Kananet 5:2 - Tennet

² Eteehenya enne nogo, ci maci ki ci nga̱a̱ye̱ kar zin ka̱mu̱yu̱k nogo. Imma bali ngati idimana enne nogo, akatek zar cik azi ne, “E̱e̱t.”

Kananet 5:2 Iomraidhean Croise

Kananet 1:27

Idimana zin Ta̱mu̱ta̱dde̱n e̱e̱t ci diiri kudukto ki nonno, imma zin ri̱ri̱to̱ne̱ ci Ta̱mu̱ta̱dde̱no̱, idimana enne nonno, idimana zin enne nogo, e̱e̱t ci maci ki ci nga̱a̱ye̱.

Kananet 1:28

U̱mu̱yu̱k Ta̱mu̱ta̱dde̱n nogo kar kizek ne, “I̱ti̱rre̱t ibbizitanit lo̱o̱c do̱o̱k, abalit kaal cik abak nyatapare ci a̱ddi̱ki̱re̱ ki iballi ki elegje cik abak lo̱o̱ta̱ do̱o̱k.”

Kananet 2:15

Aarik zin Manyi Ta̱mu̱ta̱dde̱n e̱e̱t ci diiri ko̱ ma̱na̱ ci een Eden kar keev kar bo̱do̱k kebek.

Kananet 2:23

U̱ku̱le̱k zin enne je̱e̱n ize ne, “E̱e̱t imma ci katubona ki annita icu! Engeryai meer enne eliye cinanni, kakanek zin anna nonno kize ngaa, eci bali enne adimanai ngati e̱e̱t ci maci.”

Kananet 5:3

Baling abak Adami zee kize e̱rki̱nya̱ o̱bo̱n co̱de̱ ki moten i̱i̱yo̱ (130), i̱ti̱rra̱ zin do̱le̱c ci a̱du̱wo̱ ki nonno kar zin kakatek zar kize Seth.

Ma̱te̱yo̱ 19:4

O̱bo̱de̱k zin Ye̱su̱, “Ngen dim da̱ ikebit Waraga ci Ta̱mu̱ta̱dde̱no̱? Arrak oowa ‘eenyca Ta̱mu̱ta̱dde̱n nogo kizeto e̱e̱t ci maci ki ci nga̱a̱ye̱.’

Marko 10:6

Imma kanante ci lo̱o̱tu̱ eenyce Ta̱mu̱ta̱dde̱n lo̱o̱c, ‘eenyca nogo kizeto e̱e̱t ci maci ki ci nga̱a̱ye̱.’

Buk wa To̱ni̱a̱u̱ 17:26

Eteehenya Ta̱mu̱ta̱dde̱n ol do̱o̱k ngati e̱e̱t co̱de̱, kar i̱ki̱ya̱ e̱e̱ti̱ neci ki̱ti̱ra̱ ol cik lo̱o̱tu̱ ko̱ do̱o̱k. Baling ngen Ta̱mu̱ta̱dde̱n eteehenya e̱e̱t, a̱gga̱ ngintik atin abahe ol ki e̱rki̱nya̱ cik ovvo atin nege abahe.