Kananet 5:3 - Tennet

³ Baling abak Adami zee kize e̱rki̱nya̱ o̱bo̱n co̱de̱ ki moten i̱i̱yo̱ (130), i̱ti̱rra̱ zin do̱le̱c ci a̱du̱wo̱ ki nonno kar zin kakatek zar kize Seth.

Kananet 5:3 Iomraidhean Croise

Kananet 4:25

A̱ta̱gu̱zzo̱ zin bo̱do̱k Adami ki ngaa cinne, anyaho Eva kar zin ki̱ti̱rra̱ ngerinne ci akannek zar kize Seth. Azi ungec ci zar ne̱ko̱ ne, “Aanyyet Ta̱mu̱ta̱dde̱n kar karagiz Abel bali u̱ru̱k Kaini ke̱.”

Kananet 5:2

Eteehenya enne nogo, ci maci ki ci nga̱a̱ye̱ kar zin ka̱mu̱yu̱k nogo. Imma bali ngati idimana enne nogo, akatek zar cik azi ne, “E̱e̱t.”

Kananet 5:4

Ma baling i̱ti̱rra̱i̱ Sethi, abak zin Adami zee kizeto e̱rki̱to̱wa̱ obet tu̱rge̱ (800) ngati i̱ti̱rra̱i̱ logoz ki buuwecci u̱gge̱.

Lu̱ka̱ 1:35

O̱bo̱de̱k zin anjilo ci Ta̱mu̱ta̱dde̱no̱ nonno a̱nne̱k ne, “Abuweki atin Ta̱mu̱ta̱dde̱n Vongiz ci A̱li̱le̱ komize cinne, kar komizi ci Manyi wa Ommog Veelek kubungin kar atin i̱nna̱ nyaho niko. Ming i̱ddi̱ki̱r wa A̱li̱le̱ O̱de̱ Ṯok, a̱gga̱ atin ol nonno ming een Ngerrti Ta̱mu̱ta̱dde̱no̱.

Lu̱ka̱ 3:36

okko Shelah een ngerrti Kainani, een Kainani ngerrti Arvacad, okko Arvacadi een ngerrti Shem, een Shemi ngerrti Nowa, okko Nowa een ngerrti Lamech,

Kaviyak wak Abunna Ta̱mu̱ta̱dde̱no̱ eher Joni 3:6

A̱rri̱ta̱i̱ e̱e̱ti̱ e̱e̱te̱ ci diiri, imma e̱e̱ti̱ ci anyak vongiz a̱rri̱ta̱i̱ Vongiza.

Roma 5:12

Akane e̱e̱ti̱ co̱de̱ ṯok mu̱nye̱n kar mu̱nye̱na̱ ne̱ke̱ kanyaktak olli lo̱o̱tu̱ daiz. Bak kacin u̱tu̱gu̱zzo̱ ol do̱o̱k mu̱nye̱n, a̱da̱i̱ atin ol do̱o̱k zo̱ze̱ ci mu̱nye̱nu̱.

1 Ko̱ri̱nto̱ 15:39

Iróng e̱le̱tti̱ cik e̱le̱gje̱nnu̱ ki iballi ki u̱lu̱g do̱o̱k atubo.

1 Ko̱ri̱nto̱ 15:49

Ki i̱yo̱ko̱ zin ming ka̱du̱wo̱ naga ki e̱e̱t bali eenyca Ta̱mu̱ta̱dde̱n todowai ke̱, kovvo atin naga bo̱do̱k ka̱du̱wo̱ ki e̱e̱t bali a̱kku̱ ta̱mu̱-kenga ke̱.

Evesos 2:3

Kabak ba̱li̱ye̱ naga bu̱k ki i̱yo̱ko̱, kabal e̱le̱tti̱ kaale cik kireze e̱le̱tti̱. Kaanycik zin naga Ta̱mu̱ta̱dde̱n komoze zo̱ze̱ ci kogon naga ko̱, okko atin enne ettedekket lo̱ki̱ko̱ ki ol do̱o̱k.