Lu̱ka̱ 1:6 - Tennet

⁶ Abunna bali nege a̱gga̱m zoz ci Ta̱mu̱ta̱dde̱no̱ oroot. Acin bo̱do̱k ol nogo ming azunne lo̱ti̱nno̱k wak Manyi ki keerani cigge̱k.

Lu̱ka̱ 1:6 Iomraidhean Croise

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 6:9

Een zin cu zoz ci a̱du̱wa̱ baiz ci obod ki Nowa. Een da̱ enne e̱e̱t ci abunna olle balik abak ki nonno e̱rki̱to̱we̱ ne̱ke̱. Owowo enne ba̱li̱ye̱ ki Ta̱mu̱ta̱dde̱n.

Kananet 7:1

U̱du̱wa̱k zin Manyi Nowa, izek ne, “Oot i̱nna̱ ki ollunne do̱o̱k i̱ba̱ ecito, ma̱rri̱t kicina anna e̱e̱ni̱ i̱nna̱ e̱e̱t ci abunna bu̱u̱le̱ cu oroot.

Lu̱ka̱ 1:7

Ma̱i̱je̱ ngatu, i̱llo̱i̱ nogo dooli, eci Elizabethi abile; anyait zin nege do̱o̱k e̱rki̱nya̱ cik meelek.

Lu̱ka̱ 16:15

Kar zin enne kizek nogo ne, “Orongnyu niga i̱ye̱lta̱ e̱le̱tti̱ cuggo̱k izet ol cik abunnanu eberene cik ollu, ma̱i̱je̱ Ta̱mu̱ta̱dde̱n a̱gga̱ zi̱nze̱tti̱ ciggo̱k. Imma kaala cik irez ol cik lo̱o̱tu̱ oroot, e̱e̱ggi̱n kaal cik gerzek ngu̱me̱ ci Ta̱mu̱ta̱dde̱no̱.”

Lu̱ka̱ 2:25

Anyak ba̱li̱ye̱ e̱e̱t imma Jerusalema ci een zara Si̱mo̱ne̱, e̱e̱t ci abunna kar karik zinin zoz ci Ta̱mu̱ta̱dde̱no̱. Ere da̱ enne Ti̱ri̱zo̱i̱t ci olli Israilo, aave zin da̱ Vongizi ci A̱li̱le̱ ngatinne.

Buk wa To̱ni̱a̱u̱ 2:25

Ozoz Da̱vi̱de̱ zoz ci obod ki e̱e̱t neci, azi ne, “‘Kedenya anna Manyi odohize o̱o̱we̱ cinanni. Eci enne aave a̱tte̱ cinanni a̱zzo̱, iróng atin anna ka̱bba̱ri̱ti̱.

Buk wa To̱ni̱a̱u̱ 23:1

Egelem Pa̱u̱lo̱ ol wak lo̱ki̱ko̱ kar kize ne, “Gotonogga, ku̱tu̱gu̱ anna li̱ngli̱ngo̱n ci Ta̱mu̱ta̱dde̱no̱ zinine ci abunna rok wazin cu.”

Buk wa To̱ni̱a̱u̱ 24:16

Kar zin zo̱ze̱ necu odohize korongi kanyik zinin cinanni kubunna ngu̱me̱ ci Ta̱mu̱ta̱dde̱no̱ ki bo̱do̱k ngati ol cik diirik.

Buk wa To̱ni̱a̱u̱ 8:21

Iróng i̱nna̱ anyai li̱ngli̱ngo̱n imma ngatu, eci zinin cunne iróng abunna ngu̱me̱ ci Ta̱mu̱ta̱dde̱no̱.

Roma 8:4

Ogon Ta̱mu̱ta̱dde̱n zoz neci niko kar naga ku̱tu̱gu̱z kaal cik abunna a̱du̱wa̱ lo̱ti̱nno̱wa̱ do̱o̱k, abunna naga ko̱ngo̱o̱le̱ Vongiz ci Ta̱mu̱ta̱dde̱no̱, iróng kanu kaal cik gerzek irez zi̱nze̱tti̱ cigga̱c.

1 Ko̱ri̱nto̱ 11:2

Katalne anna ngatinno̱ng oroot, go̱o̱le̱ ci aadanang niga annit ko̱, kar bo̱do̱k u̱zu̱tte̱ de̱mzi̱ne̱t bali kedemezung anna i̱ge̱t ke̱ do̱o̱k.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

Vilipia 2:15

kar zin niga izet ol cik anyakku zi̱nze̱tti̱ cik voorik, doolik Ta̱mu̱ta̱dde̱no̱ bu̱u̱le̱ ci gerze ko̱, kar ataranit baiz ci ollu ki i̱yo̱ko̱ munyunya ko̱.

Kolosiya 1:22

Ma̱i̱je̱ i̱yo̱ko̱, aganizung enne i̱ge̱ta̱ eliye ci Ngerinne Ki̱ri̱sto̱ bali a̱da̱i̱ keete ci een ta̱la̱ke̱c, kar enne ka̱a̱nyu̱ng izet ol cik abunna a̱li̱le̱ ngu̱me̱ cinne, iróng anyakku aruwa.

1 Te̱se̱lo̱ni̱ka̱ 3:13

Ma̱i̱je̱ go̱o̱le̱ neci a̱a̱nyu̱ng Ta̱mu̱ta̱dde̱n elemit ol ko̱, a̱a̱nyu̱ng atin okkomit tu̱we̱nta̱ bu̱k, kar izet ol cik i̱llo̱i̱ rok ba̱ci̱nno̱k ngu̱me̱ ci Ta̱mu̱ta̱dde̱n Be̱e̱ti̱nna̱, ming okko Ye̱su̱ Manyi oboda, orkora atin ki ollinne wak a̱li̱le̱ do̱o̱k.

2 Peturu 3:14

Gotonogga ki ngonogga tu̱we̱nta̱, ming ngen niga erewinnu ko̱, abait baiz ci a̱li̱le̱, i̱llo̱i̱ rok gi̱i̱ imma ci gerze, kar bo̱do̱k abait yahe.

1 Jon 2:29

Ming a̱gga̱yyu̱ niga de̱de̱ een Ki̱ri̱sto̱ e̱e̱t ci ogon kaal cik abunna, a̱gga̱c zin niko een e̱e̱ti̱ ci ogon kaal cik abunna ko̱ do̱le̱c ci Ta̱mu̱ta̱dde̱no̱.

1 Jon 2:3

Ming kazunne naga lo̱ti̱nno̱k ciginnek, i̱ye̱la̱ zoz necu azi ne, ka̱gga̱ naga nonno de̱de̱.

1 Jon 3:7

Niga dooli wagannik tu̱we̱nta̱, ma anyikku e̱e̱t imma kalabaung ki̱ti̱ku̱ng tu̱. Okko e̱e̱ti̱ ci ogon kaal cik abunna, een enne e̱e̱t ci abunna ki i̱yo̱ko̱ Ki̱ri̱sto̱ ming abunna ko̱.