Kananet 8:20 - Tennet

²⁰ Idimanek zin Nowa Manyi i̱te̱le̱ kar kalawe nonno. Idima elegje wak abunna adak ol ki iballi bu̱k, kar zin kapahek Ta̱mu̱ta̱dde̱n.

Kananet 8:20 Iomraidhean Croise

Kananet 13:18

Uduca zin Aburami ti̱ti̱ cinne kar kuk ku̱lu̱k kabak keene cik a̱ddi̱ki̱re̱ lo̱o̱ce̱ ci e̱e̱t ci een zara Mamre ojongzo ki orog ci een Hebron, kar zin enne kidimanek i̱te̱le̱ Manyi.

Kananet 13:4

nginti bali eenycek enne Manyi i̱te̱le̱ arrak oowa ke̱. Kar nginati ala Aburami zar cik Manyi.

Kananet 22:2

Izek zin Ta̱mu̱ta̱dde̱n nonno ne, “Dima ngerunne I̱sa̱ko̱ wa o̱de̱ ṯok irezi i̱nna̱ oroot ko̱, kar bit lo̱o̱ce̱ ci een Moriah. Bit pak nonno kize wawac ci i̱va̱dde̱ biyene ne̱ke̱ co̱de̱, kokko atin ka̱du̱wa̱ki̱ zoz neci.”

Kananet 22:9

Baling u̱zu̱cca̱ nege ngin bali a̱du̱wa̱k Ta̱mu̱ta̱dde̱n nonno zoz cinne ke̱, eteheeny zin Aburahami i̱te̱le̱ nginati kar zin ketevetek rimma cik gwo̱o̱ya̱k. A̱gga̱m zin ngerinne I̱sa̱ko̱ kar keceb, kar zin kabahek rimma ne̱ke̱.

Kananet 26:25

Idiman zin I̱sa̱ko̱ i̱te̱le̱ nginati kar kala Manyi. Kar keteehenyek ti̱te̱t cigge̱k ngin neci, kar du̱cca̱ha̱ ciginnek ka̱da̱c iit nginati.

Kananet 33:20

Imma nginati idiman zin enne i̱te̱le̱ nginati kar kakatek zar cik een El Elohe Israilo.

Kananet 35:1

Izek zin Ta̱mu̱ta̱dde̱n Ya̱ko̱bo̱ ne, “Bit o̱rge̱ ci een Bethel kar bak nginati, kar dimanek Ta̱mu̱ta̱dde̱n i̱te̱le̱ nginati, Ta̱mu̱ta̱dde̱n bali i̱ye̱le̱ki̱ ele baling a̱vi̱ri̱ i̱nna̱ ngati gotononnu I̱sa̱u̱.”

Kananet 35:7

Idiman zin enne nginati i̱te̱le̱, kar kakatek ngin neci kize El Bethel, eci i̱ye̱le̱k Ta̱mu̱ta̱dde̱n ele cinne nonno nginati baling a̱vi̱r enne ngati gotononi.

Kananet 4:4

Ma̱i̱je̱ Abeli bo̱do̱k otodongek Ta̱mu̱ta̱dde̱n a̱zze̱t. Atahala enne nyoon ci een a̱bu̱ kar zin kumuc Ta̱mu̱ta̱dde̱n i̱di̱nge̱ ci adiye. Atali zin Manyi baiz ci Abeli ki mucenet cinne.

Kananet 7:2

Dima elegje turgerem cik a̱zi̱ze̱ agano ming apahek Manyi, cik macik ki cik nga̱a̱ye̱k, ki elegje cik ngoronyik ko̱ rama rama cik nga̱a̱ye̱k ki cik macik.

Kananet 7:3

Kar zin bo̱do̱k dima iballi rama lak turgerem, cik macik ki cik nga̱a̱ye̱k. Tu̱gu̱ niko kar atin iballi bu̱k kabaito todowai.

Kananet 8:19

Iyokta zin bo̱do̱k elegje do̱o̱k ki kaal cik a̱vu̱vu̱t lo̱o̱ta̱ ki iballi do̱o̱k guulnya do̱ do̱.

Lu̱ge̱z 10:25

Ma̱i̱je̱ Musesi abarizek nonno a̱nne̱k ne, “Inyet la̱du̱n kanyakta a̱zza̱ ki eeza ki tiin kar kapakteya wawa Manyi Ta̱mu̱ta̱dde̱n cinna̱ng.

Roma 12:1

Gotonogga ki ngonogga tu̱we̱nta̱, eci Ta̱mu̱ta̱dde̱n i̱ti̱ri̱zze̱t bunnate cinne, kilalekkung zin aanycik e̱le̱tti̱ ciggo̱k do̱o̱k nonno, aanycik kizeto caale kar kubunnta ki wawa cik kapahek Ta̱mu̱ta̱dde̱n kar enne katalo ngatinno̱ng. Een necu gool ci a̱di̱ngdi̱nga̱nnu̱ niga Ta̱mu̱ta̱dde̱n.

I̱bu̱ru̱ 13:10

Kanyak naga do̱o̱k i̱te̱le̱ ci aave Ce̱e̱ze̱ wa Ta̱mu̱ta̱dde̱no̱ ta̱mu̱-kenga, ngati azzaconik bi̱ye̱ta̱ cik Ye̱su̱ do̱ niko, iróng zin ol cik wawaco Ce̱e̱ze̱ wa Ta̱mu̱ta̱dde̱no̱ lo̱o̱ta̱ a̱vvu̱na̱k i̱te̱le̱ neci.

1 Peturu 2:5

I̱yo̱ko̱ zin, niga bu̱k izetu biyen wak abak udut wak eenyconik kize ce̱e̱z ci abahe Vongizi ci Ta̱mu̱ta̱dde̱no̱. Izetu niga olli wawaco wak a̱li̱le̱ bu̱k. Ma go̱o̱le̱ ci a̱ti̱ri̱zu̱ng Ye̱su̱ Ki̱ri̱sto̱ ko̱, ovvo atin niga anyikku Ta̱mu̱ta̱dde̱n muci ci atin aanyik nonno katalo.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.