Lu̱ka̱ 10:34 - Tennet

³⁴ Uk enne ngatinne kar ki̱ti̱vi̱l ngoddocet ciginnek, u̱ddu̱te̱k maal ki merte kar ku̱lu̱ce̱k ru̱u̱m. Kar zin kodongek e̱e̱t neci zi̱gi̱r cinne, kuwe ce̱e̱ze̱ ci gon aavtte e̱re̱nno̱wa̱, kar enne ki̱ti̱ri̱z nonno.

Lu̱ka̱ 10:34 Iomraidhean Croise

Kananet 42:27

Imma ngati bali ovvo nege adungne goola ba̱a̱li̱n neci, oo zin e̱e̱ti̱ co̱de̱ ngatinne̱ng lo̱do̱ cinne kar kidimak zi̱gi̱r cinne labi u̱gge̱, abarik enne icin o̱ro̱bi̱ya̱ ciginnek lo̱do̱ utuga.

Lu̱ge̱z 4:24

Imma bali ovvo nege ooginne goola ngati ovvoye nege Masire, i̱ki̱ya̱k Manyi Muses orong kar ku̱ru̱k nonno.

Marko 14:8

U̱tu̱gu̱ ngaa necu gi̱i̱ ci ogon enne. U̱ddu̱te̱ya̱ enne annit maal ci ongooli laala, adimana annit kar atin kuk kadawe iloma.

Lu̱ka̱ 10:33

Ma̱i̱je̱ e̱e̱ti̱ ci Samariyo eron da̱ enne bu̱k, i̱ki̱ya̱k zin nginti aave e̱e̱ti̱ bali a̱ru̱we̱ ke̱; baling icin enne nonno, atamatek zin enne nonno.

Lu̱ka̱ 10:35

Bali nge̱rre̱ti̱n ci reng, idima enne o̱ro̱bi̱ya̱ ram cik e̱e̱ggi̱n ziik kar zin ku̱ru̱we̱k manyi ce̱e̱z. Kar enne kize ne, ‘Cin nonno ju̱rru̱m ming kokko anna koboda, ka̱ru̱we̱ki̱ atin anna o̱ro̱bi̱ya̱ cik aave enne ngatu.’

Lu̱ka̱ 2:7

kar zin enne ki̱ti̱ra̱ do̱le̱c ci een a̱bu̱, ci maci. U̱lu̱cce̱k nonno ru̱u̱ma̱ni̱ kar karik i̱bo̱, eci i̱llo̱i̱ ce̱e̱z ci adungne nege.

Roma 12:20

Azi bo̱do̱k Warage ci Ta̱mu̱ta̱dde̱no̱ ne, “Ming adak mo̱dde̱ni̱t cunne magiz, anyik nonno da̱i̱ne̱t. Ming a̱ru̱k koor, anyik nonno maam. Eci ming ogonnei i̱nna̱ nonno kaal niko, adak atin nonno a̱li̱ya̱ni̱ kaale balik gerzek ogoneki enne i̱nne̱t ke̱.”

1 Te̱se̱lo̱ni̱ka̱ 5:15

Ma acacannu kaal cik gerzek ogonekku̱ng ol, abarik u̱tu̱gu̱zze̱k ol do̱o̱k kaal cik abunna.