Kananet 47:22 - Tennet

²² Ngen zin Yosevo kutuwa lo̱o̱c ci olli wawaco, eci nege amuda da̱i̱ne̱t ngati alaano kar kanyait da̱i̱ne̱t cik meelek aanyik enne nogo ko̱. Zoz zin ci iróng nege utene lo̱o̱c cinne̱ng ko̱ nenen necu.

Kananet 47:22 Iomraidhean Croise

Kananet 14:18

Anyahak zin Melchizedeki alaani ci Salemi merte ki da̱i̱ne̱t. Een da̱ enne e̱e̱t ci wawaco Ta̱mu̱ta̱dde̱n wa A̱ddi̱ki̱re̱ Veelek,

Kananet 41:45

Akatek zin alaani Yosevo zar cik een Zaphenath-Paneah kar kaanyik nonno bo̱do̱k ki̱ti̱k do̱le̱c ci azi zar ne Asenath, buweenyi e̱e̱t ci een Potiphera, e̱e̱t ci wawaco o̱rge̱ ci een On. Kar zin Yosevo ka̱lu̱c lo̱o̱c ci Masiro do̱o̱k.

Kananet 41:50

Baling ngen e̱rki̱nya̱ wak magizak ki̱vi̱ta̱, i̱ti̱rra̱ zin ngaa ci Yosevo ci een Asenath logoz ram, een enne buweenyi Potiphera e̱e̱t ci wawaco o̱rge̱ ci een On.

Kananet 47:21

aanyik zin Yosevo olli Masiro do̱o̱k kizeto du̱cca̱k.

Kananet 47:23

Izek Yosevo ol ne, “I̱yo̱ko̱ zin, kutuwaung anna i̱ge̱ta̱ ki lo̱o̱c cunno̱ng do̱o̱k kizeto cik alaano, iciko i̱nyo̱mo̱ oot e̱e̱vi̱t lo̱o̱c.

Kananet 47:26

Eteherek zin Yosevo zoz neci waraga kize lo̱ti̱nno̱k cik obod ki olli Masiro, azi ne, ming ettedai labina, anycik labi u̱gge̱ cikidik kize cik alaano. Ize lo̱o̱c ci olli wawaco do̱ niko ci iróng een cinne.

Ma̱te̱yo̱ 10:10

ma anyakku ki lodet icima ru̱u̱ma̱ni̱, icima caava rok ki̱ri̱ bu̱k. Abarik zin ol wak uwahekku niga zoz ci Ta̱mu̱ta̱dde̱no̱ ce̱e̱zi̱nne̱ cigge̱k ko̱, cik atin a̱a̱nyu̱ng da̱i̱ne̱t.

1 Ko̱ri̱nto̱ 9:13

A̱gga̱yyu̱ niga ol ne̱k a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ko̱, ming amuda da̱i̱ne̱t cigge̱k kaale cik aanyik ol Ta̱mu̱ta̱dde̱n. Ovvo ol wak a̱li̱ngli̱ng i̱te̱le̱ ci Ce̱e̱z wa Ta̱mu̱ta̱dde̱no̱, amuda nege da̱i̱ne̱t cigge̱k kaale cik atuve ol i̱te̱le̱ neci.

Ga̱la̱ti̱a̱ 6:6

Anyik ol wak edemez ol nogo kozolit ki de̱me̱zzo̱k wak edemez nogo zoz ci Ta̱mu̱ta̱dde̱no̱ kaal.

2 Te̱se̱lo̱ni̱ka̱ 3:10

Ku̱du̱ktta̱u̱ng ri̱t ba̱li̱ye̱ kizeung ne, “Ming aave e̱e̱ti̱ ci a̱tu̱we̱ abure li̱ngli̱ngo̱n to, ujurtak nonno da̱i̱ne̱t.”

1 Ti̱mo̱te̱yo̱ 5:17

Anyik ol cik a̱tu̱we̱ ki̱ti̱ri̱ze̱t lo̱ddi̱ki̱re̱ cik a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ju̱rru̱m eci nege a̱li̱ngli̱ng ju̱rru̱m. Ommogje ming uwahek ol kar ke̱de̱me̱zi̱t zoz ci Ta̱mu̱ta̱dde̱no̱.