Kananet 6:17 - Tennet

¹⁷ Kokko atin anna kowak tawan lo̱o̱c kidita kaal ne̱k aruge todowai ko̱ do̱o̱k. Aditai atin kaala ne̱k aruge todowai ko̱ ne veelek.

Kananet 6:17 Iomraidhean Croise

Kananet 2:7

Idima zin Manyi Ta̱mu̱ta̱dde̱n todowa u̱gge̱ lo̱o̱ta̱ kar zin keteheenya e̱e̱t ci diiri. Utubuwek zin Ta̱mu̱ta̱dde̱n vongiz ci rugeto, kar kaanyik nonno ruget.

Kananet 6:13

Iizek zin Ta̱mu̱ta̱dde̱n Nowa ne, “Kokko anna kadita ol lo̱o̱ta̱ veelek, ma̱rri̱t looci abbize kaala cik gerzek zo̱ze̱ cinne̱ng. Kodola anna kokko la̱du̱n kadita ol ki kaal ne̱k lo̱o̱ta̱ ko̱ bu̱k.

Kananet 6:16

Ruvan i̱bo̱ ju̱rru̱m kar tungek bobor ci anyak cazzok rama ta̱dde̱na̱ ki di̱la̱t. Anyik i̱bo̱ kanyak leleti i̱i̱yo̱ ta̱dde̱na̱ kar arik tatug o̱to̱n co̱de̱.

Kananet 6:7

Kar zin Manyi kize ne, “Kadita atin anna e̱e̱t ci diiri, bali keenyca anna ke̱ ne lai, ki elegje ki iballi bu̱k, ka̱bu̱ri̱ nong ngati keenycane nogo.”

Kananet 7:15

I̱vi̱tta̱k zin elegje ne̱k aruge lo̱o̱ta̱ do̱o̱k Nowa kar ki̱tto̱zzo̱ i̱bo̱ rama rama ci nga̱a̱ye̱ ki ci maci.

Kananet 7:17

Itil zin ta̱mu̱ i̱i̱nya̱ moten we̱c, ma̱i̱je̱ tawani otorye zee katakuza lo̱o̱c do̱o̱k, kodongek i̱bo̱ ta̱dde̱n.

Kananet 7:4

Izeto zar i̱i̱nya̱ cik anyigzai turgerem niko kar atin anna kanyik ta̱mu̱ kiṯil wazinnok ki ba̱a̱li̱nno̱k moten we̱c kar kiditai kaala ne̱k balik keenycak anna lo̱o̱c ko̱.”

Kananet 9:9

“Kadimani i̱yo̱ko̱ anna olom cinanni ki i̱ge̱t ki dooli cik dooli cuggo̱k,

Lu̱ge̱z 14:17

Kanyike atin anna o̱o̱tti̱ cik olli Masiro kokkomit kak kar kunuwet olli Israilo vu̱rrta̱. Kar atin zara cigannik ku̱bu̱lte̱ zo̱ze̱ ci alaan ci Masiro ki aciir ciginnek, ngati i̱zo̱we̱ liil ki vartange ki toromilet cigge̱k do̱o̱k.

Ma̱te̱yo̱ 24:39

Iróng ol ba̱li̱ye̱ a̱gga̱ gi̱i̱ ci atin a̱kku̱, bak a̱kku̱ tawani ki̱ki̱ya̱ ki̱ti̱k nogo do̱o̱k. Ogon atin zin bo̱do̱k niko ming okko Ngerrti E̱e̱to̱ a̱kku̱nna̱k lo̱o̱c.

Lu̱ka̱ 17:27

Imma i̱i̱nya̱we̱ ne̱ke̱ ba̱li̱ye̱ adakce ol, aude, a̱ti̱k ngaai zee rok i̱i̱te̱n ci i̱zo̱we̱ Nowa i̱bo̱. Kar zin tawani ki̱ki̱ya̱ kidita nogo do̱o̱k.

Roma 5:21

Ki i̱yo̱ko̱, ming anyahak zin mu̱nye̱na̱ ol daiz lo̱o̱ta̱ ngatu; imma zin deteni abal ol bunnate ci Ta̱mu̱ta̱dde̱no̱ kar kaanyyet baiz wa aave udut ngati Ye̱su̱ Ki̱ri̱sto̱ Manyitinna.

Roma 6:23

Aanyyet mu̱nye̱na̱ daiz, okko zoz ci Ta̱mu̱ta̱dde̱no̱ aanyyet baiz ci aave udut ngati Manyitinna Ye̱su̱ Ki̱ri̱sto̱.

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

1 Peturu 3:20

E̱e̱ggi̱n zin bali ol ne̱ke̱, ol cik abure Ta̱mu̱ta̱dde̱n bali reena e̱rki̱nya̱i̱ balik aave Nowa lo̱o̱ta̱ ngatu ke̱, ere bali Ta̱mu̱ta̱dde̱n nogo baling ngen Nowa adiman i̱bo̱ ke̱. Abarik zin bali i̱i̱te̱n neci anyigzai ol cik e̱e̱ggi̱n tu̱rge̱, imma ol do̱o̱k utuddudde maame.

2 Peturu 2:5

Imma e̱rki̱te̱ bali ngen Nowa aruge ke̱, iróng Ta̱mu̱ta̱dde̱n alalnek olli lo̱o̱tu̱ mu̱nye̱nu̱. I̱li̱b zin enne nogo tawana, eela zin enne ol turgerem ki Nowa wa bali uwahek ol zoz ci abunna.