Lu̱ka̱ 1:77 - Tennet

⁷⁷ kar i̱nna̱ anyik ol ciginnek ka̱gga̱c genyiz ci ti̱ri̱ze̱nto̱ go̱o̱le̱ ci alalneke Manyi nogo mu̱nye̱n,

Lu̱ka̱ 1:77 Iomraidhean Croise

Lu̱ka̱ 3:3

U̱lu̱c zin enne o̱ro̱gjo̱k cik ojongoz moro ci Jordani veelek, uwahek ol zoz ci a̱gga̱me̱ nege ba̱ti̱ti̱mo̱ kar kutungttek ba̱ci̱nno̱k wagge̱k lo̱o̱c, ki zoz ci alalneke Ta̱mu̱ta̱dde̱n nogo mu̱nye̱n.

Lu̱ka̱ 3:6

Kar atin ol do̱o̱k ku̱mu̱dda̱ ti̱ri̱ze̱ne̱t ci Ta̱mu̱ta̱dde̱no̱.’”

Kaviyak wak Abunna Ta̱mu̱ta̱dde̱no̱ eher Joni 1:29

Ma̱i̱je̱ nge̱rre̱ti̱n ci reng, edenya Joni Ye̱su̱ ming a̱kku̱nna̱k nonno, kar kize ne, “Icinnet, Nyoon ci Ta̱mu̱ta̱dde̱no̱ wa a̱vi̱la̱ mu̱nye̱n cik lo̱o̱tu̱!

Kaviyak wak Abunna Ta̱mu̱ta̱dde̱no̱ eher Joni 1:34

Kicina nonno, ka̱nne̱kku̱ng ne een enne Ngerrti Ta̱mu̱ta̱dde̱no̱.”

Buk wa To̱ni̱a̱u̱ 10:43

Ozoz ba̱li̱ye̱ a̱ri̱tto̱wa̱ do̱o̱k zoz ci obod ki Ye̱su̱, ming a̱tu̱ e̱e̱ti̱ imma nonno, alalnek Ta̱mu̱ta̱dde̱n e̱e̱t neci mu̱nye̱n zare ciginnek.”

Buk wa To̱ni̱a̱u̱ 19:4

Ize zin Pa̱u̱lo̱ ne, “Een ba̱ti̱ti̱mo̱ ci Joni ci kar kuturta mu̱nye̱n. A̱du̱wa̱k bali enne ol kar ku̱tu̱we̱t e̱e̱t ci ngen a̱kku̱ vu̱rrte̱ cinne, een zara Ye̱su̱.”

Buk wa To̱ni̱a̱u̱ 2:38

Iizek zin Peturu nogo ne, “Uturtta mu̱nye̱n cuggo̱k do̱o̱k kar a̱gga̱mi̱t ba̱ti̱ti̱mo̱ zare wak Ye̱su̱ Ki̱ri̱sto̱, kar atin Ta̱mu̱ta̱dde̱n kalaleung mu̱nye̱n cuggo̱k. Kar atin niga u̱mu̱dda̱ muci ci Vongiz ci A̱li̱le̱.

Buk wa To̱ni̱a̱u̱ 3:19

Uturtta mu̱nye̱n ciggo̱k kar zin o̱bo̱dda̱k Ta̱mu̱ta̱dde̱n, kar enne ki̱ti̱vi̱la̱ mu̱nye̱n ciggo̱k do̱o̱k, kar i̱i̱te̱ni̱ ci talninto ki̱ki̱ya̱ ngati Manyi.

Buk wa To̱ni̱a̱u̱ 5:31

Odong zin Ta̱mu̱ta̱dde̱n nonno kar kuk karik ka̱vvu̱ a̱tte̱ cinne a̱zzo̱ kize Alaan ki Ti̱ri̱zo̱i̱t, kar wo̱ye̱ enne kaanyik olli Israilo ko̱bo̱dda̱i̱ zi̱nze̱tti̱ ba̱ci̱no̱we̱ kar kalalek nogo.

Roma 3:25

I̱tto̱na̱ Ta̱mu̱ta̱dde̱n Ye̱su̱ Ki̱ri̱sto̱ kar kize ci a̱vi̱la̱ ol mu̱nye̱n bi̱ye̱te̱ ciginnek, ming a̱tu̱ nege nonno. I̱ye̱la̱ zoz neci ming abunna Ta̱mu̱ta̱dde̱n, eci alali nonno zinin mu̱nye̱ne̱ cik ollu ba̱li̱ye̱, ngen zin kedez ol.

Evesos 1:7

Imma zo̱ze̱ ci Ki̱ri̱sto̱, ku̱mu̱dda̱ naga eelannet bi̱ye̱te̱ ciginnek, alalneket mu̱nye̱n, go̱o̱le̱ ci anyahe Ta̱mu̱ta̱dde̱n deten oroot.