Kolosiya 1:12 - Tennet

¹² Kar aanycik Baba zany ci elemannu̱ng i̱ge̱t kar ozolit zoz ci u̱du̱wa̱k enne ol cik Ta̱mu̱ta̱dde̱no̱ ba̱a̱li̱ne̱t ci abahe ol vooritena.

Kolosiya 1:12 Iomraidhean Croise

Ma̱te̱yo̱ 25:34

“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 20:17

Izek Ye̱su̱ nonno ne, “Ma odoknonikan, ngen zin bu̱k anna ki̱mi̱re̱ kuk ngati Baba. Bit abarik ngati gotonogga kar zin izek ne, ka̱mi̱re̱ kokko ngati Baba wa bo̱do̱k een be̱e̱ti̱nno̱ng bu̱k, Ta̱mu̱ta̱dde̱n wa nanni kar bo̱do̱k kize Ta̱mu̱ta̱dde̱n cinne̱ng.”

Kaviyak wak Abunna Ta̱mu̱ta̱dde̱no̱ eher Joni 4:23

I̱ki̱ya̱ wazini ci ovvo ol cik a̱di̱ngdi̱nga̱n Baba de̱de̱ Vongiza. Orong Baba ol cik ogon ki i̱yo̱ko̱.

Buk wa To̱ni̱a̱u̱ 20:32

“I̱yo̱ko̱ zin karikku̱ng a̱zzi̱t ci Ta̱mu̱ta̱dde̱no̱ ki zoz ci deten cinne, eci eelanung atin kar aragizet niga bu̱k bunnat ki ol cik a̱li̱le̱ Ta̱mu̱ta̱dde̱no̱.

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Roma 11:17

Ming u̱du̱lte̱ alawo uggak cik keet ci i̱ngi̱ro̱u̱, ogon olli Ya̱u̱do̱ ki alawo wak ettedonik tu̱. Ovvo zin alawo wak alize ko̱, aragiz gonoggi u̱tu̱gu̱zzo̱ nege ki ol wak iróng een Ya̱u̱d, i̱yo̱ko̱ zin, u̱mu̱dda̱ ma̱yu̱we̱ne̱t keete necu nege bu̱k,

Roma 15:27

Ogon nege zoz necu do̱ zi̱nze̱tti̱nne̱ cik voorik. Agano nege ming ogon zoz necu. Ming ozol olli Ya̱u̱do̱ ki ol wak iróng een Ya̱u̱d ma̱yu̱we̱ne̱t ci Vongizo, ozol nege bu̱k ki olli Ya̱u̱do̱ kaal cik a̱ma̱yu̱we̱ Ta̱mu̱ta̱dde̱n nogo.

Roma 8:17

A̱du̱wa̱kke̱t Vongizi cinne zoz bak ka̱gga̱ naga ki Ye̱su̱ Ki̱ri̱sto̱, aanyyet atin Ta̱mu̱ta̱dde̱n zoz ci u̱du̱wa̱ enne, kozol atin naga di̱ngdi̱ngo̱n ci Ye̱su̱, ming kipirta naga ki nonno.

Roma 9:23

Ogon Ta̱mu̱ta̱dde̱n niko i̱ye̱la̱ di̱ngdi̱ngo̱n cinne, ngati amanik ol ne̱k atahala enne ke̱ kar kozolit ki nonno di̱ngdi̱ngo̱n cinne.

1 Ko̱ri̱nto̱ 8:6

ka̱gga̱ naga anyak Ta̱mu̱ta̱dde̱n wa een Be̱e̱ti̱nna̱ o̱de̱ ṯok niko. A̱vvu̱ kaala do̱o̱k ngatinne, kabak naga do̱o̱k zo̱ze̱ cinne; anyak Manyi Ye̱su̱ Ki̱ri̱sto̱ co̱de̱ ṯok niko, a̱vvu̱ kaala do̱o̱k ki ruget ci kabahe naga ko̱ do̱o̱k zo̱ze̱ cinne.

1 Ko̱ri̱nto̱ 9:23

Kogonni anna kaal ne̱ko̱ do̱o̱k kar kaviyaha cik abunna katakuza ol do̱o̱k. Kar anna bu̱k kozol ki nogo ma̱yu̱we̱ne̱t ci Ta̱mu̱ta̱dde̱no̱.

2 Ko̱ri̱nto̱ 11:14

Iróng zin annit a̱ma̱li̱le̱ oo zo̱ze̱ necu, eci Sitani bu̱k ogon ele ki ci een anjilo ci Ta̱mu̱ta̱dde̱no̱.

2 Ko̱ri̱nto̱ 5:5

Ta̱mu̱ta̱dde̱n ele ci uhu e̱le̱tti̱ cigga̱c kizeto jor. Nonno bo̱do̱k ci a̱du̱wa̱kke̱t arrak oowa azi ne akati atin zoz neci mo̱o̱le̱t. I̱ye̱le̱kke̱t ngati i̱tto̱na̱ne̱ Vongiz ci A̱li̱le̱ karrak li̱ngli̱ngo̱n cinne kar kedecak neci.

Evesos 1:11

Ogone kaala do̱o̱k go̱o̱le̱ wa i̱no̱n Ta̱mu̱ta̱dde̱n, zoz ci ahalane enne Ye̱su̱, kar enne katahalait agit bu̱k, aanyik enne kaal do̱o̱k ku̱tu̱gu̱zze̱ go̱o̱le̱ ci orong enne.

Evesos 1:18

Kalaye anna abunna zi̱nze̱tti̱ cuggo̱k ming o̱o̱ye̱ kar a̱gga̱c zoz ci arikku niga zi̱nze̱tti̱ bali atahalaung enne i̱ge̱t ko̱, eezet ki di̱ngdi̱ngo̱n ci okko Ta̱mu̱ta̱dde̱n aragiz ngati ol wak a̱tu̱ nonno,

Evesos 2:18

Eci zo̱ze̱ ci Ki̱ri̱sto̱, kanyak naga do̱o̱k olli Ya̱u̱do̱ ki ol cik iróng een Ya̱u̱d gool ci ka̱vvu̱nna̱k naga Be̱e̱ti̱nna̱ Vongize co̱de̱ Ta̱mu̱ta̱dde̱no̱.

Evesos 3:6

Zoz zin ci i̱ye̱le̱ka̱ annit Ta̱mu̱ta̱dde̱n zoz ko̱ necu, ol wak iróng e̱e̱ggi̱n Ya̱u̱d izeto nege bu̱k dooli ciginnek zo̱ze̱ wa utuhu enne kaviyak ne̱ko̱, ozolit zin nege bu̱k ki olli Israilo kaal cik Ta̱mu̱ta̱dde̱no̱, urumte zin nege do̱o̱k kizeto ele co̱de̱. Ozol zin nege do̱o̱k kaviyak cik abunna bali u̱du̱wa̱ Manyi ngati Ye̱su̱ Ki̱ri̱sto̱ ke̱.

Evesos 4:6

Anyak Ta̱mu̱ta̱dde̱n co̱de̱ wa een Be̱e̱ti̱ ollu do̱o̱k. Abal enne kaal do̱o̱k, abarik a̱li̱ngli̱ng enne baize ci ol do̱o̱k.

Evesos 5:11

E̱de̱yya̱ e̱le̱tti̱ kaale cik gerzek ogon ol wak abak mu̱hu̱ra̱, abarik i̱ye̱lta̱ kaal cik gerzek ko̱ vooriten ci Ta̱mu̱ta̱dde̱no̱.

Evesos 5:20

Aanycik Ta̱mu̱ta̱dde̱n Be̱e̱ti̱nna̱ zany kaale do̱o̱k odohize zare cik Manyitinna Ye̱su̱ Ki̱ri̱sto̱.

Evesos 5:4

Ma ngen a̱du̱wa̱nnu̱ zoz ci gerze ki zoz ci tarbali, zoz ci iróng agano ming kozozi, abarik ozozit zoz ci abunna ci anyikku Ta̱mu̱ta̱dde̱n zany.

Evesos 5:8

Abakku gon ba̱li̱ye̱ niga mu̱hu̱ra̱, imma i̱yo̱ko̱ izetu ol cik abakku vooritena, eci i̱yo̱ko̱ izetu olli Manyi. Abait ki ol wak abak vooritena.

Kolosiya 2:2

Korongi anna ki̱ti̱lo̱ nogo kokkomit zi̱nze̱tti̱ kar urumte nga̱to̱de̱ rezinta, kar zin anyait genyiz ci a̱gga̱yyu̱ zoz ju̱rru̱m, kar a̱gga̱c zoz ci Ta̱mu̱ta̱dde̱no̱ a̱lu̱gnye̱ ci een Ki̱ri̱sto̱ ele.

Kolosiya 3:15

Anyik gano ci Ki̱ri̱sto̱ kabal zi̱nze̱tti̱ cuggo̱k, eci Ta̱mu̱ta̱dde̱n a̱a̱nyu̱ng izet ol co̱de̱ kar anyait gano necu. Kar aanycik nonno zany.

Kolosiya 3:17

Kar ming ogonnu gi̱i̱ imma, ming ozozu u̱tu̱ge̱tti̱ne̱ icima ogonnu azzine, u̱tu̱gu̱z kaal ne̱ke̱ do̱o̱k zare cik Manyi Ye̱su̱. Kar bo̱do̱k go̱o̱le̱ cinne, aanycik Ta̱mu̱ta̱dde̱n Baba zany kaale do̱o̱k.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

I̱bu̱ru̱ 12:23

I̱tto̱zzu̱ niga nginti aavtte a̱bu̱nya̱ ke̱le̱ci̱e̱ ci Ta̱mu̱ta̱dde̱no̱, wak e̱he̱rye̱ zara cigge̱k buwe ci Ta̱mu̱ta̱dde̱no̱ ta̱mu̱-kenga. I̱vi̱ta̱u̱ niga Ta̱mu̱ta̱dde̱n ele ci okko etted lo̱ki̱ko̱ ci kaal do̱o̱k. I̱vi̱ta̱u̱ niga vongizzok cik ol cik abunna idiman Ta̱mu̱ta̱dde̱n kubunnta ta̱mu̱-kenga.

I̱bu̱ru̱ 3:1

Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.

I̱bu̱ru̱ 3:14

Kozol naga li̱ngli̱ngo̱n ci Ki̱ri̱sto̱ nga̱to̱de̱. Abunna ka̱tu̱ naga nonno de̱de̱ udut ki baling ka̱tu̱ arrak oowa ke̱.

Je̱mi̱s 3:9

Kinnat gon naga Manyitinna ki Be̱e̱ti̱nna̱ a̱ha̱ta̱, kar bo̱do̱k a̱ha̱ta̱ kotore ol cik diirik balik eenyca Ta̱mu̱ta̱dde̱n ku̱tu̱gu̱zzo̱ ki enne.

1 Peturu 5:1

Niga ddi̱ki̱rze̱t ci ke̱le̱ci̱o̱, ki ming karume anna ki i̱ge̱t ko̱, kilalekkung ke̱e̱ni̱ bbacait ci Ki̱ri̱sto̱ wa bali a̱gi̱d ol lo̱o̱ta̱ ngatu ke̱ ka̱da̱k, kokko atin anna kozola imma nonno di̱ngdi̱ngo̱n ci okko atin i̱ye̱la̱i̱ ke̱.

1 Jon 1:3

Ka̱du̱wa̱kku̱ng naga i̱ge̱t gi̱i̱ ci kicinnta kar bo̱do̱k kizikta, kar abunna ming karume tu̱we̱nta̱. Kar naga bu̱k kurumte ki Be̱e̱ti̱nna̱ ki Ngerinne Ye̱su̱ Ki̱ri̱sto̱.

O̱no̱zzo̱k 21:23

Iróng orogi orong i̱i̱ icima nye̱lo̱k kar kataran lo̱o̱c, ma̱rri̱t di̱ngdi̱ngo̱ni̱ ci Ta̱mu̱ta̱dde̱no̱ ataran lo̱o̱c, okko Nyoon een urez cinne.

O̱no̱zzo̱k 22:14

“A̱ma̱yu̱kte̱ ol wak uuny ru̱u̱ma̱ni̱ cigge̱k, agano atin nege ki keet ci rugeto kar ki̱tto̱zzo̱ arana koot o̱rge̱ ci a̱ddi̱ki̱re̱ ecito.

O̱no̱zzo̱k 22:5

I̱zzi̱ atin rok ba̱a̱li̱n to, iróng atin nege bo̱do̱k orong urez ci atukule icima koor, eci Manyi Ta̱mu̱ta̱dde̱n ci een tukulec. Abal atin nege lo̱o̱c udut.