Lu̱ka̱ 1:49 - Tennet

⁴⁹ eci wa O̱de̱ Ommog veelek u̱tu̱gu̱we̱ya̱ enne annit kaal cik a̱ddi̱ki̱re̱, a̱li̱le̱ zara ciginnek.

Lu̱ka̱ 1:49 Iomraidhean Croise

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Lu̱ge̱z 15:11

Manyi, i̱llo̱i̱ ta̱mu̱ta̱dde̱n imma lo̱o̱ta̱ ngatu ci wo̱ye̱ katubuz ki i̱nne̱ta̱. Anyai i̱nna̱ di̱ngdi̱ngo̱n, a̱li̱li̱ bo̱do̱k, o̱ngo̱o̱li̱nni̱ ol i̱nne̱ta̱ do̱o̱k, kar bo̱do̱k ogoni kaal cik a̱vu̱la̱.

Marko 5:13

Elema zin Ye̱su̱, kar zin kuulo cik lo̱rye̱nta̱k kiyokta ngati e̱e̱t neci i̱to̱zzo̱ zin batakwa. Een teny ci batakwanu ne̱ke̱ i̱bbo̱nge̱t rama (2,000), i̱rra̱ne̱ batakwana ti̱ti̱ma̱ ku̱lu̱ce̱ koot zi̱la̱ ki̱ta̱za̱k nyatapar kutuddudde do̱o̱k.

Lu̱ka̱ 1:48

eci enne a̱gga̱ gununzet ci du̱ca̱i̱t cinne. Kar i̱yo̱ko̱, kuk oowa, awuya atin bu̱u̱llo̱wa̱ annit kize e̱e̱t ci a̱ma̱yu̱we̱,

Lu̱ka̱ 1:50

Okko deteni cinne rok ol wak o̱ngo̱o̱le̱ nonno, bu̱u̱llo̱k ki bu̱u̱llo̱k.

Evesos 3:20

Kinnatit zin Ta̱mu̱ta̱dde̱n wa anyak doiz ci ogonikket enne agit kaal cik abunna meelek oroot kommog kaal cik ka̱jji̱ne̱ naga nonno ki kaal cik ki̱no̱n naga korong nonno ku̱tu̱gu̱we̱ta̱ doize cinne a̱li̱ngli̱nge̱ zi̱nze̱tti̱nne̱ cigga̱c.

O̱no̱zzo̱k 15:4

Ngene atin ci iróng o̱ngo̱o̱li̱nni̱ i̱nne̱ta̱, Manyi, kar kanyahak di̱ngdi̱ngo̱n zar cigunnek? Eci i̱nne̱t do̱ ci a̱li̱li̱. A̱vvu̱ atin ol lo̱o̱co̱we̱ do̱o̱k kar ki̱vi̱ta̱ ki̱di̱ngdi̱nga̱nti̱ i̱nne̱ta̱, eci ol do̱o̱k icinnet zoz cunne abunna ko̱.”

O̱no̱zzo̱k 4:8

Ovvo kaala ne̱k e̱e̱ggi̱n we̱c aruge ko̱, anyak ngenngene ṯaabani torkonom, anyak bo̱do̱k ebere ṯaabete do̱o̱k rok ecito. E̱be̱ne̱ nege wazin ki ba̱a̱li̱n kaal azi ne: “A̱li̱le̱, a̱li̱le̱, a̱li̱le̱ nonno ci een Manyi Ta̱mu̱ta̱dde̱n ci anyak Komiz do̱o̱k, wa bali aave, kar i̱yo̱ko̱, kar atin okko a̱kku̱.”