Kananet 5:22 - Tennet

²² Baling i̱ti̱rra̱ enne Methuselah, abak zin Enoki ngati owowo ki Ta̱mu̱ta̱dde̱no̱ e̱rki̱nya̱ obet i̱i̱yo̱ (300), kar zin ki̱ti̱rra̱ bo̱do̱k logoz ki buuwecci u̱gge̱.

Kananet 5:22 Iomraidhean Croise

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 24:40

“Abariz zin enne, ‘I̱tto̱na̱ atin Manyi ci kowo anna zo̱ze̱ cinne ko̱ anjilo cinne ki i̱nne̱ta̱ kar kidiman eroni cunne kubunna, kar atin i̱nna̱ nyahak ngeranni ngaa boore cinanni ele, tatuge ci baba.

Kananet 48:15

U̱mu̱yu̱k zin enne Yosevo kar kize ne, “Anyik bai Ta̱mu̱ta̱dde̱n ci be̱e̱ti̱ga̱ni̱k Aburaham ki I̱sa̱ko̱ bali owo ki nonno ke̱, Ta̱mu̱ta̱dde̱n wa een bali tuwayoit cinanni i̱i̱nya̱ do̱o̱k baize cinanni rok i̱i̱te̱n cu,

Kananet 5:21

Baling izeto e̱rki̱nya̱ cik Enoki moten torkonom ki tu̱r (65) i̱ti̱rra̱ ngerinne ci een zara Methuselah.

Kananet 5:23

Abak Enoki zee kizeto e̱rki̱nya̱ obet i̱i̱yo̱ ki moten torkonom ki tu̱r, (365).

Kananet 5:24

Ma baling ngen Enoki owowo ki Ta̱mu̱ta̱dde̱n niko, u̱ku̱we̱ zin enne ne dakdak rugetet, eci Ta̱mu̱ta̱dde̱n uwe nonno.

Kananet 6:9

Een zin cu zoz ci a̱du̱wa̱ baiz ci obod ki Nowa. Een da̱ enne e̱e̱t ci abunna olle balik abak ki nonno e̱rki̱to̱we̱ ne̱ke̱. Owowo enne ba̱li̱ye̱ ki Ta̱mu̱ta̱dde̱n.

Lu̱ge̱z 16:4

Izek zin Manyi Muses ne, “Kanyike atin anna da̱i̱ne̱t ki̱ta̱zzo̱ ta̱mu̱-kenga kiwagon ta̱mu̱. Anyik ol koot keberta cik eleno ki nogo i̱i̱te̱n co̱de̱. Imma zin go̱o̱le̱ necu katimani atin anna nogo ming annu nege lo̱ti̱nno̱k cigannik.

Lu̱ka̱ 1:6

Abunna bali nege a̱gga̱m zoz ci Ta̱mu̱ta̱dde̱no̱ oroot. Acin bo̱do̱k ol nogo ming azunne lo̱ti̱nno̱k wak Manyi ki keerani cigge̱k.

Buk wa To̱ni̱a̱u̱ 9:31

A̱vvu̱to̱ ol wak a̱tu̱we̱ labak lo̱o̱ce̱ ci Ju̱de̱ya̱, Ga̱li̱li̱, ki Samariya. Okkom ke̱le̱ci̱a̱ ne kak, aanyik Vongizi ci A̱li̱le̱ nogo komiz, otorte zin nege izeto meele kar zin nege kabaito ngati o̱ngo̱o̱li̱nne̱ Manyi.

Roma 8:1

I̱yo̱ko̱ zin, ming arume e̱e̱ti̱ ki Ye̱su̱ Ki̱ri̱sto̱, iróng atin Ta̱mu̱ta̱dde̱n ngen edez e̱e̱t neci, i̱i̱te̱ne̱ ci okko enne ettede lo̱ki̱ko̱.

1 Ko̱ri̱nto̱ 7:17

Abunna e̱e̱ti̱ ci diiri ming elema baiz ci aanyik Manyi nonno kabahe, go̱o̱le̱ ci orong Ta̱mu̱ta̱dde̱n nonno ki̱li̱ngli̱ng. Een necu ti̱lo̱wi̱ne̱t ci karike anna ke̱le̱ci̱a̱nya̱ veelek.

2 Ko̱ri̱nto̱ 6:16

Iróng to̱do̱yo̱wa̱ ne̱k ala ol ko̱ e̱e̱ggi̱n cik Ce̱e̱z wa Ta̱mu̱ta̱dde̱no̱. Ke̱e̱ggi̱n naga e̱le̱tti̱ne̱ Ce̱e̱z wa Ta̱mu̱ta̱dde̱no̱, ki ming a̱du̱wa̱ Ta̱mu̱ta̱dde̱n eliya, “Kabaka atin anna ki ol ne̱ko̱ kar koto orgene cinne̱ng. Ke̱e̱ni̱ atin Ta̱mu̱ta̱dde̱n cinne̱ng, ovvo nege een ol cigannik.”

Evesos 5:15

Egenyyit zin oroot! Ma abakku ki i̱yo̱ko̱ ol wak tarbalik ko̱, abarik abait baiz ci ol wak egenyi.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

Kolosiya 4:5

Abait genyiza ki ol wak iróng a̱tu̱we̱; ming ovvo niga amudannu gool ci uwahekku nogo kaviyak, u̱du̱kta̱k ju̱rru̱m.

1 Te̱se̱lo̱ni̱ka̱ 2:12

Ki̱lo̱tu̱ng, kadihizung kar kilalekkung abunna ming abakku baiz ci irez Ta̱mu̱ta̱dde̱n, kar atin ka̱a̱nyu̱ng izet ol cik ovvo abakku bu̱k ba̱a̱li̱nte̱ ci okko atin enne abale lo̱o̱c.

1 Te̱se̱lo̱ni̱ka̱ 4:1

Ma zin i̱yo̱ko̱ vu̱rrte̱ ci waraga cu, gotonogga ki ngonogga tu̱we̱nta̱, kedemezteung ri̱t gool ci abakku ju̱rru̱m katal Ta̱mu̱ta̱dde̱n. Ma̱i̱je̱ zin i̱yo̱ko̱ kilalekkung ki̱lo̱tu̱ng zare cik Manyi Ye̱su̱ kar abait ki ol labak kommog baiz necu.

1 Jon 1:7

Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.