Kananet 45:5 - Tennet

⁵ Imma i̱yo̱ko̱, ma ngen o̱ngo̱o̱li̱nnu̱, ma aburnnu nong e̱le̱tti̱ne̱ cuggo̱k zo̱ze̱ bali utekang niga annit ngintu ke̱, eci Ta̱mu̱ta̱dde̱n ci orong keelaweta zo̱ze̱ ci i̱tto̱na̱na̱ enne annit ki̱ki̱ya̱ ngintu o̱o̱we̱ cunno̱ng.

Kananet 45:5 Iomraidhean Croise

Kananet 37:28

Baling ovvo olli Ismaili wa azi zar u̱gge̱ ne Midiani, wak gon utene kaal a̱vvu̱ ojonun, u̱tu̱gu̱rta̱ zin gotonoggja Yosevo lo̱o̱wa̱ kar ku̱tu̱yye̱k nonno o̱ro̱bi̱ya̱i̱ cik een ziik moten rama ol cik Ismaili kar ko̱o̱tte̱ nonno Masire.

Kananet 47:25

O̱bo̱dde̱k zin nege Yosevo a̱nne̱k ne, “I̱ti̱ri̱zu̱ i̱nna̱ baiz cinna̱ng. Anyik bai manyi cinna kicinnet agit ju̱rru̱m; ke̱e̱ggi̱n atin naga du̱cca̱k cik alaano.”

Kananet 50:19

Abarik zin Yosevo a̱nne̱k gotonoggi ne, “Ma o̱ngo̱o̱li̱nna̱ng. Kaave i̱yo̱ko̱ anna ngati Ta̱mu̱ta̱dde̱no̱?

Kananet 50:20

Orongnyu ba̱li̱ye̱ niga u̱ru̱kta̱ng annit la̱du̱n, ma̱i̱je̱ Ta̱mu̱ta̱dde̱n orong ku̱tu̱gu̱ zoz ci abunna ki i̱yo̱ko̱ ming ogone kaala ko̱, kar enne ki̱ti̱ri̱z ol cik meelek.

Kananet 50:21

I̱yo̱ko̱ zin, ma o̱ngo̱o̱li̱nnu̱ gi̱i̱ imma. Ka̱a̱nyu̱ng atin da̱i̱ne̱t i̱ge̱t ki dooli ciggo̱k.” U̱du̱wa̱k zin enne nogo zoz ci aanyik zi̱nze̱tti̱ cigge̱k ka̱vvu̱to̱ lo̱o̱ta̱, kar kozozek muluwe ci alali.

Lu̱ka̱ 23:34

Kar zin Ye̱su̱ kalawo kize ne, “Baba, lalek nogo, eci iróng nege a̱gga̱ gi̱i̱ ci ogon ko̱.” Kar zin kengerit ru̱u̱ma̱ni̱ ciginnek ngati ovoce bibi.

2 Ko̱ri̱nto̱ 2:11

Kar zin Sitani iróng amuda gool ci a̱lu̱te̱tta̱, eci ka̱gga̱ ju̱rru̱m go̱o̱llo̱k cik orong lo̱rye̱nti̱ kar kegerzan ol.

2 Ko̱ri̱nto̱ 2:7

Abarik lalek nonno, kar keela e̱e̱t neci abaci ke̱, abunna iróng oo cinne a̱ku̱li̱.

Vilomene 1:15

Icima da̱ Ta̱mu̱ta̱dde̱n ci a̱a̱nyu̱ng edeyo ki nonno arrak do̱yo̱i̱t kar ming okko enne oboda, kar a̱vvu̱t nga̱to̱de̱ udut.