Kananet 49:25 - Tennet

²⁵ eci zo̱ze̱ ci Ta̱mu̱ta̱dde̱n ci baatunne, ci eelanni i̱nne̱ta̱, eci zo̱ze̱ ci Manyi wa anyak Komiz do̱o̱k, nonno ci a̱mu̱yu̱ki̱ ma̱yu̱we̱nte̱ ci a̱kku̱ ta̱mu̱-kenga, ki ma̱yu̱we̱ne̱t ci aave lo̱o̱ta̱ ecito, ki ma̱yu̱we̱ne̱t ci eezit ki momu.

Kananet 49:25 Iomraidhean Croise

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 27:28

Anyik bai Ta̱mu̱ta̱dde̱n kaanyi zizi ci ta̱mu̱-kengo ki i̱to̱kze̱t ci lo̱o̱tu̱ ki labi cik meelek ki merte ci een jor.

Kananet 28:13

Imma go̱o̱le̱ neci ta̱dde̱na̱, abile Manyi nginati, kar enne kize ne, “Ke̱e̱ni̱ anna Manyi, Ta̱mu̱ta̱dde̱n ci baatunne Aburaham ki baatunne I̱sa̱ko̱. Kaanyi atin i̱nne̱t ki dooli cigunnek lo̱o̱c ci oonge i̱nna̱ ko̱.

Kananet 28:21

kar atin anna ki̱mi̱re̱ labak kuk ce̱e̱ze̱ ci baba, kar zin Manyi kize Ta̱mu̱ta̱dde̱n cinanni

Kananet 28:3

Anyik Ta̱mu̱ta̱dde̱n wa anyak Komiz do̱o̱k ka̱mu̱yu̱ki̱n kar kaanyi ti̱ra̱ dooli cik meelek kizeto zu̱we̱n cik meelek.

Kananet 32:9

Ala zin Ya̱ko̱bo̱ Manyi, “Ta̱mu̱ta̱dde̱n ci baba Aburaham ki ci baba I̱sa̱ko̱, Manyi bai, ngene ci bali a̱nne̱ka̱ annit ne, ‘Mi̱re̱ bit o̱rge̱ cunne ki boor cunne, kar atin kaanyi i̱nne̱t kaal cik meelek,’

Kananet 35:11

Kar zin Ta̱mu̱ta̱dde̱n kizek nonno ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k; ti̱ro̱ kar otorte izet meele. Iyowa zu̱we̱ cik o̱ro̱gjo̱k cik meelek ngatunne, ovvo atin alaata iyowa eliye cunne.

Kananet 35:3

Kar zin i̱vi̱ta̱ koot rok Bethel, ngati kokko atin anna kadimanek i̱te̱le̱ Ta̱mu̱ta̱dde̱n bali eelanna no̱ngi̱tto̱ne̱ cigannik, kar enne ka̱vvu̱ ngati kowoye anna.”

Kananet 43:23

Ize zin du̱ca̱i̱ti̱ ne, “Abunna, i̱llo̱i̱ zoz imma ci gerze. Ma o̱ngo̱o̱li̱nnu̱ lo̱o̱c. Ta̱mu̱ta̱dde̱n cunno̱ng, ki Ta̱mu̱ta̱dde̱n ci be̱e̱ti̱nno̱ng ci arike o̱ro̱bi̱ya̱ ne̱ke̱ lodet ciggo̱k; ka̱gga̱ma̱ anna o̱ro̱bi̱ya̱ ciggo̱k.” Kar zin enne kiyowai Si̱mo̱ne̱ ki̱ki̱ya̱k nogo.

Kananet 48:3

Izek zin Ya̱ko̱bo̱ Yosevo ne, “I̱ye̱le̱ya̱ Ta̱mu̱ta̱dde̱n wa anyak Komiz do̱o̱k ele cinne ngati een Luz, lo̱o̱ce̱ ci Kanaani, kar enne ku̱mu̱yu̱wa̱ annit nginati,

Lu̱ge̱z 18:4

kar do̱le̱c co̱de̱ bo̱do̱k een zara Eliezer, eci ize enne ne, “Ta̱mu̱ta̱dde̱n ci baba cinanni ko̱ een ti̱ri̱zo̱i̱t cinanni; eelawa enne annit nya̱tu̱ba̱te̱ ci alaan ci Masiro.”

Ma̱te̱yo̱ 6:33

Abarik zin orongtta arrak oowa ba̱a̱li̱ne̱t ci Ta̱mu̱ta̱dde̱no̱ ki bunnat cinne, kar bo̱do̱k atin Ta̱mu̱ta̱dde̱n ka̱a̱nyu̱ng kaal ne̱k orongnyu niga ke̱ do̱o̱k.

Evesos 1:3

Abunna zin kinnat Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. A̱ma̱yu̱kke̱t enne agit bali ta̱mu̱-kenga ngati i̱tto̱na̱ne̱ Ki̱ri̱sto̱ kar kurubta ma̱yu̱we̱ne̱t ci Vongizo zo̱ze̱ cinne.

Vilipia 4:19

Kar atin Ta̱mu̱ta̱dde̱n cinanni ka̱a̱nyu̱ng kaal cik orongnyu niga eezet cinne ngati Ye̱su̱ Ki̱ri̱sto̱.

1 Ti̱mo̱te̱yo̱ 4:8

Ming edemezi i̱nna̱ vi̱ra̱ ele abunna oroot, imma de̱mzi̱ne̱t baiz ci Ta̱mu̱ta̱dde̱no̱ eelannet go̱o̱lo̱we̱ cik meelek. Anyak baizi ci Ta̱mu̱ta̱dde̱no̱ bunnat oroot, eci aanyyet i̱yo̱ko̱ baiz ci abunna ki ci atin reena.