Lu̱ka̱ 1:2 - Tennet

² ki baling ka̱gga̱ma̱ naga ngati ol balik een bbacak ki du̱cca̱k cik zozak ke̱.

Lu̱ka̱ 1:2 Iomraidhean Croise

Marko 1:1

Een necu kananet kaviyak cik abunna obod ki Ye̱su̱ Ki̱ri̱sto̱, Ngerrti Ta̱mu̱ta̱dde̱no̱.

Marko 16:20

Oot zin nuyaha uwaktek ol zoz ci Ta̱mu̱ta̱dde̱no̱ lo̱o̱co̱we̱ do̱o̱k. I̱li̱ngli̱ng zin Manyi ki nogo kar kaanyik zoz cinne ku̱tu̱gu̱we̱ go̱o̱le̱ ci ogone nege kaal cik a̱vu̱la̱.

Marko 4:14

Ogon e̱e̱ti̱ ci ma̱nu̱ ki e̱e̱ti̱ ci okkoye zoz ci Ta̱mu̱ta̱dde̱no̱ olle.

Lu̱ka̱ 24:48

E̱e̱ggi̱nnu̱ niga bbacak cik kaal ne̱ko̱.

Kaviyak wak Abunna Ta̱mu̱ta̱dde̱no̱ eher Joni 15:27

Ibbacit niga bu̱k zoz cinanni eci karumzene naga nginti bali meer ka̱kku̱ne̱ ke̱.”

Kaviyak wak Abunna Ta̱mu̱ta̱dde̱no̱ eher Joni 16:4

Ka̱du̱wa̱kku̱ng zoz cu eci ming i̱ki̱ya̱ i̱i̱te̱ni̱ neci, ovvo atin a̱a̱da̱nnu̱ zoz bali ku̱du̱wa̱kku̱ng ke̱. Iróng arrak ba̱li̱ye̱ ka̱du̱wa̱kku̱ng zoz cu oowa ma̱rri̱t ba̱li̱ye̱ ming ngen kaavtte bu̱k.”

Buk wa To̱ni̱a̱u̱ 1:3

Imma bali vu̱rrta̱ ngati ippira enne ka̱da̱k ta̱la̱ke̱ca̱, i̱ye̱le̱k enne ele to̱ni̱a̱k ciginnek go̱o̱lo̱we̱ cik meelek giir kar zin nege kelemtta ming ngen enne aruge. I̱ye̱le̱k enne nogo ele cinne i̱i̱nya̱ moten we̱c kar kozoz zoz ci obod ki ba̱a̱li̱ne̱t ci Ta̱mu̱ta̱dde̱no̱.

Buk wa To̱ni̱a̱u̱ 1:8

Abarik atin niga arubannu komiz ming i̱ki̱ya̱u̱ng Vongizi ci A̱li̱le̱ i̱ge̱ta̱; kar atin niga izet bbacak cigannik Jerusalema, ki lo̱o̱ce̱ ci Ju̱de̱ya̱ ki Samariya do̱o̱k zee rok nginti aṯurneke looci.”

Buk wa To̱ni̱a̱u̱ 14:25

oot uwaktek ol zoz ci Ye̱su̱ o̱rge̱ ci een Perga, kar zin bo̱do̱k ku̱lu̱ce̱ oot o̱rge̱ ci een Attalia.

Buk wa To̱ni̱a̱u̱ 16:6

Eronit Pa̱u̱lo̱ ki Silas ki Ti̱mo̱te̱yo̱, iyok nege lo̱o̱ce̱ ci Phrygia ki Ga̱la̱ti̱a̱, eci Vongizi ci A̱li̱le̱ a̱nne̱k nogo ne, ma anyik nogo kuwaktek zoz ci Ye̱su̱ lo̱o̱c ci Asia.

Buk wa To̱ni̱a̱u̱ 17:11

Abunna da̱ ol cik Berea oroot ommog cik Te̱se̱lo̱ni̱ka̱, elemtta nege zoz ci Ta̱mu̱ta̱dde̱no̱ talninta oroot. Ikebit zin nege Waraga ci Ta̱mu̱ta̱dde̱no̱ odohize, acin kaal cik edemez Pa̱u̱lo̱ ko̱ ming een de̱de̱.

Buk wa To̱ni̱a̱u̱ 26:16

I̱yo̱ko̱ tinga je̱e̱na̱ bil zoone cigunnek. Ka̱kku̱nna̱ki̱ anna i̱nne̱t kar katahalai ize du̱ca̱i̱t ki bbacait ci kaal ne̱k icinnu i̱nna̱ ko̱ ngatinanni ki kaal cik kokko anna ki̱ye̱le̱ki̱ i̱nne̱ta̱.

Buk wa To̱ni̱a̱u̱ 4:20

Iróng wo̱ye̱ naga kaavtiya li̱i̱m zo̱ze̱ bali kicinnta kar kizikta naga ko̱.”

Buk wa To̱ni̱a̱u̱ 8:4

Imma ol balik azzante ke̱ uwak kaviyak cik abunna ngati ovvoye nege do̱o̱k.

Roma 15:16

Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.

1 Ko̱ri̱nto̱ 4:1

Abunna ming a̱gga̱yyu̱ niga do̱o̱k, ke̱e̱ggi̱nna̱ naga du̱cca̱k cik Ki̱ri̱sto̱, eci bali Ta̱mu̱ta̱dde̱n aanyyet agit zoz cinne bali a̱lu̱gnye̱.

I̱bu̱ru̱ 2:3

Ming kutuburret naga gool ci abunna kamudane ti̱ri̱ze̱ne̱t ko̱, kalit lo̱ki̱ko̱ ci Ta̱mu̱ta̱dde̱no̱ wo̱ye̱ ku̱? U̱du̱wa̱ Ye̱su̱ Manyi zoz necu arrak oowa, imma ol balik iziyyet ke̱ a̱gga̱c ming een zoz ci een de̱de̱, nogo cik a̱du̱wa̱kke̱ta̱.

1 Peturu 5:1

Niga ddi̱ki̱rze̱t ci ke̱le̱ci̱o̱, ki ming karume anna ki i̱ge̱t ko̱, kilalekkung ke̱e̱ni̱ bbacait ci Ki̱ri̱sto̱ wa bali a̱gi̱d ol lo̱o̱ta̱ ngatu ke̱ ka̱da̱k, kokko atin anna kozola imma nonno di̱ngdi̱ngo̱n ci okko atin i̱ye̱la̱i̱ ke̱.

2 Peturu 1:16

Baling ku̱du̱wa̱u̱ng zoz ci doiz ki we̱t ci okko Manyitinna Ye̱su̱ Ki̱ri̱sto̱ obodane ko̱, iróng ka̱du̱wa̱kku̱ng nga̱ri̱de̱t cik genyizak akana e̱e̱ti̱ imma. Abarik naga kicinnta eberene cigga̱k doiz cinne a̱ddi̱ki̱re̱ de̱de̱.