Kananet 46:1 - Tennet

¹ Uwe zin Israili i̱jjo̱ balik anyak enne ke̱ do̱o̱k, kar baling okko enne arawa Beersheba, apahek zin wawa Ta̱mu̱ta̱dde̱n ci baatinne I̱sa̱ko̱.

Kananet 46:1 Iomraidhean Croise

Kananet 12:8

Imma zin nginati uk enne biyene o̱to̱ne̱ ci je̱e̱ni̱ o̱rge̱ ci een Bethel kar zin kidiman ti̱ti̱ cinne, aave Betheli nyigja okko Ai aave je̱e̱na̱. Eteehenyek zin enne Manyi i̱te̱le̱ kar zin kutu zare cik Manyi.

Kananet 21:14

Imma nge̱rre̱t ingani, idima Aburahami da̱i̱ne̱t u̱gge̱ ki de̱e̱re̱ ci maamu kar zin kaanyik Hagar. I̱ti̱ye̱k zin i̱nya̱ cinne kar zin ki̱nya̱ma̱ne̱k nonno gool ki do̱le̱c. Akat Hagari gool cinne kar kuk ki̱ti̱k tu̱ balale ci een Beersheba.

Kananet 21:31

Akatozik zin ngineci kize Beersheba eci ol cik een rama ko̱ u̱tu̱gu̱zzo̱ olom nginati.

Kananet 21:33

Irir zin Aburahami keet ci een motongoc ngati een Beersheba ke̱, kar nginati kala zar cik Manyi, Ta̱mu̱ta̱dde̱n wa aave udut.

Kananet 22:13

Edev Aburahami ta̱dde̱n, kar zin kicin mirkic ci odowan o̱to̱ keeta. Uk enne nginati kar kooga mirkic neci kar zin ketted kapahek Ta̱mu̱ta̱dde̱n kize i̱di̱ng ci ivade karagiz nginti ngerinne.

Kananet 28:10

Utungek zin Ya̱ko̱bo̱ orog cinne̱ng Beersheba lo̱o̱c kar kuk o̱rge̱ ci een Haran.

Kananet 28:13

Imma go̱o̱le̱ neci ta̱dde̱na̱, abile Manyi nginati, kar enne kize ne, “Ke̱e̱ni̱ anna Manyi, Ta̱mu̱ta̱dde̱n ci baatunne Aburaham ki baatunne I̱sa̱ko̱. Kaanyi atin i̱nne̱t ki dooli cigunnek lo̱o̱c ci oonge i̱nna̱ ko̱.

Kananet 31:42

Ming iróng ngo̱li̱ne̱t ci Ta̱mu̱ta̱dde̱n ci baba, Ta̱mu̱ta̱dde̱n ci Aburahami ki ngo̱li̱ne̱t ci I̱sa̱ko̱ aave ngatinanni, ottoka wo̱ye̱ da̱ i̱nna̱ annit kuk azzine ollin. Abarik zin Ta̱mu̱ta̱dde̱n icin li̱ngli̱ngo̱n ci kapirnane anna azzine cigannik ko̱ kar bali ba̱a̱l u̱du̱wa̱i̱ Ta̱mu̱ta̱dde̱n i̱nne̱ta̱.”

Kananet 31:53

Anyik bai Ta̱mu̱ta̱dde̱n ci Aburahami ki Nahor, Ta̱mu̱ta̱dde̱n ci be̱e̱ti̱nne̱ng, kettedeit agit lo̱ki̱ko̱ orgen cinna.” O̱to̱ngo̱o̱le̱ Ya̱ko̱bo̱ kar zin ki̱tto̱n zare cik baatinne I̱sa̱ko̱ ki Ta̱mu̱ta̱dde̱n wa ala enne.

Kananet 33:20

Imma nginati idiman zin enne i̱te̱le̱ nginati kar kakatek zar cik een El Elohe Israilo.

Kananet 35:3

Kar zin i̱vi̱ta̱ koot rok Bethel, ngati kokko atin anna kadimanek i̱te̱le̱ Ta̱mu̱ta̱dde̱n bali eelanna no̱ngi̱tto̱ne̱ cigannik, kar enne ka̱vvu̱ ngati kowoye anna.”

Kananet 35:7

Idiman zin enne nginati i̱te̱le̱, kar kakatek ngin neci kize El Bethel, eci i̱ye̱le̱k Ta̱mu̱ta̱dde̱n ele cinne nonno nginati baling a̱vi̱r enne ngati gotononi.

Kananet 4:4

Ma̱i̱je̱ Abeli bo̱do̱k otodongek Ta̱mu̱ta̱dde̱n a̱zze̱t. Atahala enne nyoon ci een a̱bu̱ kar zin kumuc Ta̱mu̱ta̱dde̱n i̱di̱nge̱ ci adiye. Atali zin Manyi baiz ci Abeli ki mucenet cinne.

Kananet 45:28

Kar zin Israili kize ne, “Kelema anna zoz necu! Ngen ngeranni Yosevo aruge. Kokko atin anna kacinni nonno ming ngen ka̱da̱u̱.”

Kananet 8:20

Idimanek zin Nowa Manyi i̱te̱le̱ kar kalawe nonno. Idima elegje wak abunna adak ol ki iballi bu̱k, kar zin kapahek Ta̱mu̱ta̱dde̱n.

Buk wa To̱ni̱a̱u̱ 7:15

U̱lu̱cce̱ zin Ya̱ko̱bo̱ ki boor do̱o̱k oot Masire, ngin wa a̱da̱kne̱ enne ki be̱e̱ti̱gga̱c ke̱.