Kananet 46:4 - Tennet

⁴ Kaluce atin anna rok lo̱o̱c ci Masiro korkor ki i̱nne̱ta̱, kar atin anna de̱de̱ kobodai i̱nne̱t bo̱do̱k rok lo̱o̱c ci Kanaani. Kar atin Yosevo ku̱bu̱ng ebere cigunnek azzine ciginnek.”

Kananet 46:4 Iomraidhean Croise

Kananet 28:15

Kaave anna ngatunne kar atin kuzutin odohize ngati okkoye, kanyahanni atin i̱nne̱t kobodani rok lo̱o̱c cu. Iróng atin anna kungneki lo̱o̱c ming ngen anna kedeca zoz bali ka̱du̱wa̱ki̱ ke̱.”

Kananet 48:21

Izek zin Israili Yosevo ne, “Ize ojon annit daizi, eelanni atin Ta̱mu̱ta̱dde̱n kar okkoyyi rok lo̱o̱c ci be̱e̱ti̱gu̱nne̱k.

Kananet 50:1

U̱ju̱ke̱k Yosevo ele cinne baatinne kar zin ku̱tu̱lu̱we̱k nonno, kar zin kiza nonno.

Kananet 50:13

Odongit nege ele cinne oot a̱da̱c lo̱o̱ce̱ ci Kanaani ngi̱lo̱me̱ ci aave ngati een Machpelah ojono ki Mamre, ngin bali uuta Aburahami kize ilomet ngati Ephroni wa een e̱e̱t ci Hittite, ki ma̱na̱ bu̱k.

Kananet 50:5

‘Aanya ba̱li̱ye̱ baba annit ku̱du̱l keet kize ne, “Ize ojon kokko anna ka̱da̱i̱; daweka annit ilomi bali kadimanek anna ele cinanni ke̱ lo̱o̱ce̱ ci Kanaani.” I̱yo̱ko̱ inya annit kitinga kuk ka̱da̱ baba; kar zin atin anna koboda.’”

Lu̱ge̱z 3:17

Kodola zin anna kar kaaraung piryenzeta Masira. Ka̱a̱nyu̱ng atin anna i̱ge̱ta̱ lo̱o̱c ci abunna abbize i̱ra̱na̱ ki lete, orog ci abahe olli Kanaani, Hittites, Amorites, Perizzites, Hivites ki Jebusites.’

Lu̱ge̱z 3:8

Kalucak anna lo̱o̱c kar ki̱ki̱ya̱ keela nogo olle cik Masiro, kar kangara nogo lo̱o̱ce̱ neci kar ku̱lu̱ga̱i̱ lo̱o̱c ci abunna, a̱gu̱l nginti abbize i̱ra̱na̱ ki lete, lo̱o̱co̱we̱ cik Kanaani, Hittites, Amorites, Perizzites, Hivites ki Jebusites.