Lu̱ka̱ 10:42 - Tennet

⁴² abarik anyak gi̱i̱ co̱de̱ ṯok ci korong naga. Atahala zin Ma̱ri̱ya̱ gi̱i̱ ci abunna, iróng atin e̱e̱ti̱ imma a̱gga̱ma̱ ngatinne.”

Lu̱ka̱ 10:42 Iomraidhean Croise

Marko 8:36

Nya ci abunna ming amuda e̱e̱ti̱ kaal cik lo̱o̱tu̱ do̱o̱k imma ngatu okoloz ruget cinne?

Lu̱ka̱ 10:39

Anyak da̱ enne ngooni ci een zara Ma̱ri̱ya̱ ci okko aave abanyce ci zo̱o̱ cik Manyi aziye zoz ci a̱du̱wa̱ enne.

Lu̱ka̱ 11:1

Anyak da̱ i̱i̱te̱n imma ci alaye Ye̱su̱ ngamani. Baling edeca enne lawinet, izek zin nuyaiti cinne co̱de̱ nonno ne, “Manyi, demezet agit gool ci kar kalayya Ta̱mu̱ta̱dde̱n ki bali Jon Ba̱ti̱ti̱mo̱ ming edemez nuyak waginnek ke̱.”

Lu̱ka̱ 12:20

“Ma̱i̱je̱ Ta̱mu̱ta̱dde̱n a̱nne̱k nonno ne, ‘I̱nna̱ tarbaloiti! Okko ba̱a̱li̱n cu rugeti cunne a̱zze̱ ngatunne. Ngene zin ci atin amuda kaal balik adimanek i̱nna̱ ele cunne ko̱?’

Lu̱ka̱ 12:33

U̱tu̱yye̱k kaal cik anyakku niga ko̱, kar anycik o̱ro̱bi̱ya̱ ol cik amati. Idimantek e̱le̱tti̱ cuggo̱k de̱he̱rwa̱ cik iróng egerzanne, eezet ci aave ta̱mu̱-kenga ci iróng atin edeccai, nginti iróng anyak ogoryak cik a̱vvu̱ ojonun kar bo̱do̱k i̱llo̱i̱ ngazengaze cik egerzanni.

Lu̱ka̱ 16:2

Utu zin i̱to̱i̱ti̱ ddi̱ki̱ryo̱i̱t kar ki̱jji̱n nonno, ‘Nya ci kazii anna zo̱ze̱ cunne ko̱? Teher zin kaal cik a̱li̱ngli̱nge̱ i̱nna̱ do̱o̱k, eci iróng atin i̱nna̱ e̱e̱ni̱ ddi̱ki̱ryo̱i̱t bo̱do̱k.’

Lu̱ka̱ 16:25

“Ma̱i̱je̱ Aburahami abarizek nonno, ‘Ngeranni, i̱no̱n da̱ ba̱li̱ye̱ baize cunne uruba i̱nna̱ kaal cik abunna, imma Lazaru uruba kaal cik gerzek, ma̱i̱je̱ i̱yo̱ko̱ ubunna enne ngatu kar i̱nna̱ a̱vvu̱ ngati apirnane.

Lu̱ka̱ 18:22

Baling izik Ye̱su̱ zoz necu, izek enne nonno ne, “Ngen gi̱i̱ co̱de̱ akilane ngatunne. Tuwek kaal cik anyai i̱nna̱ do̱o̱k kar anyik o̱ro̱bi̱ya̱ ol cik amati, kar atin i̱nna̱ nyak de̱he̱r ta̱mu̱-kenga, kar zin i̱jja̱, nuwan.”

Lu̱ka̱ 8:18

I̱yo̱ko̱ zin, a̱gga̱c zin ju̱rru̱m gool ci aziknenu niga zoz ci Ta̱mu̱ta̱dde̱no̱ ku̱. Ming anyak e̱e̱ti̱ imma, anyonik atin nonno cik meelek; ming iróng e̱e̱ti̱ imma anyak, a̱gga̱mnya̱i̱ atin rok ne̱k i̱no̱n enne azi ne anyai cidici ko̱.”

Kaviyak wak Abunna Ta̱mu̱ta̱dde̱no̱ eher Joni 11:1

Omor da̱ e̱e̱ti̱ ci een zara Lazaru, a̱kku̱ enne o̱rge̱ ci een zara Bethany, abak ciko Ma̱ri̱ya̱ ki ngooni ci een Marta o̱rge̱ neci bu̱k. E̱e̱ggi̱n nege ngonoggi Lazaru. U̱vu̱d ba̱li̱ye̱ Ma̱ri̱ya̱ zo̱o̱ cik Manyi Ye̱su̱ maale ci ongooli laala, kar zin ki̱ti̱vi̱la̱ maal neci immane ciginnek.

Kaviyak wak Abunna Ta̱mu̱ta̱dde̱no̱ eher Joni 11:19

I̱vi̱ta̱ da̱ ol cik e̱e̱ggi̱n Ya̱u̱d Jerusalema ovvo a̱gga̱ma̱ ciko Marta ki Ma̱ri̱ya̱ azzin u̱lu̱wa̱ne̱ ci gotoni cinne̱ng bali a̱da̱i̱ ke̱.

Kaviyak wak Abunna Ta̱mu̱ta̱dde̱no̱ eher Joni 12:3

Idima zin Ma̱ri̱ya̱ maal ci ongooli laala oroot, adimanai keete ci azi zar ne Nard. Uuta o̱ro̱bi̱ya̱i̱ cik meelek, u̱vu̱de̱k zin zo̱o̱ cik Ye̱su̱, kar zin bo̱do̱k kuvucvucan imane ciginnek, otongol ce̱e̱z do̱o̱k maal neci.

Kaviyak wak Abunna Ta̱mu̱ta̱dde̱no̱ eher Joni 17:3

A̱gga̱yi̱ atin nege i̱nne̱t rugete wa aave udut, ize Ta̱mu̱ta̱dde̱n wa een de̱de̱ kar zin bo̱do̱k ka̱gga̱yya̱ annit Ye̱su̱ Ki̱ri̱sto̱ wa bali i̱tto̱na̱i̱ ke̱ nenen necu.

Kaviyak wak Abunna Ta̱mu̱ta̱dde̱no̱ eher Joni 4:14

Ma̱i̱je̱ e̱e̱ti̱ ci aud maam cik kanyike anna, iróng atin a̱ru̱k koor udut, abarik ovvo maama ne̱ke̱ ogon ki maama cik a̱ri̱ya̱ anyaha ruget ci aave udut.”

Kaviyak wak Abunna Ta̱mu̱ta̱dde̱no̱ eher Joni 5:24

Emena Ye̱su̱ zoza dee, azi ne, “Ka̱du̱wa̱kku̱ng zoz ci een de̱de̱, ming aziye e̱e̱ti̱ zoz cinanni kar ku̱tu̱ Baba bali i̱tto̱na̱na̱ ke̱, amuda atin enne ruget wa aave udut. Iróng atin lo̱ki̱ko̱ ci gerze ettedonik oo cinne. Utungek enne daiz lo̱o̱c uk rugeta.

Kaviyak wak Abunna Ta̱mu̱ta̱dde̱no̱ eher Joni 6:27

Ma a̱li̱ngli̱ngnyu̱ zo̱ze̱ ci da̱i̱ne̱t wak atin iróng abak udut, abarik i̱li̱ngli̱ngge̱t da̱i̱ne̱t cik gon aavtte baize wa aave udut, cik atin ka̱a̱nyu̱ng anna Ngerrti E̱e̱to̱, eci Baba Ta̱mu̱ta̱dde̱n arika annit komiz li̱ngli̱ngo̱nte̱ necu.”

1 Ko̱ri̱nto̱ 13:3

Ma wo̱ye̱ nu̱nu̱n kanyike kaal cigannik ol wak amati ko̱ do̱o̱k, icima ka̱da̱i̱ ngati katuzene gwo̱o̱ya̱ kar keelai e̱e̱t imma, imma ngatu i̱llo̱i̱ rezinet ci kireze ol, i̱llo̱i̱ atin gi̱i̱ ci karuba anna. Maya ming kirezi ol.

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.