Kananet 48:15 - Tennet

¹⁵ U̱mu̱yu̱k zin enne Yosevo kar kize ne, “Anyik bai Ta̱mu̱ta̱dde̱n ci be̱e̱ti̱ga̱ni̱k Aburaham ki I̱sa̱ko̱ bali owo ki nonno ke̱, Ta̱mu̱ta̱dde̱n wa een bali tuwayoit cinanni i̱i̱nya̱ do̱o̱k baize cinanni rok i̱i̱te̱n cu,

Kananet 48:15 Iomraidhean Croise

Kananet 17:1

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Kananet 24:20

U̱ddu̱te̱k zin enne maam ne̱k anyak enne i̱jja̱ ko̱ i̱bo̱ ci audene kaala, kar zin ki̱vi̱r ki̱mi̱re̱ kuluce kuk iitawa, kiṯila maam u̱gge̱, kar ke̱e̱li̱k maam cik eleno ki naganaget ciginnek do̱o̱k.

Kananet 24:40

“Abariz zin enne, ‘I̱tto̱na̱ atin Manyi ci kowo anna zo̱ze̱ cinne ko̱ anjilo cinne ki i̱nne̱ta̱ kar kidiman eroni cunne kubunna, kar atin i̱nna̱ nyahak ngeranni ngaa boore cinanni ele, tatuge ci baba.

Kananet 27:27

Uk zin Ya̱ko̱bo̱ ojonun ngatinne kar kiza nonno. Baling ocowa I̱sa̱ko̱ mu̱yu̱k ci ru̱u̱m cinne, u̱mu̱yu̱k zin enne nonno kar kize ne, “Oh, mu̱yu̱k ci ngeranni ongooli ki mu̱yu̱k ci zaro ci u̱mu̱yu̱k Manyi.

Kananet 27:4

Ming uk anyaha, aak u̱u̱ci̱ cik irez zinin cinanne kar nyahaka kadau, abunna ka̱mu̱yu̱ki̱ ming ngen anna ka̱da̱u̱.”

Kananet 28:20

Idiman zin Ya̱ko̱bo̱ olom, azi ne, “Ming aave Ta̱mu̱ta̱dde̱n ngatinanni kar kicina annit ngati kerone kar kaanya atin da̱i̱ne̱t ki ru̱u̱ma̱ni̱

Kananet 28:22

kar bee bali karike anna kize lolac ke̱ kize atin Ce̱e̱z wa Ta̱mu̱ta̱dde̱no̱, kar atin kaala cik aanya i̱nna̱ annita ko̱, kokko atin anna kaanyi i̱nne̱t Ta̱mu̱ta̱dde̱n co̱de̱ kaale cik e̱e̱ggi̱n omoto.”

Kananet 28:3

Anyik Ta̱mu̱ta̱dde̱n wa anyak Komiz do̱o̱k ka̱mu̱yu̱ki̱n kar kaanyi ti̱ra̱ dooli cik meelek kizeto zu̱we̱n cik meelek.

Kananet 35:3

Kar zin i̱vi̱ta̱ koot rok Bethel, ngati kokko atin anna kadimanek i̱te̱le̱ Ta̱mu̱ta̱dde̱n bali eelanna no̱ngi̱tto̱ne̱ cigannik, kar enne ka̱vvu̱ ngati kowoye anna.”

Kananet 48:16

Anjilo wa eelanna annit kaale cik gerzek do̱o̱k, anyik bai nonno ka̱mu̱yu̱k logoz ne̱ko̱. Anyik bai ol kutu nogo zare cigannik ki zar cik be̱e̱ti̱ga̱ni̱k Aburaham ki I̱sa̱ko̱, anyik bai nogo ki̱ti̱rre̱t kizeto meele giir lo̱o̱ta̱ ngatu.”

Kananet 49:22

Yosevo, ogoni i̱nna̱ kiwagon keet ci een vi̱no̱ a̱bbi̱re̱, keet ci a̱bbi̱re̱ aave e̱be̱re̱ce̱ ci maamu ojonun, atanak alawo ciginnek ottod a̱lu̱wa̱.

Kananet 49:24

Imma laani cunne abile ṯop, ovvo azzina cigunnek e̱re̱ye̱ ju̱rru̱m, eci zo̱ze̱ ci a̱zzi̱t ci Manyi wa O̱de̱ Ya̱ko̱bo̱ wa anyak Komiz do̱o̱k, eci zo̱ze̱ ci Tuwayoit, Bee ci Israilo,

Kananet 49:28

E̱e̱ggi̱n ne̱ko̱ do̱o̱k booryyok cik Israilo omoto ki rama, kar zin ne̱ko̱ een zoz ci u̱du̱wa̱k be̱e̱ti̱nne̱ng nogo baling a̱mu̱yu̱k enne nogo co̱de̱ co̱de̱. Aanyik ngenngene ma̱yu̱we̱ne̱t ci eleno nonno.

Kananet 6:9

Een zin cu zoz ci a̱du̱wa̱ baiz ci obod ki Nowa. Een da̱ enne e̱e̱t ci abunna olle balik abak ki nonno e̱rki̱to̱we̱ ne̱ke̱. Owowo enne ba̱li̱ye̱ ki Ta̱mu̱ta̱dde̱n.

Lu̱ge̱z 3:16

“Bit, lut lo̱ddi̱ki̱re̱ cik Israilo kar izek nogo ne, ‘A̱nne̱ka̱ Manyi, Ta̱mu̱ta̱dde̱n ci be̱e̱ti̱ggo̱k ki Aburaham, I̱sa̱ko̱ ki Ya̱ko̱bo̱ ne: Koroota baiz ci a̱gi̱ddu̱ng ol Masire.

Lu̱ge̱z 4:5

Ize zin Manyi ne, “Tu̱gu̱ zoz necu ki i̱yo̱ko̱ kar olli Israilo kelemtta zoz ci Manyi Ta̱mu̱ta̱dde̱n ci be̱e̱ti̱gge̱k ki Aburaham ki I̱sa̱ko̱ ki Ya̱ko̱bo̱, i̱ye̱le̱i̱ Manyi i̱nne̱t ele de̱de̱.”

Lu̱ka̱ 1:6

Abunna bali nege a̱gga̱m zoz ci Ta̱mu̱ta̱dde̱no̱ oroot. Acin bo̱do̱k ol nogo ming azunne lo̱ti̱nno̱k wak Manyi ki keerani cigge̱k.

1 Ko̱ri̱nto̱ 10:31

Ka̱nne̱kku̱ng zin anna i̱ge̱t ne, ming adakce icima aude icima ogoni gi̱i̱ imma ci aave do̱, tu̱gu̱ kize ci a̱di̱ngdi̱nga̱ni̱ Ta̱mu̱ta̱dde̱n.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

Kolosiya 2:6

I̱yo̱ko̱ zin, ming elemttau niga Ye̱su̱ Ki̱ri̱sto̱ kize Manyi cunno̱ng, abunna zin ming abakku baize cinne.

1 Te̱se̱lo̱ni̱ka̱ 2:12

Ki̱lo̱tu̱ng, kadihizung kar kilalekkung abunna ming abakku baiz ci irez Ta̱mu̱ta̱dde̱n, kar atin ka̱a̱nyu̱ng izet ol cik ovvo abakku bu̱k ba̱a̱li̱nte̱ ci okko atin enne abale lo̱o̱c.

I̱bu̱ru̱ 11:21

Imma bo̱do̱k tu̱we̱nte̱ ci Ya̱ko̱bo̱, u̱mu̱yu̱k enne dooli cik Yosevo baling ize enne ma̱ti̱yo̱c, kar ki̱di̱ngdi̱nga̱n Ta̱mu̱ta̱dde̱n ngati i̱ti̱re̱ne̱ ki̱ri̱ cinne.