Kananet 8:21 - Tennet

²¹ Ocowa Manyi gi̱i̱ ci ongooli laala kar zin kizek zinin ne, “Iróng bo̱do̱k ngen kotori lo̱o̱c zo̱ze̱ ci obod ki e̱e̱t ci diiri udut, ming nu̱nu̱n i̱no̱n enne zinina kaal cik gerzek nginti meer bali kenycane nonno ngati enne ngen idica ke̱. Iróng bo̱do̱k kadita kaal cik aruge do̱o̱k ki baling ku̱tu̱gu̱ ke̱.”

Kananet 8:21 Iomraidhean Croise

Kananet 3:17

Iizek zin Ta̱mu̱ta̱dde̱n Adam ne, “Eci i̱nna̱ elemu zoz ci ngaa cunne, adau zin o̱ya̱u̱ cik keet bali ka̱nne̱ki̱ ne, ‘Ma adai ke̱,’ “Kotori zin todowa zo̱ze̱ cunne; amuda atigon i̱nna̱ da̱i̱ne̱t cigunnek piryanzeta ngati eeve lo̱o̱c baize cunne do̱o̱k.

Kananet 4:12

Ming a̱li̱ngli̱ngi̱ i̱nna̱ lo̱o̱ta̱ ngatu, iróng atin looci a̱bbi̱rna̱ o̱ya̱u̱ ciginnek kize cigunnek. E̱e̱ni̱ atin i̱nna̱ e̱e̱t ci ajali lo̱o̱ta̱ ngatu.”

Kananet 5:29

kar zin kakatek zar cik een Nowa, kar kize ne “Anyahakket atin do̱le̱c cu ti̱ri̱ze̱ne̱t ki u̱yu̱bi̱ ngati ka̱li̱ngli̱nge̱ todowai balik otor Manyi Ta̱mu̱ta̱dde̱n ke̱.”

Kananet 6:13

Iizek zin Ta̱mu̱ta̱dde̱n Nowa ne, “Kokko anna kadita ol lo̱o̱ta̱ veelek, ma̱rri̱t looci abbize kaala cik gerzek zo̱ze̱ cinne̱ng. Kodola anna kokko la̱du̱n kadita ol ki kaal ne̱k lo̱o̱ta̱ ko̱ bu̱k.

Kananet 6:17

Kokko atin anna kowak tawan lo̱o̱c kidita kaal ne̱k aruge todowai ko̱ do̱o̱k. Aditai atin kaala ne̱k aruge todowai ko̱ ne veelek.

Kananet 6:5

Baling icin Manyi ol lo̱o̱ta̱ izeto gerze, i̱no̱ni̱t nege odohize zi̱nze̱tti̱nne̱ do̱o̱k kaal cik gerzek.

Kananet 6:7

Kar zin Manyi kize ne, “Kadita atin anna e̱e̱t ci diiri, bali keenyca anna ke̱ ne lai, ki elegje ki iballi bu̱k, ka̱bu̱ri̱ nong ngati keenycane nogo.”

Ma̱te̱yo̱ 15:19

Eci i̱no̱ni̱ ci gerze a̱kku̱ zinina, ki i̱yo̱ko̱, munyenet e̱e̱t ci diiri, orooto e̱e̱ti̱ ki ngaai cik ollu, ki a̱li̱ya̱kze̱t, ogor, volong, ki zoz ci ozoze zar cik e̱e̱ta̱k volonga.

Kaviyak wak Abunna Ta̱mu̱ta̱dde̱no̱ eher Joni 3:6

A̱rri̱ta̱i̱ e̱e̱ti̱ e̱e̱te̱ ci diiri, imma e̱e̱ti̱ ci anyak vongiz a̱rri̱ta̱i̱ Vongiza.

Roma 1:21

A̱gga̱ ol ne̱ke̱ ming aave Ta̱mu̱ta̱dde̱n to, iróng zin nege a̱di̱ngdi̱nga̱n nonno, icima anyike zany. Abarik anyait i̱no̱ni̱ ci gerze, iditet zi̱nze̱tti̱ cigge̱k ne pit.

Roma 3:23

Eci ol do̱o̱k anyak ba̱ci̱nno̱k cik mu̱nye̱nu̱, iróng zin naga ngen kazuca di̱ngdi̱ngo̱n ci Ta̱mu̱ta̱dde̱no̱.

2 Ko̱ri̱nto̱ 2:15

Eci kogon naga ki amanteci ci ongooli laala, anyahakket Ki̱ri̱sto̱ Ta̱mu̱ta̱dde̱n, okko ngolizi neci rok ol wak ovvo elemi zoz ci Ta̱mu̱ta̱dde̱no̱ ki ol wak ovvo daiza.

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

Vilipia 4:18

I̱yo̱ko̱ zin, kuruba kaal cik korongi anna do̱o̱k, otorte abarik, aanya e̱e̱ti̱ ci een Epaphroditus muci balik i̱tto̱na̱kka̱ng niga ke̱. Ongooli muci ne̱ke̱ mediz ci aanyik Ta̱mu̱ta̱dde̱n katalo.

1 Jon 5:19

Ka̱gga̱ naga niko ming ke̱e̱ggi̱n naga dooli cik Ta̱mu̱ta̱dde̱no̱, imma lo̱rye̱nti̱ abal ol wak lo̱o̱tu̱ iróng a̱gga̱ Ta̱mu̱ta̱dde̱n ko̱ do̱o̱k.