Kananet 9:1 - Tennet

¹ U̱mu̱yu̱k zin Ta̱mu̱ta̱dde̱n Nowa ki logoz ciginnek a̱nne̱k ne, “I̱ti̱rre̱t kar otorta e̱le̱tti̱ kar ibbizitanit lo̱o̱c.

Kananet 9:1 Iomraidhean Croise

Kananet 1:22

U̱mu̱yu̱k zin Ta̱mu̱ta̱dde̱n elegje do̱o̱k izek ne, “I̱ti̱rre̱t izet meele, anyik u̱lu̱g kibbitet li̱i̱llo̱k cik a̱ddi̱ki̱re̱. Kar iballi bu̱k ki̱ti̱rre̱t kibbitet lo̱o̱c.”

Kananet 1:28

U̱mu̱yu̱k Ta̱mu̱ta̱dde̱n nogo kar kizek ne, “I̱ti̱rre̱t ibbizitanit lo̱o̱c do̱o̱k, abalit kaal cik abak nyatapare ci a̱ddi̱ki̱re̱ ki iballi ki elegje cik abak lo̱o̱ta̱ do̱o̱k.”

Kananet 10:32

E̱e̱ggi̱n ne̱ko̱ do̱o̱k booryyok cik a̱vvu̱ doolinne cik Nowa, ki tatuget cigge̱k, lo̱o̱co̱we̱ cigge̱k. Kar booryowa do̱o̱k kazantozik lo̱o̱cco̱k baling ibil tawani lo̱o̱ta̱.

Kananet 2:3

U̱mu̱yu̱k zin Ta̱mu̱ta̱dde̱n i̱i̱te̱n ci een turgerem ke̱ ki̱li̱li̱, kar zin katahala ka̱vvu̱ do̱ kize ci u̱yu̱be̱ enne li̱ngli̱ngo̱nte̱ cinne.

Kananet 24:60

Kar ku̱mu̱yu̱we̱t Rebekah kar kizettek ne, “Ngoonet, anyik ce̱e̱z cunne kotore kizeto i̱bbo̱nge̱t ki i̱bbo̱nge̱t; anyik bai dooli cigunnek kaamta tatuget cik mo̱ddo̱ cigge̱k.”

Kananet 35:11

Kar zin Ta̱mu̱ta̱dde̱n kizek nonno ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k; ti̱ro̱ kar otorte izet meele. Iyowa zu̱we̱ cik o̱ro̱gjo̱k cik meelek ngatunne, ovvo atin alaata iyowa eliye cunne.

Kananet 8:17

Nyaha re̱e̱nu̱n kaal cik aruge do̱o̱k cik aavtte ki i̱ge̱ta̱, iballi, elegje, ki ngazengaze bu̱k kar ki̱ti̱rre̱t kibbizitanit lo̱o̱c.”

Kananet 9:19

E̱e̱ggi̱n ba̱li̱ye̱ logoz ne̱k Nowa ke̱ i̱i̱yo̱, kar ngatinne̱ng ki̱ti̱rtta̱i̱ ol ne̱k azanonnik lo̱o̱c ko̱ do̱o̱k.

Kananet 9:2

O̱ngo̱o̱li̱nnu̱ng atin elegje ki iballi ki u̱lu̱g nyatapare ci a̱ddi̱ki̱re̱ veelek. Aballu atin nogo do̱o̱k.

Kananet 9:7

Ma̱i̱je̱ zin i̱yo̱ko̱ niga, i̱ti̱rre̱t ibbizitanit lo̱o̱c do̱o̱k.”