Lu̱ka̱ 1:13 - Tennet

¹³ Ma̱i̱je̱ anjilo a̱nne̱k nonno ne, “Ma o̱ngo̱o̱le̱ gi̱i̱ imma, Zakaria; izik Ta̱mu̱ta̱dde̱n lawinet cunne. A̱rri̱ta̱ki̱ atin Elizabethi ngaa cunne i̱nne̱t do̱le̱c ci maci, kar i̱nna̱ katek nonno zar cik een Jon.

Lu̱ka̱ 1:13 Iomraidhean Croise

Kananet 17:10

Een necu olom cinanni ki i̱nne̱t ki dooli cik atin a̱rri̱ta̱ i̱nna̱ do̱o̱k, olom ci azunne i̱nna̱ icu: Anyik dooli cik macik orgene cunno̱ng kettedit wucic vi̱ca̱vi̱cce̱t.

Kananet 17:19

Ize zin Ta̱mu̱ta̱dde̱n ne, “I̱i̱ny, abarik atin ngaa cunne Sarah a̱rri̱ta̱ do̱le̱c ci maci, kar atin i̱nna̱ katek zar cik een I̱sa̱ko̱. Kazunne atin anna olom cinanni ki nonno kize olom ci aave udut ki dooli cik dooli ciginnek ming i̱zzi̱ enne to.

Kananet 18:14

Anyak gi̱i̱ imma ci okkomi kommog Manyi? Kobodaki atin lola nye̱lo̱we̱ cu kar atin Sarah kanyak do̱le̱c ci maci.”

Kananet 25:21

Alawek I̱sa̱ko̱ Manyi zoz ci ngaa cinne, eci abile ba̱li̱ye̱ Rebekah. Izik zin Manyi lawinet cinne, anyaho zin ngaa cinne.

Ma̱te̱yo̱ 1:21

Imma atin vu̱rrta̱, ming i̱ti̱rya̱i̱, a̱ka̱tte̱k do̱le̱c zar cik azi ne Ye̱su̱, eci okko atin enne eela ol ciginnek mu̱nye̱ne̱.”

Ma̱te̱yo̱ 14:27

Ma̱i̱je̱ ataman niko, ozozik Ye̱su̱ nogo izek ne, “Anycik zi̱nze̱tti̱ kokkomit, annit Ye̱su̱ icu, ma o̱ngo̱o̱li̱nnu̱ lo̱o̱c gaganiko.”

Ma̱te̱yo̱ 28:5

Iizek anjilo ci Ta̱mu̱ta̱dde̱no̱ ngaai ne̱ke̱ ne, “Ma o̱ngo̱o̱li̱nnu̱! Ka̱gga̱ orongnyu niga Ye̱su̱ bali ododike ol nonno ta̱la̱ke̱c ke̱.

Marko 16:6

Izek zin lo̱gu̱t neci nogo ne, “Ma a̱ku̱le̱kku̱ je̱e̱n, orongnyu niga Ye̱su̱ wa Nazereti, wa bali ododek ol ta̱la̱ke̱c. Itinga enne daiza, iróng enne aave ngatu. Icinnet ilomi bali abahek ol ele cinne ke̱.

Lu̱ka̱ 1:14

Anyahaki atin enne i̱nne̱t talninet, ovvo atin ol cik meelek atalne i̱i̱te̱ne̱ ci ti̱ra̱ne̱t cinne,

Lu̱ka̱ 1:30

Ma̱i̱je̱ anjilo a̱nne̱k nonno ne, “Ma o̱ngo̱o̱le̱ gi̱i̱ imma Ma̱ri̱ya̱, irezi i̱nne̱t Ta̱mu̱ta̱dde̱n.

Lu̱ka̱ 2:21

Imma i̱i̱te̱ne̱ ci een tu̱rge̱, baling utube i̱i̱ ci ovvo nege ettede vi̱ca̱vi̱ca̱ cinne, a̱ka̱tte̱k zin nege nonno zar cik een Ye̱su̱, zar balik a̱du̱wa̱ anjilo baling ngen yaatinne kanyak nonno kenga.

Buk wa To̱ni̱a̱u̱ 10:31

kar kize ne, ‘Kornelio, izik Ta̱mu̱ta̱dde̱n lawinet cunne ki muci wak eelanne i̱nna̱ ol wak amati ko̱.