize nga̱bo̱lo̱, anyik.

Ma̱te̱yo̱ 7:8

Ma̱i̱je̱ e̱e̱ti̱ ci a̱jji̱n Ta̱mu̱ta̱dde̱n gi̱i̱ye̱ ci orong enne, aanyik atin Ta̱mu̱ta̱dde̱n nonno; ma e̱e̱ti̱ ci orongnye gi̱i̱ye̱ ci orongi, anyike atin Ta̱mu̱ta̱dde̱n nonno kumuda; ma e̱e̱ti̱ ci oṯokṯowan tatug, oowik atin Ta̱mu̱ta̱dde̱n nonno tatug.

Lu̱ka̱ 11:11

“Ngene ngatinno̱ng be̱e̱ti̱k doolinnu, ming a̱jji̱nni̱ ngerunne orong u̱lu̱gi̱t, kar i̱nna̱ anyik uwat?

Lu̱ka̱ 11:9

“Kar zin anna ka̱nne̱kku̱ng ne: I̱jji̱nne̱t kar atin kanyoziung; orongit, ovvo atin niga amudannu; oṯokṯowanit tatug, okko atin o̱o̱ye̱ ngatinno̱ng.

Lu̱ka̱ 18:1

A̱du̱wa̱k zin Ye̱su̱ nuyak ciginnek tubzenet cu, kar ki̱ye̱le̱k nogo abunna ming alaye nege odohize, iróng ungnek zoz necu lo̱o̱c.

Je̱mi̱s 4:3

Ming a̱jji̱nnu̱ niga Ta̱mu̱ta̱dde̱n, iróng niga amudannu, eci a̱jji̱nnu̱ niga zi̱nze̱tti̱nne̱ cik gerzek, icima ovvo atin niga ogonnu kaal ne̱ke̱ kaal cik amin zi̱nze̱tti̱ cuggo̱k.

Je̱mi̱s 5:11

Ki i̱yo̱ko̱ ming a̱gga̱yyu̱ ko̱, ku̱mu̱yu̱kte̱ naga ol balik inimet no̱ngi̱tto̱n. Iziktu niga niimenet ci bali anime e̱e̱ti̱ ci een zara Job no̱ngi̱tto̱n. Icinntu bo̱do̱k nya ci anyahak Manyi baiz ci Jobi bali vu̱rrta̱. Anyak Manyi rezinet ki deten ci a̱ppwe̱ oroot.